Jes 65

Teljes szövegű keresés

Jes 65
Jes 65.1
נִדְרַשְׁתִּי לְלוֺא שָׁאָלוּ נִמְצֵאתִי
לְלֹא בִקְשֻׁנִי אָמַרְתִּי הִנֵּנִי
הִנֵּנִי אֶל־גֺּוי לֹא־קֹרָא בִשְׁמִי׃
Jes 65.2
פֵּרַשְׂתִּי יָדַי כָּל־הַיֺּום אֶל־עַם
סוֺרֵר הַהֹלְכִים הַדֶּרֶך לֹא־טוֺב
אַחַר מַחְשְׁבֹתֵיהֶם׃
Jes 65.3
הָעָם הַמַּכְעִיסִים אוֺתִי עַל־פָּנַי
תָּמִיד זֺבְחִים בַּגַּנֺּות וּמְקַטְּרִים
עַל־הַלְּבֵנִים׃
Jes 65.4
הַיֺּשְׁבִים בַּקְּבָרִים וּבַנְּצוּרִים
יָלִינוּ הָאֹכְלִים בְּשַׂר הַחֲזִיר 1 וּפְרַק 2 וּמְרַק
פִּגֻּלִים כְּלֵיהֶם׃
Jes 65.5
הָאֹמְרִים קְרַב אֵלֶיךָ אַל־תִּגַּשׁ־בִּי
כִּי קְדַשְׁתִּיךָ אֵלֶּה עָשָׁן בְּאַפִּי
אֵשׁ יֺקֶדֶת כָּל־הַיֺּום׃
Jes 65.6
הִנֵּה כְתוּבָה לְפָנָי לֹא אֶחֱשֶׂה
כִּי אִמ־שִׁלַּמְתִּי וְשִׁלַּמְתִּי עַל־חֵיקָם׃
Jes 65.7
עֲוֺנֺתֵיכֶם וַעֲוֺנֺת אֲבוֺתֵיכֶם
יַחְדָּו אָמַר יְהוָה אֲשֶׁר קִטְּרוּ
עַל־הֶהָרִים וְעַל־הַגְּבָעוֺת חֵרְפוּנִי
וּמַדֹּתִי פְעֻלָּתָם רִאשֹׁנָה 1 עַל 2 אֶל־חֵיקָם׃
ס
Jes 65.8
כֹּה אָמַר יְהוָה כַּאֲשֶׁר יִמָּצֵא
הַתִּירוֺשׁ בָּאֶשְׁכּוֺל וְאָמַר אַל־תַּשְׁחִיתֵהוּ
כִּי בְרָכָה בּוֺ כֵּן אֶעֱשֶׂה לְמַעַן
עֲבָדַי לְלְתִּי הַשְׁחִית הַכֹּל׃
Jes 65.9
וְהוֺצֵאתִי מִיַּעֲקֹב זֶרַע וּמִיהוּדָה
יֺורֵשׁ הָרָי וִירֵשׁוּהָ בְחִירַי
וַעֲבָדַי יִשְׁכְּנוּ־שָׁמָּה׃
Jes 65.10
וְהָיָה הַשָּׁרוֺן לִנְוֵה־צֹאן וְעֵמֶק
עָכוֺר לְרֵבֶץ בָּקָר לְעַמִּי אֲשֶׁר
דְּרָשׁוּנִי׃
Jes 65.11
וְאַתֶּם עֹזְבֵי יְהוָה הַשְּׁכֵחִים
אֶת־הַר קָדְשִׁי הַעֹרְכִים לַגַּד
שֻׁלְחָן וְהַמְמַלְאִים לַמְנִי מִמְסָך׃
Jes 65.12
וּמָנִיתִי אֶתְכֶם לַחֶרֶב וְכֻלְּכֶם
לַטֶּבַח תִּכְרָעוּ יַעַן קָרָאתִי
וְלֹא עֲנִיתֶם דִּבַּרְתִּי וְלֹא שְׁמַעְתֶּם
וַתַּעֲשׂוּ הָרַע בְּעֵינַי וּבַאֲשֶׁר
לֹא־חָפַצְתִּי בְּחַרְתֶּם׃ ף
Jes 65.13
לָכֵן כֹּה־אָמַר אֲדֹנָי יְהוִה
הִנֵּה עֲבָדַי יֺאכֵלוּ וְאַתֶּם תִּרְעָבוּ
הִנֵּה עֲבָדַי יִשְׁתּוּ וְאַתֶּם תִּצְמָאוּ
הִנֵּה עֲבָדַייִשְׂמָחוּ וְאַתֶּם תֵּבֹשׁוּ׃
Jes 65.14
הִנֵּה עֲבָדַי יָרֹנּוּ מִטּוּב לֵב
וְאַתֶּם תִּצְעֲקוּ מִכְּאֵב לֵב וּמִשֵּׁבֶר
רוּחַ תְּיֵלִילוּ׃
Jes 65.15
וְהִנַּחְתֶּם שִׁמְכֶם לִשְׁבוּעָה לִבְחִירַי
וֶהֱמִיתְךָ אֲדֹנָי יְהוִה וְלַעֲבָדָיו
יִקְרָא שֵׁם אַחֵר׃
Jes 65.16
אֲשֶׁר הַמִּתְבָּרֵך בָּאָרֶץ יִתְבָּרֵך
בֵּאלֹהֵי אָמֵן וְהַנִּשְׁבָּע בָּאָרֶץ
יִשָּׁבַע בֵּאלֹהֵי אָמֵן כִּי נִשְׁכְּחוּ
הַצָּרוֺת הָרִאשֹׁנֺות וְכִי נִסְתְּרוּ
מֵעֵינָי׃
Jes 65.17
כִּי־הִנְנִי בוֺרֵא שָׁמַיִם חֲדָשִׁים
וָאָרֶץ חֲדָשָׁה וְלֹא תִזָּכַרְנָה
הָרִאשֹׁנֺות וְלֹא תַעֲלֶינָה עַל־לֵב׃
Jes 65.18
כִּי־אִמ־שִׂישׂוּ וְגִילוּ עֲדֵי־עַד
אֲשֶׁר אֲנִי בוֺרֵא כִּי הִנְנִי
בוֺרֵא אֶת־יְרוּשָׁלִַם גִּילָה וְעַמָּהּ
מָשׂוֺשׂ׃
Jes 65.19
וְגַלְתִּי בִירוּשָׁלִַם וְשַׂשְׂתִּי בְעַמִּי
וְלֹא־יִשָּׁמַע בָּהּ עוֺד קוֺל בְּכִי
וְקוֺל זְעָקָה׃
Jes 65.20
לֹא־יִהְיֶה מִשָּׁם עוֺד עוּל יָמִים
וְזָקֵן אֲשֶׁר לֹא־יְמַלֵּא אֶת־יָמָיו
כִּי הַנַּעַר בֶּנ־מֵאָה שָׁנָה יָמוּת
וְהַחוֺטֶא בֶּנ־מֵאָה שָׁה יְקֻלָּל׃
Jes 65.21
וּבָנוּ בָתִּים וְיָשָׁבוּ וְנָטְעוּ
כְרָמִים וְאָכְלוּ פִּרְיָם׃
Jes 65.22
לֹא יִבְנוּ וְאַחֵר יֵשֵׁב לֹא יִטְּעוּ
וְאַחֵר יֺאכֵל כִּי־כִימֵי הָעֵץ
יְמֵי עַמִּי וּמַעֲשֵׂה יְדֵיהֶם יְבַלּוּ
בְחִירָי׃
Jes 65.23
לֹא יִיגְעוּ לָרִיק וְלֹא יֵלְדוּ
לַבֶּהָלָה כִּי זֶרַע בְּרוּכֵי יְהוָה
הֵמָּה וְצֶאֱצָאֵיהֶם אִתָּם׃
Jes 65.24
וְהָיָה טֶרֶמ־יִקְרָאוּ וַאֲנִי אֶעֱנֶה
עוֺד הֵם מְדַבְּרִים וַאֲנִי אֶשְׁמָע׃
Jes 65.25
זְאֵב וְטָלֶה יִרְעוּ כְאֶחָד וְאַרְיֵה
כַּבָּקָר יֺאכַל־תֶּבֶן וְנָחָשׁ עָפָר
לַחְמוֺ לֹא־יָרֵעוּ וְלֹא־יַשְׁחִיתוּ
בְּכָל־הַר קָדְשִׁי אָמַר הוָה׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages