Jes 62

Teljes szövegű keresés

Jes 62
Jes 62.1
לְמַעַן צִיֺּון לֹא אֶחֱשֶׁה וּלְמַעַן
יְרוּשָׁלִַם לֹא אֶשְׁקוֺט עַד־יֵצֵא
כַנֺּגַהּ צִדְקָהּ וִישׁוּעָתָהּ כְּלַפִּיד
יִבְעָר׃
Jes 62.2
וְרָאוּ גֺויִם צִדְקֵך וְכָל־מְלָכִים
כְּבוֺדֵך וְקֹרָא לָך שֵׁם חָדָשׁ
אֲשֶׁר פִּי יְהוָה יִקֳּבֶנּוּ׃
Jes 62.3
וְהָיִיתְ עֲטֶרֶת תִּפְאֶרֶת בְּיַד־יְהוָה 1 וּצְנֺוף 2 וּצְנִיף
מְלוּכָה בְּכַפ־אֱלֹהָיִך׃
Jes 62.4
לֹא־יֵאָמֵר לָך עוֺד עֲזוּבָה
וּלְאַרְצֵך לֹא־יֵאָמֵר עוֺד שְׁמָמָה
כִּי לָך יִקָּרֵא חֶפְצִי־בָהּ וּלְאַרְצֵך
בְּעוּלָה כִּי־חָפֵץ יְהוָ בָּך
וְאַרְצֵך תִּבָּעֵל׃
Jes 62.5
כִּי־יִבְעַל בָּחוּר בְּתוּלָה יִבְעָלוּך
בָּנָיִך וּמְשׂוֺשׂ חָתָן עַל־כַּלָּה
יָשִׂישׂ עָלַיִך אֱלֹהָיִך׃
Jes 62.6
עַל־חוֺמֹתַיִך יְרוּשָׁלִַם הִפְקַדְתִּי
שֹׁמְרִים כָּל־הַיֺּום וְכָל־הַלַּיְלָה
תָּמִיד לֹא יֶחֱשׁוּ הַמַּזְכִּרִים
אֶת־יְהוָה אַל־דֳּמִי לָכֶם׃
Jes 62.7
וְאַל־תִּתְּנוּ דֳמִי לוֺ עַד־יְכוֺנֵן
וְעַד־יָשִׂים אֶת־יְרוּשָׁלִַם תְּהִלָּה
בָּאָרֶץ׃
Jes 62.8
נִשְׁבַּע יְהוָה בִּימִינֺו וּבִזְרוֺעַ
עֻזֺּו אִמ־אֶתֵּן אֶת־דְּגָנֵך עוֺד
מַאֲכָל לְאֹיְבַיִך וְאִמ־יִשְׁתּוּ
בְנֵי־נֵכָר תִּירוֺשֵׁך אֲשֶׁר יָגַעַתְּ
בּוֺ׃
Jes 62.9
כִּי מְאַסְפָיו יֺאכְלֻהוּ וְהִלְלוּ
אֶת־יְהוָה וּמְקַבְּצָיו יִשְׁתֻּהוּ
בְּחַצְרוֺת קָדְשִׁי׃ ס
Jes 62.10
עִבְרוּ עִבְרוּ בַּשְּׁעָרִים פַּנּוּ
דֶּרֶך הָעָם סֹלּוּ סֹלּוּ הַמְסִלָּה
סַקְּלוּ מֵאֶבֶן הָרִימוּ נֵס עַל־הָעַמִּים׃
Jes 62.11
הִנֵּה יְהוָה הִשְׁמִיעַ אֶל־קְצֵה
הָאָרֶץ אִמְרוּ לְבַת־צִיֺּון הִנֵּה
יִשְׁעֵך בָּא הִנֵּה שְׂכָרוֺ אִתּוֺ
וּפְעֻלָּתוֺ לְפָנָיו׃
Jes 62.12
וְקָרְאוּ לָהֶם עַמ־הַקֹּדֶשׁ גְּאוּלֵי
יְהוָה וְלָך יִקָּרֵא דְרוּשָׁה
עִיר לֹא נֶעֱזָבָה׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages