Jes 64

Teljes szövegű keresés

Jes 64
Jes 64.1
כִּקְדֹחַ אֵשׁ הֲמָסִים מַיִם תִּבְעֶה־אֵשׁ
לְהוֺדִיעַ שִׁמְךָ לְצָרֶיךָ מִפָּנֶיךָ
גֺּויִם יִרְגָּזוּ׃
Jes 64.2
בַּעֲשׂוֺתְךָ נֺורָאוֺת לֹא נְקַוֶּה
יָרַדְתָּ מִפָּנֶיךָ הָרִים נָזֺלּוּ׃
Jes 64.3
וּמֵעוֺלָם לֹא־שָׁמְעוּ לֹא הֶאֱזִינוּ
עַיִן לֹא־רָאָתָה אֱלֹהִים זוּלָתְךָ
יַעֲשֶׂה לִמְחַכֵּה־לוֺ׃
Jes 64.4
פָּגַעְתָּ אֶת־שָׂשׂ וְעֹשֵׂה צֶדֶק בִּדְרָכֶיךָ
יִזְכְּרוּךָ הֵנ־אַתָּה קָצַפְתָּ וַנֶּחֱטָא
בָּהֶם עוֺלָם וְנִוָּשֵׁעַ׃
Jes 64.5
וַנְּהִי כַטָּמֵא כֻּלָּנוּ וּכְבֶגֶד
עִדִּים כָּל־צִדְקֹתֵינוּ וַנָּבֶל
כֶּעָלֶה כֻּלָּנוּ וַעֲוֺנֵנוּ כָּרוּחַ
יִשָּׂאֻנוּ׃
Jes 64.6
וְאֵינ־קוֺרֵא בְשִׁמְךָ מִתְעוֺרֵר
לְהַחֲזִיק בָּך כִּי־הִסְתַּרְתָּ פָנֶיךָ
מִמֶּנּוּ וַתְּמוּגֵנוּ בְּיַד־עֲוֺנֵנוּ׃
Jes 64.7
וְעַתָּה יְהוָה אָבִינוּ אָתָּה
אֲנַחְנוּ הַחֹמֶר וְאַתָּה יֺצְרֵנוּ
וּמַעֲשֵׂה יָדְךָ כֻּלָּנוּ׃
Jes 64.8
אַל־תִּקְצֹף יְהוָה עַד־מְאֹד וְאַל־לָעַד
תִּזְכֹּר עָוֺן הֵן הַבֶּט־נָא עַמְּךָ
כֻלָּנוּ׃
Jes 64.9
עָרֵי קָדְשְׁךָ הָיוּ מִדְבָּר צִיֺּון
מִדְבָּר הָיָתָה יְרוּשָׁלִַם שְׁמָמָה׃
Jes 64.10
בֵּית קָדְשֵׁנוּ וְתִפְאַרְתֵּנוּ אֲשֶׁר
הִלְלוּךָ אֲבֹתֵינוּ הָיָה לִשְׂרֵפַת
אֵשׁ וְכָל־מַחֲמַדֵּינוּ הָיָה לְחָרְבָּה׃
Jes 64.11
הַעַל־אֵלֶּה תִתְאַפַּק יְהוָה תֶּחֱשֶׁה
וּתְעַנֵּנוּ עַד־מְאֹד׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages