2Chron 4

Teljes szövegű keresés

2Chron 4
2Chron 4.1
וַיַּעַשׂ מִזְבַּח נְחֹשֶׁת עֶשְׂרִים
אַמָּה אָרְכּוֺ וְעֶשְׂרִים אַמָּה רָחְבּוֺ
וְעֶשֶׂר אַמּוֺת קוֺמָתוֺ׃ ס
2Chron 4.2
וַיַּעַשׂ אֶת־הַיָּם מוּצָק עֶשֶׂר
בָּאַמָּה מִשְּׂפָתוֺ אֶל־שְׂפָתוֺ עָגֺול
סָבִיב וְחָמֵשׁ בָּאַמָּה קוֺמָתוֺ
וְקָו שְׁלֹשִׁים בָּאַמָּה יָב אֹתוֺ
סָבִיב׃
2Chron 4.3
וּדְמוּת בְּקָרִים תַּחַת לוֺ סָבִיב
סָבִיב סוֺבְבִים אֹתוֺ עֶשֶׂר
בָּאַמָּה מַקִּיפִים אֶת־הַיָּם סָבִיב
שְׁנַיִם טוּרִים הַבָּקָר יְצוּקִימבְּמֻצַקְתּוֺ׃
2Chron 4.4
עוֺמֵד עַל־שְׁנֵים עָשָׂר בָּקָר
שְׁלֹשָׁה פֹנִים צָפוֺנָה וּשְׁלוֺשָׁה
פֹנִים יָמָּה וּשְׁלֹשָׁה פֹּנִים נֶגְבָּה
וּשְׁלֹשָׁה פֹּנִים מִזְרָחָה וְהַיָּם
עֲלֵיהֶם מִלְמָעְלָה וְכָל־אֲחֹרֵיהֶם
בָּיְתָה׃
2Chron 4.5
וְעָבְיֺו טֶפַח וּשְׂפָתוֺ כְּמַעֲשֵׂה
שְׂפַת־כּוֺס פֶּרַח שׁוֺשַׁנָּה מַחֲזִיק
בַּתִּים שְׁלֹשֶׁת אֲלָפִים יָכִיל׃
ס
2Chron 4.6
וַיַּעַשׂ כִּיֺּורִים עֲשָׂרָה וַיִּתֵּן
חֲמִשָּׁה מִיָּמִין וַחֲמִשָּׁה מִשְּׂמֹאול
לְרָחְצָה בָהֶם אֶת־מַעֲשֵׂה הָעוֺלָה
יָדִיחוּ בָם וְהַיָּם לְרָצָה לַכֹּהֲנִים
בּוֺ׃ ס
2Chron 4.7
וַיַּעַשׂ אֶת־מְנֺרוֺת הַזָּהָב עֶשֶׂר
כְּמִשְׁפָּטָם וַיִּתֵּן בַּהֵיכָל חָמֵשׁ
מִיָּמִין וְחָמֵשׁ מִשְּׂמֹאול׃ ס
2Chron 4.8
וַיַּעַשׂ שֻׁלְחָנֺות עֲשָׂרָה וַיַּנַּח
בַּהֵיכָל חֲמִשָּׁה מִיָּמִין וַחֲמִשָּׁה
מִשְּׂמֹאול וַיַּעַשׂ מִזְרְקֵי זָהָב
מֵאָה׃
2Chron 4.9
וַיַּעַשׂ חֲצַר הַכֹּהֲנִים וְהָעֲזָרָה
הַגְּדוֺלָה וּדְלָתוֺת לָעֲזָרָה
וְדַלְתוֺתֵיהֶם צִפָּה נְחֹשֶׁת׃
2Chron 4.10
וְאֶת־הַיָּם נָתַן מִכֶּתֶף הַיְמָנִית
קֵדְמָה מִמּוּל נֶגְבָּה׃
2Chron 4.11
וַיַּעַשׂ חוּרָם אֶת־הַסִּירוֺת וְאֶת־הַיָּעִים
וְאֶת־הַמִּזְרָקוֺת ס וַיְכַל 1 חיּרָם 2 חוּרָם
לַעֲשׂוֺת אֶת־הַמְּלָאכָה אֲשֶׁר עָשָׂה
לַמֶּלֶך שְׁלֹםֹ בְּבֵית הָאֱלֹהִים׃
2Chron 4.12
עַמּוּדִים שְׁנַיִם וְהַגֻּלּוֺת וְהַכֹּתָרוֺת
עַל־רֹאשׁ הָעַמּוּדִים שְׁתָּיִם וְהַשְּׂבָכוֺת
שְׁתַּיִם לְכַסּוֺת אֶת־שְׁתֵּי גֻּלּוֺת
הַכֹּתָרוֺת אֲשֶׁ עַל־רֹאשׁ הָעַמּוּדִים׃
2Chron 4.13
וְאֶת־הָרִמּוֺנִים אַרְבַּע מֵאוֺת
לִשְׁתֵּי הַשְּׂבָכוֺת שְׁנַיִם טוּרִים
רִמּוֺנִים לַשְּׂבָכָה הָאֶחָת לְכַסּוֺת
אֶת־שְׁתֵּי גֻּלּוֺת הַכֹּתָרוֺת אֲשֶׁר
עַל־פְּנֵי הָעַמּוּדִים׃
2Chron 4.14
וְאֶת־הַמְּכֹנֺות עָשָׂה וְאֶת־הַכִּיֺּרוֺת
עָשָׂה עַל־הַמְּכֹנֺות׃
2Chron 4.15
אֶת־הַיָּם אֶחָד וְאֶת־הַבָּקָר
שְׁנֵימ־עָשָׂר תַּחְתָּיו׃
2Chron 4.16
וְאֶת־הַסִּירוֺת וְאֶת־הַיָּעִים
וְאֶת־הַמִּזְלָגֺות וְאֶת־כָּל־כְּלֵיהֶם
עָשָׂה חוּרָם אָבִיו לַמֶּלֶך שְׁלֹמֹה
לְבֵית יְהוָה נְחֹשֶׁת מָרוּק׃
2Chron 4.17
בְּכִכַּר הַיַּרְדֵּן יְצָקָם הַמֶּלֶך
בַּעֲבִי הָאֲדָמָה בֵּין סֻכּוֺת
וּבֵין צְרֵדָתָה׃
2Chron 4.18
וַיַּעַשׂ שְׁלֹמֹה כָּל־הַכֵּלִים הָאֵלֶּה
לָרֹב מְאֹד כִּי לֹא נֶחְקַר מִשְׁקַל
הַנְּחֹשֶׁת׃ ף
2Chron 4.19
וַיַּעַשׂ שְׁלֹמֹה אֵת כָּל־הַכֵּלִים
אֲשֶׁר בֵּית הָאֱלֹהִים וְאֵת מִזְבַּח
הַזָּהָב וְאֶת־הַשֻּׁלְחָנֺות וַעֲלֵיהֶם
לֶחֶם הַפָּנִים׃
2Chron 4.20
וְאֶת־הַמְּנֺרוֺת וְנֵרֹתֵיהֶם לְבַעֲרָם
כַּמִּשְׁפָּט לִפְנֵי הַדְּבִיר זָהָב
סָגוּר׃
2Chron 4.21
וְהַפֶּרַח וְהַנֵּרוֺת וְהַמֶּלְקַחַיִם
זָהָב הוּא מִכְלוֺת זָהָב׃
2Chron 4.22
וְהַמְזַמְּרוֺת וְהַמִּזְרָקוֺת וְהַכַּפּוֺת
וְהַמַּחְתּוֺת זָהָב סָגוּר וּפֶתַח
הַבַּיִת דַּלְתוֺתָיו הַפְּנִימִיֺּות
לְקֹדֶשׁ הַקֳּדָשִׁים וְדַלְתֵיהַבַּיִת
לַהֵיכָל זָהָב׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages