Eccl 11

Teljes szövegű keresés

Eccl 11
Eccl 11.1
sapientia humiliati exaltabit caput illius et in medio magnatorum consedere illum faciet
Eccl 11.2
non laudes virum in specie sua neque spernas hominem in visu suo
Eccl 11.3
brevis in volatilibus est apis et initium dulcoris habet fructus illius
Eccl 11.4
in vestitu ne glorieris umquam nec in die honoris tui extollaris quoniam mirabilia opera Altissimi solius et gloriosa et absconsa et invisa opera illius
Eccl 11.5
multi tyranni sederunt in throno et insuspicabilis portavit diadema
Eccl 11.6
multi potentes pressi sunt valide et gloriosi traditi sunt in manus alterorum
Eccl 11.7
priusquam interroges ne vituperes quemquam et cum interrogaveris corripe iuste
Eccl 11.8
priusquam audias ne respondeas verbum et in medio sermonum ne adicias loqui
Eccl 11.9
de re ea quae te non molestat ne certeris et in iudicio peccantium ne consistas
Eccl 11.10
fili ne in multis sint actus tui et si dives fueris non eris inmunis a delicto si enim secutus fueris non adprehendes et non effugies si praecucurreris
Eccl 11.11
est laborans et festinans et dolens impius et tanto magis non abundat
Eccl 11.12
est homo marcidus egens recuperatione plus deficiens virtute et abundans paupertate
Eccl 11.13
et oculus Dei respexit illum in bono et erexit illum ab humilitate ipsius et exaltavit caput eius et mirati sunt in illo multi et honoraverunt Deum
Eccl 11.14
bona et mala vita et mors et paupertas et honestas a Deo sunt
Eccl 11.
15
Eccl 11.
16
Eccl 11.17
datio Dei permanet iustis et profectus illius successus habebunt in aeternum
Eccl 11.18
est qui locupletatur parce agendo et haec pars mercedis illius
Eccl 11.19
in eo quod dicit inveni requiem mihi et nunc manducabo de bonis meis solus
Eccl 11.20
et nescit quod tempus praetereat et relinquet omnia aliis
Eccl 11.21
sta in testamento tuo et in illo conloquere et in opere mandatorum tuorum veteresce
Eccl 11.22
ne manseris in operibus peccatorum fide autem in Deo et mane in loco tuo
Eccl 11.23
facile est enim in oculis Dei de subito honestari pauperem
Eccl 11.24
benedictio Dei in mercedem iusti festinat et in honore veloci processus illius fructificat
Eccl 11.25
ne dicas quid est mihi opus et quae erunt mihi ex hoc bona
Eccl 11.26
ne dicas sufficiens sum et quid ex hoc pessimabor
Eccl 11.27
in die bonorum ne inmemor sis malorum et in die malorum ne inmemor sis bonorum
Eccl 11.28
quoniam facile coram Deo in die obitus retribuere unicuique secundum vias suas
Eccl 11.29
malitia horae oblivionem facit luxuriae magnae et in fine hominis denudatio operum illius
Eccl 11.30
ante mortem ne laudes hominem quemquam quoniam in filiis suis agnoscitur vir
Eccl 11.31
non omnem hominem inducas in domum tuam multae enim insidiae sunt dolosi
Eccl 11.32
sicut enim eructant praecordia fetantium sicut perdix inducitur in caveam et ut caprea in laqueum sic et cor superborum et sicut prospectator videns casum proximi sui
Eccl 11.33
bona enim in mala convertens insidiatur et in electis inponet maculam
Eccl 11.34
ab scintilla una augetur ignis et ab uno doloso augetur sanguis homo vero peccator sanguini insidiatur
Eccl 11.35
adtende te a pestifero fabricat enim mala ne forte inducat super te subsannationem in perpetuum
Eccl 11.36
admitte ad te alienigenam et subvertet te in turbore et abalienabit te a tuis propriis

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages