Jes 24

Teljes szövegű keresés

Jes 24
Jes 24.1
הִנֵּה יְהוָה בּוֺקֵק הָאָרֶץ וּבוֺלְקָהּ
וְעִוָּה פָנֶיהָ וְהֵפִיץ יֺשְׁבֶיהָ׃
Jes 24.2
וְהָיָה כָעָם כַּכֹּהֵן כַּעֶבֶד כַּאדֹנָיו
כַּשִּׁפְחָה כַּגְּבִרְתָּהּ כַּקּוֺנֶה כַּמּוֺכֵר
כַּמַּלְוֶה כַּלֹּוֶה כַּנֺּשֶׁה כַּאֲשֶׁר
נֺשֶׁא בֹ׃
Jes 24.3
הִבּוֺק תִּבּוֺק הָאָרֶץ וְהִבּוֺז
תִּבּוֺז כִּי יְהוָה דִּבֶּר אֶת־הַדָּבָר
הַזֶּה׃
Jes 24.4
אָבְלָה נָבְלָה הָאָרֶץ אֻמְלְלָה
נָבְלָה תֵּבֵל אֻמְלָלוּ מְרוֺם
עַמ־הָאָרֶץ׃
Jes 24.5
וְהָאָרֶץ חָנְפָה תַּחַת יֺשְׁבֶיהָ
כִּי־עָבְרוּ תוֺרֹת חָלְפוּ חֹק
הֵפֵרוּ בְּרִית עוֺלָם׃
Jes 24.6
עַל־כֵּן אָלָה אָכְלָה אֶרֶץ וַיֶּאְשְׁמוּ
יֺשְׁבֵי בָהּ עַל־כֵּן חָרוּ יֺשְׁבֵי
אֶרֶץ וְנִשְׁאַר אֱנֺושׁ מִזְעָר׃
Jes 24.7
אָבַל תִּירוֺשׁ אֻמְלְלָה־גָפֶן נֶאֶנְחוּ
כָּל־שִׂמְחֵי־לֵב׃
Jes 24.8
שָׁבַת מְשׂוֺשׂ תֻּפִּים חָדַל שְׁאוֺן
עַלִּיזִים שָׁבַת מְשׂוֺשׂ כִּנֺּור׃
Jes 24.9
בַּשִּׁיר לֹא יִשְׁתּוּ־יָיִן יֵמַר
שֵׁכָר לְשֹׁתָיו׃
Jes 24.10
נִשְׁבְּרָה קִרְיַת־תֹּהוּ סֻגַּר כָּל־בַּיִת
מִבּוֺא׃
Jes 24.11
צְוָחָה עַל־הַיַּיִן בַּחוּצוֺת
עָרְבָה כָּל־שִׂמְחָה גָּלָה מְשׂוֺשׂ
הָאָרֶץ׃
Jes 24.12
נִשְׁאַר בָּעִיר שַׁמָּה וּשְׁאִיָּה יֻכַּת־שָׁעַר׃
Jes 24.13
כִּי כֹה יִהְיֶה בְּקֶרֶב הָאָרֶץ
בְּתוֺך הָעַמִּים כְּנֺקֶף זַיִת
כְּעוֺלֵלֹת אִמ־כָּלָה בָצִיר׃
Jes 24.14
הֵמָּה יִשְׂאוּ קוֺלָם יָרֹנּוּ בִּגְאוֺן
יְהוָה צָהֲלוּ מִיָּם׃
Jes 24.15
עַל־כֵּן בָּאֻרִים כַּבְּדוּ יְהוָה
בְּאִיֵּי הַיָּם שֵׁם יְהוָה אֱלֹהֵי
יִשְׂרָאֵל׃ ס
Jes 24.16
מִכְּנַף הָאָרֶץ זְמִרֹת שָׁמַעְנוּ
צְבִי לַצַּדִּיק וָאֹמַר רָזִי־לִי
רָזִי־לִי אוֺי לִי בֹּגְדִים בָּגָדוּ
וּבֶגֶד בּוֺגְדִים בָּגָדוּ׃
Jes 24.17
פַּחַד וָפַחַת וָפָח עָלֶיךָ יֺושֵׁב
הָאָרֶץ׃
Jes 24.18
וְהָיָה הַנָּס מִקּוֺל הַפַּחַד יִפֹּל
אֶל־הַפַּחַת וְהָעוֺלֶה מִתּוֺך
הַפַּחַת יִלָּכֵד בַּפָּח כִּי־אֲרֻבּוֺת
מִמָּרוֺם נִפְתָּחוּ וַרְעֲשׁוּ מוֺסְדֵי
אָרֶץ׃
Jes 24.19
רֹעָה הִתְרֹעֲעָה הָאָרֶץ פּוֺר הִתְפּוֺרְרָה
אֶרֶץ מוֺט הִתְמוֺטְטָה אָרֶץ׃
Jes 24.20
נֺועַ תָּנוּעַ אֶרֶץ כַּשִּׁכּוֺר וְהִתְנֺודְדָה
כַּמְּלוּנָה וְכָבַד עָלֶיהָ פִּשְׁעָהּ
וְנָפְלָה וְלֹא־תֹסִיף קוּם׃ ס
Jes 24.21
וְהָיָה בַּיֺּום הַהוּא יִפְקֹד יְהוָה
עַל־צְבָא הַמָּרוֺם בַּמָּרוֺם
וְעַל־מַלְכֵי הָאֲדָמָה עַל־הָאֲדָמָה׃
Jes 24.22
וְאֻסְּפוּ אֲסֵפָה אַסִּיר עַל־בּוֺר
וְסֻגְּרוּ עַל־מַסְגֵּר וּמֵרֹב יָמִים
יִפָּקֵדוּ׃
Jes 24.23
וְחָפְרָה הַלְּבָנָה וּבוֺשָׁה הַחַמָּה
כִּי־מָלַך יְהוָה צְבָאוֺת בְּהַר
צִיֺּון וּבִירוּשָׁלִַם וְנֶגֶד זְקֵנָיו
כָּבוֺד׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages