2Chron 12

Teljes szövegű keresés

2Chron 12
2Chron 12.1
וַיְהִי כְּהָכִין מַלְכוּת רְחַבְעָם
וּכְחֶזְקָתוֺ עָזַב אֶת־תּוֺרַת יְהוָה
וְכָל־יִשְׂרָאֵל עִמּוֺ׃ ף
2Chron 12.2
וַיְהִי בַּשָּׁנָה הַחֲמִישִׁית לַמֶּלֶך
רְחַבְעָם עָלָה שִׁישַׁק מֶלֶכְ־מִצְרַיִם
עַל־יְרוּשָׁלִָם כִּי מָעֲלוּ בַּיהוָה׃
2Chron 12.3
בְּאֶלֶף וּמָאתַיִם רֶכֶב וּבְשִׁשִּׁים
אֶלֶף פָּרָשִׁים וְאֵין מִסְפָּר
לָעָם אֲשֶׁר־בָּאוּ עִמּוֺ מִמִּצְרַיִם
לוּבִים סֻכִּיִּים וְכוּשִׁים׃
2Chron 12.4
וַיִּלְכֹּד אֶת־עָרֵי הַמְּצֻרוֺת אֲשֶׁר
לִיהוּדָה וַיָּבֹא עַד־יְרוּשָׁלִָם׃
ס
2Chron 12.5
וּשְׁמַעְיָה הַנָּבִיא בָּא אֶל־רְחַבְעָם
וְשָׂרֵי יְהוּדָה אֲשֶׁר־נֶאֶסְפוּ
אֶל־יְרוּשָׁלִַם מִפְּנֵי שִׁישָׁק וַיֺּאמֶר
לָהֶם כֹּה־אָמַר יְהוָה אַם עֲזַבְתֶּם
אֹתִי וְאַפ־אֲנִי עָזַבְתִּי אֶתְכֶם
בְּיַד־שִׁישָׁק׃
2Chron 12.6
וַיִּכָּנְעוּ שָׂרֵי־יִשְׂרָאֵל וְהַמֶּלֶך
וַיֺּאמְרוּ צַדִּיק יְהוָה׃
2Chron 12.7
וּבִרְאוֺת יְהוָה כִּי נִכְנָעוּ
הָיָה דְבַר־יְהוָה אֶל־שְׁמַעְיָה
לֵאמֹר נִכְנְעוּ לֹא אַשְׁחִיתֵם
וְנָתַתִּי לָהֶם כִּמְעַט לִפְלֵיטָה
וְלֹא־תִתַּך חֲמָתִי בִּירוּשָׁלִַם
בְּיַד־שִׁישָׁק׃
2Chron 12.8
כִּי יִהְיוּ־לוֺ לַעֲבָדִים וְיֵדְעוּ
עֲבוֺדָתִי וַעֲבוֺדַת מַמְלְכוֺת
הָאֲרָצוֺת׃ ס
2Chron 12.9
וַיַּעַל שִׁישַׁק מֶלֶכְ־מִצְרַיִם עַל־יְרוּשָׁלִַם
וַיִּקַּח אֶת־אֹצְרוֺת בֵּית־יְהוָה
וְאֶת־אֹצְרוֺת בֵּית הַמֶּלֶך אֶת־הַכֹּל
לָקָח וַיִּקַּח אֶת־גִנֵּי הַזָּהָב
אֲשֶׁר עָשָׂה שְׁלֹמֹה׃
2Chron 12.10
וַיַּעַשׂ הַמֶּלֶך רְחַבְעָם תַּחְתֵּיהֶם
מָגִנֵּי נְחֹשֶׁת וְהִפְקִיד עַל־יַד
שָׂרֵי הָרָצִים הַשֹּׁמְרִים פֶּתַח
בֵּית הַמֶּלֶך׃
2Chron 12.11
וַיְהִי מִדֵּי־בוֺא הַמֶּלֶך בֵּית
יְהוָה בָּאוּ הָרָצִים וּנְשָׂאוּם
וֶהֱשִׁבוּם אֶל־תָּא הָרָצִים׃
2Chron 12.12
וּבְהִכָּנְעוֺ שָׁב מִמֶּנּוּ אַפ־יְהוָה
וְלֹא לְהַשְׁחִית לְכָלָה וְגַם בִּיהוּדָה
הָיָה דְּבָרִים טוֺבִים׃ ס
2Chron 12.13
וַיִּתְחַזֵּק הַמֶּלֶך רְחַבְעָם בִּירוּשָׁלִַם
וַיִּמְלֹך כִּי בֶנ־אַרְבָּעִים וְאַחַת
שָׁנָה רְחַבְעָם בְּמָלְכוֺ וּשֲׁבַע
עֶשְׂרֵה שָׁנָה מָלַך בִּירוּשָׁלִַם
הָעִיר אֲשֶׁר־בָּחַר יְהוָה לָשׂוּם
אֶת־שְׁמוֺ שָׁם מִכֹּל שִׁבְטֵי יִשְׂרָאֵל
וְשֵׁם אִמּוֺ נַעֲמָה הָעַמֹּנִית׃
2Chron 12.14
וַיַּעַשׂ הָרָע כִּי לֹא הֵכִין
לִבּוֺ לִדְרוֺשׁ אֶת־יְהוָה׃ ס
2Chron 12.15
וְדִבְרֵי רְחַבְעָם הָרִאשֹׁנִים
וְהָאֲחַרוֺנִים הֲלֹא־הֵם כְּתוּבִים
בְּדִבְרֵי שְׁמַעְיָה הַנָּבִיא וְעִדּוֺ
הַחֹזֶה לְהִתְיַחֵשׂ וּמִלְחֲמוֺת
רְחַבְעָם וְיָרָבְעָם כָּל־הַיָּמִים׃
2Chron 12.16
וַיִּשְׁכַּב רְחַבְעָם עִמ־אֲבֹתָיו
וַיִּקָּבֵר בְּעִיר דָּוִיד וַיִּמְלֹך
אֲבִיָּה בְנֺו תַּחְתָּיו׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages