Eccl 13

Teljes szövegű keresés

Eccl 13
Eccl 13.1
qui tetigerit picem inquinabitur ab illa et qui communicaverit superbo inducet superbiam
Eccl 13.2
pondus super se tollit qui honestiori communicat et ditiori te ne socius fueris
Eccl 13.3
quid communicabit caccabus ad ollam quando enim conliserint confringetur
Eccl 13.4
dives iniuste egit et fremebit pauper autem laesus tacebit
Eccl 13.5
si largitus fueris adsumet te et si non habueris derelinquet te
Eccl 13.6
si habes convivet tecum et evacuabit te et ipse non dolebit super te
Eccl 13.7
si necessarius illi fueris subplantabit te et subridens spem dabit narrans tibi bona et dicet quid opus est tibi
Eccl 13.8
et confundet te in cibis suis donec te exinaniat bis et ter et in novissimo derideat te postea videns derelinquet te et caput suum movebit ad te
Eccl 13.
9
Eccl 13.10
adtende ne seductus in stultitiam humilieris
Eccl 13.11
noli esse humilis in sapientia tua ne humiliatus in stultitiam seducaris
Eccl 13.12
advocatus a potentiore discede ex hoc enim magis te advocabit
Eccl 13.13
ne inprobus sis ne inpingaris et longe abesto ne eas in oblivionem
Eccl 13.14
ne retineas ex aequo loqui cum illo ne credas multis verbis illius ex multa enim loquella temptabit te et subridens interrogabit te de absconditis tuis
Eccl 13.15
inmitis animus illius conservabit verba tua et non parcet de malitia et de vinculis
Eccl 13.16
cave tibi et adtende diligenter auditui tuo quoniam cum subversione tua ambulas
Eccl 13.17
audiens vero illa quasi in somnis vide et vigilabis
Eccl 13.18
omni vita tua dilige Deum et invoca eum in salute tua
Eccl 13.19
omne animal diligit similem sibi sic et omnis homo proximum sibi
Eccl 13.20
omnis caro ad similem sibi coniungitur et omnis homo simili sui sociabitur
Eccl 13.21
si communicabit lupus agno aliquando sic peccator iusto
Eccl 13.22
quae communicatio sancto homini ad canem aut quae pax bona diviti ad pauperem
Eccl 13.23
venatio leonis onager in heremo sic pascua sunt divitum pauperes
Eccl 13.24
et sicut abominatio est superbo humilitas sic execratio divitis pauper
Eccl 13.25
dives commotus confirmatur ab amicis humilis autem cum ceciderit expellitur et a notis
Eccl 13.26
diviti decepto multi recuperatores locutus est superba et iustificaverunt illum
Eccl 13.27
humilis deceptus est et insuper arguitur locutus est sensate et non est datus ei locus
Eccl 13.28
dives locutus est et omnes tacuerunt et verbum illius usque ad nubes perducent
Eccl 13.29
pauper locutus est et dicunt quis est hic et si offenderit subvertunt illum
Eccl 13.30
bona est substantia cui non est peccatum in conscientia et nequissima paupertas in ore impii
Eccl 13.31
cor hominis inmutat faciem illius sive in bona sive in mala
Eccl 13.32
vestigium cordis boni et faciem bonam difficile invenies et cum labore

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages