Jes 11

Teljes szövegű keresés

Jes 11
Jes 11.1
וְיָצָא חֹטֶר מִגֵּזַע יִשָׁי וְנֵצֶר
מִשָּׁרָשָׁיו יִפְרֶה׃
Jes 11.2
וְנָחָה עָלָיו רוּחַ יְהוָה רוּחַ
חָכְמָה וּבִינָה רוּחַ עֵצָה וּגְבוּרָה
רוּחַ דַּעַת וְיִרְאַת יְהוָה׃
Jes 11.3
וַהֲרִיחוֺ בְּיִרְאַת יְהוָה וְלֹא־לְמַרְאֵה
עֵינָיו יִשְׁפּוֺט וְלֹא־לְמִשְׁמַע
אָזְנָיו יֺוכִיחַ׃
Jes 11.4
וְשָׁפַט בְּצֶדֶק דַּלִּים וְהוֺכִיחַ
בְּמִישׁוֺר לְעַנְוֵי־אָרֶץ וְהִכָּה־אֶרֶץ
בְּשֵׁבֶט פִּיו וּבְרוּחַ שְׂפָתָיו
יָמִית רָשָׁע׃
Jes 11.5
וְהָיָה צֶדֶק אֵזֺור מָתְנָיו וְהָאֱמוּנָה
אֵזֺור חֲלָצָיו׃
Jes 11.6
וְגָר זְאֵב עִמ־כֶּבֶשׂ וְנָמֵר עִמ־גְּדִי
יִרְבָּץ וְעֵגֶל וּכְפִיר וּמְרִיא
יַחְדָּו וְנַעַר קָטֹן נֺהֵג בָּם׃
Jes 11.7
וּפָרָה וָדֹב תִּרְעֶינָה יַחְדָּו
יִרְבְּצוּ יַלְדֵיהֶן וְאַרְיֵה כַּבָּקָר
יֺאכַל־תֶּבֶן׃
Jes 11.8
וְשִׁעֲשַׁע יֺונֵק עַל־חֻר פָּתֶן
וְעַל מְאוּרַת צִפְעוֺנִי גָּמוּל
יָדוֺ הָדָה׃
Jes 11.9
לֹא־יָרֵעוּ וְלֹא־יַשְׁחִיתוּ בְּכָל־הַר
קָדְשִׁי כִּי־מָלְאָה הָאָרֶץ דֵּעָה
אֶת־יְהוָה כַּמַּיִם לַיָּם מְכַסִּים׃
ף
Jes 11.10
וְהָיָה בַּיֺּום הַהוּא שֹׁרֶשׁ יִשַׁי
אֲשֶׁר עֹמֵד לְנֵס עַמִּים אֵלָיו
גֺּויִם יִדְרֹשׁוּ וְהָיְתָה מְנֻחָתוֺ
כָּבוֺד׃ ף
Jes 11.11
וְהָיָה בַּיֺּום הַהוּא יֺוסִיף
אֲדֹנָי שֵׁנִית יָדוֺ לִקְנֺות
אֶת־שְׁאָר עַמּוֺ אֲשֶׁר יִשָּׁאֵר מֵאַשּׁוּר
וּמִמִּצְרַיִם וּמִפַּתְרוֺס וּמִכּוּשׁ
וּמֵעֵילָם וּמִשִּׁנְעָר וּמֵחֲמָת וּמֵאִיֵּי
הַיָּם׃
Jes 11.12
וְנָשָׂא נֵס לַגֺּויִם וְאָסַף נִדְחֵי
יִשְׂרָאֵל וּנְפֻצוֺת יְהוּדָה יְקַבֵּץ
מֵאַרְבַּע כַּנְפוֺת הָאָרֶץ׃
Jes 11.13
וְסָרָה קִנְאַת אֶפְרַיִם וְצֹרְרֵי
יְהוּדָה יִכָּרֵתוּ אֶפְרַיִם לֹא־יְקַנֵּא
אֶת־יְהוּדָה וִיהוּדָה לֹא־יָצֹר
אֶת־אֶפְרָיִם׃
Jes 11.14
וְעָפוּ בְכָתֵף פְּלִשְׁתִּים יָמָּה
יַחְדָּו יָבֹזּוּ אֶת־בְּנֵי־קֶדֶם
אֱדוֺם וּמוֺאָב מִשְׁלוֺח יָדָם
וּבְנֵי עַמּוֺן מִשְׁמַעְתָּם׃
Jes 11.15
וְהֶחֱרִים יְהוָה אֵת לְשׁוֺן יָמ־מִצְרַיִם
וְהֵנִיף יָדוֺ עַל־הַנָּהָר בַּעְיָם
רוּחוֺ וְהִכָּהוּ לְשִׁבְעָה נְחָלִים
וְהִדְרִיך בַּנְּעָלִים׃
Jes 11.16
וְהָיְתָה מְסִלָּה לִשְׁאָר עַמּוֺ אֲשֶׁר
יִשָּׁאֵר מֵאַשּׁוּר כַּאֲשֶׁר הָיְתָה
לְיִשְׂרָאֵל בְּיֺום עֲלֹתוֺ מֵאֶרֶץ
מִצְרָיִם׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages