1Chron 18

Teljes szövegű keresés

1Chron 18
1Chron 18.1
וַיְהִי אַחֲרֵי־כֵן וַיַּך דָּוִיד
אֶת־פְּלִשְׁתִּים וַיַּכְנִיעֵם וַיִּקַּח
אֶת־גַּת וּבְנֺתֶיהָ מִיַּד פְּלִשְׁתִּים׃
1Chron 18.2
וַיַּך אֶת־מוֺאָב וַיִּהְיוּ מוֺאָב
עֲבָדִים לְדָוִיד נֺשְׂאֵי מִנְחָה׃
1Chron 18.3
וַיַּך דָּוִיד אֶת־הֲדַדְעֶזֶר מֶלֶכְ־צוֺבָה
חֲמָתָה בְּלֶכְתּוֺ לְהַצִּיב יָדוֺ
בִּנְהַר־פְּרָת׃
1Chron 18.4
וַיִּלְכֹּד דָּוִיד מִמֶּנּוּ אֶלֶף רֶכֶב
וְשִׁבְעַת אֲלָפִים פָּרָשִׁים וְעֶשְׂרִים
אֶלֶף אִישׁ רַגְלִי וַיְעַקֵּר דָּוִיד
אֶת־כָּל־הָרֶכֶב וַיֺּותֵר מִמֶּנּוּ
מֵאָה רָכֶב׃
1Chron 18.5
וַיָּבֹא אֲרַם דַּרְמֶשֶׂק לַעְזֺור
לַהֲדַדְעֶזֶר מֶלֶך צוֺבָה וַיַּך
דָּוִיד בַּאֲרָם עֶשְׂרִימ־וּשְׁנַיִם
אֶלֶף אִישׁ׃
1Chron 18.6
וַיָּשֶׂם דָּוִיד בַּאֲרַם דַּרְמֶשֶׂק
וַיְהִי אֲרָם לְדָוִיד עֲבָדִים
נֺשְׂאֵי מִנְחָה וַיֺּושַׁע יְהוָה
לְדָוִיד בְּכֹל אֲשֶׁר הָלָך׃
1Chron 18.7
וַיִּקַּח דָּוִיד אֵת שִׁלְטֵי הַזָּהָב
אֲשֶׁר הָיוּ עַל עַבְדֵי הֲדַדְעָזֶר
וַיְבִיאֵם יְרוּשָׁלִָם׃
1Chron 18.8
וּמִטִּבְחַת וּמִכּוּן עָרֵי הֲדַדְעֶזֶר
לָקַח דָּוִיד נְחֹשֶׁת רַבָּה מְאֹד
בָּהּ עָשָׂה שְׁלֹמֹה אֶת־יָם הַנְּחֹשֶׁת
וְאֶת־הָעַמּוּדִים וְאֵ כְּלֵי הַנְּחֹשֶׁת׃
ף
1Chron 18.9
וַיִּשְׁמַע תֹּעוּ מֶלֶך חֲמָת כִּי
הִכָּה דָוִיד אֶת־כָּל־חֵיל הֲדַדְעֶזֶר
מֶלֶכְ־צוֺבָה׃
1Chron 18.10
וַיִּשְׁלַח אֶת־הֲדוֺרָמ־בְּנֺו אֶל־הַמֶּלֶכְ־דָּוִיד 1 לִשְׁאוֺל 2 לִשְׁאָל־לוֺ
לְשָׁלוֺם וּלְבָרֲכוֺ עַל אֲשֶׁר
נִלְחַם בַּהֲדַדְעֶזֶר וַיַּכֵּהוּ כִּי־אִישׁ
מִלְחֲמוֺת תֹּעוּ הָיָה הֲדַדְעָזֶר
וְכֹל כְּלֵי זָהָב וָכֶסֶף וּנְחֹשֶׁת׃
1Chron 18.11
גַּמ־אֹתָם הִקְדִּישׁ הַמֶּלֶך דָּוִיד
לַיהוָה עִמ־הַכֶּסֶף וְהַזָּהָב אֲשֶׁר
נָשָׂא מִכָּל־הַגֺּויִם מֵאֱדוֺם
וּמִמּוֺאָב וּמִבְּנֵי עַמּוֺן וּפְּלִשְׁתִּים
וּמֵעֲמָלֵק׃
1Chron 18.12
וְאַבְשַׁי בֶּנ־צְרוּיָה הִכָּה אֶת־אֱדוֺם
בְּגֵיא הַמֶּלַח שְׁמוֺנָה עָשָׂר אָלֶף׃
1Chron 18.13
וַיָּשֶׂם בֶּאֱדוֺם נְצִיבִים וַיִּהְיוּ
כָל־אֱדוֺם עֲבָדִים לְדָוִיד וַיֺּושַׁע
יְהוָה אֶת־דָּוִיד בְּכֹל אֲשֶׁר
הָלָך׃
1Chron 18.14
וַיִּמְלֹך דָּוִיד עַל־כָּל־יִשְׂרָאֵל
וַיְהִי עֹשֶׂה מִשְׁפָּט וּצְדָקָה
לְכָל־עַמּוֺ׃
1Chron 18.15
וְיֺואָב בֶּנ־צְרוּיָה עַל־הַצָּבָא
וִיהוֺשָׁפָט בֶּנ־אֲחִילוּד מַזְכִּיר׃
1Chron 18.16
וְצָדוֺק בֶּנ־אֲחִיטוּב וַאֲבִימֶלֶך
בֶּנ־אֶבְיָתָר כֹּהֲנִים וְשַׁוְשָׁא
סוֺפֵר׃
1Chron 18.17
וּבְנָיָהוּ בֶּנ־יְהוֺיָדָע עַל־הַכְּרֵתִי
וְהַפְּלֵתִי וּבְנֵי־דָוִיד הָרִאשֹׁנִים
לְיַד הַמֶּלֶך׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages