2Chron 31

Teljes szövegű keresés

2Chron 31
2Chron 31.1
וּכְכַלּוֺת כָּל־זֺאת יָצְאוּ כָל־יִשְׂרָאֵל
הַנִּמְצְאִים לְעָרֵי יְהוּדָה וַיְשַׁבְּרוּ
הַמַּצֵּבוֺת וַיְגַדְּעוּ הָאֲשֵׁרִים
וַיְנַתְּצוּ אֶת־הַבָּמֹת וְאֶת־הַמִּזְבְּחֹת
מִכָּל־יְהוּדָה וּבִנְיָמִן וּבְאֶפְרַיִם
וּמְנַשֶּׁה עַד־לְכַלֵּה וַיָּשׁוּבוּ
כָּל־בְּנֵי יִשְׂרָאֵל אִישׁ לַאֲחֻזָּתוֺ
לְעָרֵיהֶם ס
2Chron 31.2
וַיַּעֲמֵד יְחִזְקִיָּהוּ אֶת־מַחְלְקוֺת
הַכֹּהֲנִים וְהַלְוִיִּם עַל־מַחְלְקוֺתָם
אִישׁ כְּפִי עֲבֹדָתוֺ לַכֹּהֲנִים
וְלַלְוִיִּם לְעֹלָה וְלִשְׁמִים לְשָׁרֵת
וּלְהֹדוֺת וּלְהַלֵּל בְּשַׁעֲרֵי מַחֲנֺות
יְהוָה׃ ס
2Chron 31.3
וּמְנָת הַמֶּלֶך מִנ־רְכוּשׁוֺ לָעֹלוֺת
לְעֹלוֺת הַבֹּקֶר וְהָעֶרֶב וְהָעֹלוֺת
לַשַּׁבָּתוֺת וְלֶחֳדָשִׁים וְלַמֹּעֲדִים
כַּכָּתוּב בְּתוֺרַת יְהוָ׃
2Chron 31.4
וַיֺּאמֶר לָעָם לְיֺושְׁבֵי יְרוּשָׁלִַם
לָתֵת מְנָת הַכֹּהֲנִים וְהַלְוִיִּם
לְמַעַן יֶחֶזְקוּ בְּתוֺרַת יְהוָה׃
2Chron 31.5
וְכִפְרֹץ הַדָּבָר הִרְבּוּ בְנֵי־יִשְׂרָאֵל
רֵאשִׁית דָּגָן תִּירוֺשׁ וְיִצְהָר
וּדְבַשׁ וְכֹל תְּבוּאַת שָׂדֶה וּמַעְשַׂר
הַכֹּל לָרֹב הֵבִיאוּ׃
2Chron 31.6
וּבְנֵי יִשְׂרָאֵל וִיהוּדָה הַיֺּושְׁבִים
בְּעָרֵי יְהוּדָה גַּמ־הֵם מַעְשַׂר
בָּקָר וָצֹאן וּמַעְשַׂר קָדָשִׁים
הַמְקֻדָּשִׁים לַיהוָה אֱלֹהֵיהֶ
הֵבִיאוּ וַיִּתְּנוּ עֲרֵמוֺת עֲרֵמוֺת׃
ס
2Chron 31.7
בַּחֹדֶשׁ הַשְּׁלִשִׁי הֵחֵלּוּ הָעֲרֵמוֺת
לְיִסּוֺד וּבַחֹדֶשׁ הַשְּׁבִיעִי כִּלּוּ׃
ס
2Chron 31.8
וַיָּבֹאוּ יְחִזְקִיָּהוּ וְהַשָּׂרִים
וַיִּרְאוּ אֶת־הָעֲרֵמוֺת וַיְבָרֲכוּ
אֶת־יְהוָה וְאֵת עַמּוֺ יִשְׂרָאֵל׃
ף
2Chron 31.9
וַיִּדְרֹשׁ יְחִזְקִיָּהוּ עַל־הַכֹּהֲנִים
וְהַלְוִיִּם עַל־הָעֲרֵמוֺת׃
2Chron 31.10
וַיֺּאמֶר אֵלָיו עֲזַרְיָהוּ הַכֹּהֵן
הָרֹאשׁ לְבֵית צָדוֺק וַיֺּאמֶר
מֵהָחֵל הַתְּרוּמָה לָבִיא בֵית־יְהוָה
אָכוֺל וְשָׂבוֺעַ וְהוֺתֵר עַד־לָרוֺבכִּי
יְהוָה בֵּרַך אֶת־עַמּוֺ וְהַנֺּותָר
אֶת־הֶהָמוֺן הַזֶּה׃ ס
2Chron 31.11
וַיֺּאמֶר יְחִזְקִיָּהוּ לְהָכִין
לְשָׁכוֺת בְּבֵית יְהוָה וַיָּכִינוּ׃
2Chron 31.12
וַיָּבִיאוּ אֶת־הַתְּרוּמָה וְהַמַּעֲשֵׂר
וְהַקֳּדָשִׁים בֶּאֱמוּנָה וַעֲלֵיהֶם
נָגִיד 1 כּוֺנַנְיָהוּ 2 כָּנַנְיָהוּ הַלֵּוִי
וְשִׁמְעִי אָחִיהוּ מִשְׁנֶה׃
2Chron 31.13
וִיחִיאֵל וַעֲזַזְיָהוּ וְנַחַת וַעֲשָׂהאֵל
וִירִימוֺת וְיֺוזָבָד וֶאֱלִיאֵל
וְיִסְמַכְיָהוּ וּמַחַת וּבְנָיָהוּ
פְּקִידִים מִיַּד 1 כָּונַנְיָהוּ 2 כָּנַנְיָהוּ
וְשִׁמְעִי אָחִיו בְּמִפְקַד יְחִזְקִיָּהוּ
הַמֶּלֶך וַעֲזַרְיָהוּ נְגִיד בֵּית־הָאֱלֹהִים׃
2Chron 31.14
וְקוֺרֵא בֶנ־יִמְנָה הַלֵּוִי הַשּׁוֺעֵר
לַמִּזְרָחָה עַל נִדְבוֺת הָאֱלֹהִים
לָתֵת תְּרוּמַת יְהוָה וְקָדְשֵׁי
הַקֳּדָשִׁים׃
2Chron 31.15
וְעַל־יָדוֺ עֵדֶן וּמִנְיָמִן וְיֵשׁוּעַ
וּשְׁמַעְיָהוּ אֲמַרְיָהוּ וּשְׁכַנְיָהוּ
בְּעָרֵי הַכֹּהֲנִים בֶּאֱמוּנָה לָתֵת
לַאֲחֵיהֶם בְּמַחְלְקוֺתכַּגָּדוֺל
כַּקָּטָן׃
2Chron 31.16
מִלְּבַד הִתְיַחְשָׂם לִזְכָרִים מִבֶּן
שָׁלוֺשׁ שָׁנִים וּלְמַעְלָה לְכָל־הַבָּא
לְבֵית־יְהוָה לִדְבַר־יֺום בְּיֺומוֺ
לַעֲבוֺדָתָם בְּמִשְׁמְרוֺתָם כְּחְלְקוֺתֵיהֶם׃
2Chron 31.17
וְאֵת הִתְיַחֵשׂ הַכֹּהֲנִים לְבֵית
אֲבוֺתֵיהֶם וְהַלְוִיִּם מִבֶּן עֶשְׂרִים
שָׁנָה וּלְמָעְלָה בְּמִשְׁמְרוֺתֵיהֶם
בְּמַחְלְקוֺתֵיהֶם׃
2Chron 31.18
וּלְהִתְיַחֵשׂ בְּכָל־טַפָּם נְשֵׁיהֶם
וּבְנֵיהֶם וּבְנֺותֵיהֶם לְכָל־קָהָל
כִּי בֶאֱמוּנָתָם יִתְקַדְּשׁוּ־קֹדֶשׁ׃
2Chron 31.19
וְלִבְנֵי אַהֲרֹן הַכֹּהֲנִים בִּשְׂדֵי
מִגְרַשׁ עָרֵיהֶם בְּכָל־עִיר וָעִיר
אֲנָשִׁים אֲשֶׁר נִקְּבוּ בְּשֵׁמוֺת
לָתֵת מָנֺות לְכָל־זָכָר בַּכֹּהֲנִים
וּלְכָל־הִתְיַחֵשׂ בַּלְוִיִּם׃
2Chron 31.20
וַיַּעַשׂ כָּזֺאת יְחִזְקִיָּהוּ בְּכָל־יְהוּדָה
וַיַּעַשׂ הַטּוֺב וְהַיָּשָׁר וְהָאֱמֶת
לִפְנֵי יְהוָה אֱלֹהָיו׃
2Chron 31.21
וּבְכָל־מַעֲשֶׂה אֲשֶׁר־הֵחֵל בַּעֲבוֺדַת
בֵּית־הָאֱלֹהִים וּבַתּוֺרָה וּבַמִּצְוָה
לִדְרֹשׁ לֵאלֹהָיו בְּכָל־לְבָבוֺ
עָשָׂה וְהִצְלִיחַ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages