2Chron 7

Teljes szövegű keresés

2Chron 7
2Chron 7.1
וּכְכַלּוֺת שְׁלֹמֹה לְהִתְפַּלֵּל וְהָאֵשׁ
יָרְדָה מֵהַשָּׁמַיִם וַתֹּאכַל הָעֹלָה
וְהַזְּבָחִים וּכְבוֺד יְהוָה מָלֵא
אֶת־הַבָּיִת׃
2Chron 7.2
וְלֹא יָכְלוּ הַכֹּהֲנִים לָבוֺא
אֶל־בֵּית יְהוָה כִּי־מָלֵא כְבוֺד־יְהוָה
אֶת־בֵּית יְהוָה׃
2Chron 7.3
וְכֹל בְּנֵי יִשְׂרָאֵל רֹאִים בְּרֶדֶת
הָאֵשׁ וּכְבוֺד יְהוָה עַל־הַבָּיִת
וַיִּכְרְעוּ אַפַּיִם אַרְצָה עַל־הָרִצְפָה
וַיִּשְׁתַּחֲווּ וְהוֺדוֺת לַיהוָה
כִּי טוֺב כִּי לְעוֺלָם חַסְדּוֺ׃
2Chron 7.4
וְהַמֶּלֶך וְכָל־הָעָם זֺבְחִים זֶבַח
לִפְנֵי יְהוָה׃ ס
2Chron 7.5
וַיִּזְבַּח הַמֶּלֶך שְׁלֹמֹה אֶת־זֶבַח
הַבָּקָר עֶשְׂרִים וּשְׁנַיִם אֶלֶף
וְצֹאן מֵאָה וְעֶשְׂרִים אָלֶף וַיַּחְנְכוּ
אֶת־בֵּית הָאֱלֹהִים הַמֶּלֶך וְכָל־הָעָם׃
2Chron 7.6
וְהַכֹּהֲנִים עַל־מִשְׁמְרוֺתָם עֹמְדִים
וְהַלְוִיִּם בִּכְלֵי־שִׁיר יְהוָה
אֲשֶׁר עָשָׂה דָּוִיד הַמֶּלֶך לְהֹדוֺת
לַיהוָה כִּי־לְעוֺלָם חַסְדּוֺ
בְּהַלֵּל דָּוִיד בְּיָדָם וְהַכֹּהֲנִים 1 מַחֲצֹצְרִים 2 מַחְצְרִים
נֶגְדָּם וְכָל־יִשְׂרָאֵל עֹמְדִים׃
ס
2Chron 7.7
וַיְקַדֵּשׁ שְׁלֹמֹה אֶת־תּוֺך הֶחָצֵר
אֲשֶׁר לִפְנֵי בֵית־יְהוָה כִּי־עָשָׂה
שָׁם הָעֹלוֺת וְאֵת חֶלְבֵי הַשְּׁלָמִים
כִּי־מִזְבַּח הַנְּחֹשֶׁ אֲשֶׁר עָשָׂה
שְׁלֹמֹה לֹא יָכוֺל לְהָכִיל אֶת־הָעֹלָה
וְאֶת־הַמִּנְחָה וְאֶת־הַחֲלָבִים׃
2Chron 7.8
וַיַּעַשׂ שְׁלֹמֹה אֶת־הֶחָג בָּעֵת
הַהִיא שִׁבְעַת יָמִים וְכָל־יִשְׂרָאֵל
עִמּוֺ קָהָל גָּדוֺל מְאֹד מִלְּבוֺא
חֲמָת עַד־נַחַל מִצְרָיִם׃
2Chron 7.9
וַיַּעֲשׂוּ בַּיֺּום הַשְּׁמִינִי עֲצָרֶת
כִּי חֲנֻכַּת הַמִּזְבֵּחַ עָשׂוּ שִׁבְעַת
יָמִים וְהֶחָג שִׁבְעַת יָמִים׃
2Chron 7.10
וּבְיֺום עֶשְׂרִים וּשְׁלֹשָׁה לַחֹדֶשׁ
הַשְּׁבִיעִי שִׁלַּח אֶת־הָעָם לְאָהֳלֵיהֶם
שְׂמֵחִים וְטוֺבֵי לֵב עַל־הַטּוֺבָה
אֲשֶׁר עָשָׂה יְהוָה לְדָוִיד לִשְׁלֹמֹה
וּלְיִשְׂרָאֵל עַמּוֺ׃
2Chron 7.11
וַיְכַל שְׁלֹמֹה אֶת־בֵּית יְהוָה
וְאֶת־בֵּית הַמֶּלֶך וְאֵת כָּל־הַבָּא
עַל־לֵב שְׁלֹמֹה לַעֲשׂוֺת בְּבֵית־יְהוָה
וּבְבֵיתוֺ הִצְלִיחַ׃ ף
2Chron 7.12
וַיֵּרָא יְהוָה אֶל־שְׁלֹמֹה בַּלָּיְלָה
וַיֺּאמֶר לוֺ שָׁמַעְתִּי אֶת־תְּפִלָּתֶךָ
וּבָחַרְתִּי בַּמָּקוֺם הַזֶּה לִי
לְבֵית זָבַח׃
2Chron 7.13
הֵן אֶעֱצֹר הַשָּׁמַיִם וְלֹא־יִהְיֶה
מָטָר וְהֵנ־אֲצַוֶּה עַל־חָגָב
לֶאֱכוֺל הָאָרֶץ וְאִמ־אֲשַׁלַּח דֶּבֶר
בְּעַמִּי׃
2Chron 7.14
וְיִכָּנְעוּ עַמִּי אֲשֶׁר נִקְרָא־שְׁמִי
עֲלֵיהֶם וְיִתְפַּלְלוּ וִיבַקְשׁוּ
פָנַי וְיָשֻׁבוּ מִדַּרְכֵיהֶם הָרָעִים
וַאֲנִי אֶשְׁמַע מִנ־הַשָּׁמַיִם וְאֶסְלַח
לְחַטָּאתָם וְאֶרְפָּא אֶת־אַרְצָם׃
2Chron 7.15
עַתָּה עֵינַי יִהְיוּ פְתֻחוֺת וְאָזְנַי
קַשֻּׁבוֺת לִתְפִלַּת הַמָּקוֺם הַזֶּה׃
2Chron 7.16
וְעַתָּה בָּחַרְתִּי וְהִקְדַּשְׁתִּי אֶת־הַבַּיִת
הַזֶּה לִהְיֺות־שְׁמִי שָׁם עַד־עוֺלָם
וְהָיוּ עֵינַי וְלִבִּי שָׁם כָּל־הַיָּמִים׃
2Chron 7.17
וְאַתָּה אִמ־תֵּלֵך לְפָנַי כַּאֲשֶׁר
הָלַך דָּוִיד אָבִיךָ וְלַעֲשׂוֺת
כְּכֹל אֲשֶׁר צִוִּיתִיךָ וְחֻקַּי
וּמִשְׁפָּטַי תִּשְׁמוֺר׃
2Chron 7.18
וַהֲקִימוֺתִי אֵת כִּסֵּא מַלְכוּתֶךָ
כַּאֲשֶׁר כָּרַתִּי לְדָוִיד אָבִיךָ
לֵאמֹר לֹא־יִכָּרֵת לְךָ אִישׁ מוֺשֵׁל
בְּיִשְׂרָאֵל׃
2Chron 7.19
וְאִמ־תְּשׁוּבוּן אַתֶּם וַעֲזַבְתֶּם
חֻקּוֺתַי וּמִצְוֺתַי אֲשֶׁר נָתַתִּי
לִפְנֵיכֶם וַהֲלַכְתֶּם וַעֲבַדְתֶּם
אֱלֹהִים אֲחֵרִים וְהִשְׁתַּחֲוִיתֶ
לָהֶם׃
2Chron 7.20
וּנְתַשְׁתִּים מֵעַל אַדְמָתִי אֲשֶׁר
נָתַתִּי לָהֶם וְאֶת־הַבַּיִת הַזֶּה
אֲשֶׁר הִקְדַּשְׁתִּי לִשְׁמִי אַשְׁלִיך
מֵעַל פָּנָי וְאֶתְּנֶנּוּ לְמָל וְלִשְׁנִינָה
בְּכָל־הָעַמִּים׃
2Chron 7.21
וְהַבַּיִת הַזֶּה אֲשֶׁר הָיָה עֶלְיֺון
לְכָל־עֹבֵר עָלָיו יִשֹּׁם וְאָמַר
בַּמֶּה עָשָׂה יְהוָה כָּכָה לָאָרֶץ
הַזֺּאת וְלַבַּיִת הַזֶּה׃
2Chron 7.22
וְאָמְרוּ עַל אֲשֶׁר עָזְבוּ אֶת־יְהוָה
אֱלֹהֵי אֲבֹתֵיהֶם אֲשֶׁר הוֺצִיאָם
מֵאֶרֶץ מִצְרַיִם וַיַּחֲזִיקוּ בֵּאלֹהִים
אֲחֵרִים וַיִּשְׁחֲווּ לָהֶם וַיַּעַבְדוּם
עַל־כֵּן הֵבִיא עֲלֵיהֶם אֵת כָּל־הָרָעָה
הַזֺּאת׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages