Eccl 10

Teljes szövegű keresés

Eccl 10
Eccl 10.1
iudex sapiens vindicabit populum suum et principatus sensati stabilis erit
Eccl 10.2
secundum iudicem populi sic et ministri eius et qualis rector est civitatis tales et inhabitantes
Eccl 10.3
rex insipiens perdet populum suum et civitates inhabitabuntur per sensum prudentium
Eccl 10.4
in manu Dei potestas terrae et exclamabilis omnis iniquitas gentium et utilem rectorem in tempus suscitabit super illam
Eccl 10.5
in manu Dei potestas hominis et super faciem scribae inponet honorem suum
Eccl 10.6
omnis iniuriae proximi ne memineris et nihil agas in operibus iniuriae
Eccl 10.7
odibilis coram Deo et hominibus superbia et execrabilis omnis iniquitas gentium
Eccl 10.8
regnum a gente in gentem transfertur propter iniustitias et iniurias et contumelias et diversos dolos
Eccl 10.9
avaro autem nihil est scelestius quid superbit terra et cinis
Eccl 10.10
nihil est iniquius quam amare pecuniam hic enim et animam suam venalem habet quoniam in vita sua proiecit intima sua
Eccl 10.11
omnis potentatus brevis via
Eccl 10.12
brevem languorem praecidit medicus sic et rex hodie est et cras morietur
Eccl 10.13
cum enim moritur homo hereditabit serpentes et bestias et vermes
Eccl 10.14
initium superbiae hominis apostatare a Deo
Eccl 10.15
quoniam ab eo qui fecit illum recessit cor eius quoniam initium peccati omnis superbia qui tenuerit illam adimplebitur maledictis et subvertet eos in finem
Eccl 10.16
propterea exhonoravit Dominus conventus malorum et destruxit eos usque in finem
Eccl 10.17
sedes ducum superborum destruxit Deus et sedere fecit mites pro illis
Eccl 10.18
radices gentium superbarum arefecit Deus et plantavit humiles ex ipsis gentibus
Eccl 10.19
terras gentium evertit Dominus et perdidit eas usque ad fundamentum
Eccl 10.20
arefecit ex ipsis et disperdidit illos et cessare fecit memoriam eorum a terra
Eccl 10.21
perdidit Deus memoriam superborum et reliquit memoriam humilium sensu
Eccl 10.22
non est creata hominibus superbia neque iracundia nationi mulierum
Eccl 10.23
semen hominum honorabitur hoc quod timet Dominum semen autem hoc exhonorabitur hominum quod praeterit mandata Domini
Eccl 10.24
in medio fratrum rector illorum in honore et qui timent Deum erunt in oculis illius
Eccl 10.25
gloria divitum honoratorum et pauperum timor Dei est
Eccl 10.26
non despicere hominem iustum pauperem et non magnificare virum peccatorem divitem
Eccl 10.27
magnus est iudex et potens est in honore et non est maior illo qui timet Deum
Eccl 10.28
servo sensato liberi servient et vir prudens disciplinatus non murmurabit correptus et inscius non honorabitur
Eccl 10.29
noli te extollere in faciendo opere tuo et noli cunctari in tempore angustiae
Eccl 10.30
melior est qui operatur et abundat in omnibus quam qui gloriatur et eget panem
Eccl 10.31
fili in mansuetudine serva animam tuam et da illi honorem secundum meritum suum
Eccl 10.32
peccantem in animam suam quis iustificabit et quis honorificabit exhonorantem animam suam
Eccl 10.33
pauper gloriatur per disciplinam et timorem suum et est homo qui honorificatur propter substantiam suam
Eccl 10.34
qui gloriatur in paupertate quanto magis in substantia et qui gloriatur in substantia paupertatem vereatur

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages