Eccl 18

Teljes szövegű keresés

Eccl 18
Eccl 18.1
qui vivit in aeternum creavit omnia simul Deus solus iustificabitur et manet invictus rex in aeternum
Eccl 18.2
quis sufficit enarrare opera illius
Eccl 18.3
quis enim investigabit magnalia eius
Eccl 18.4
virtutem autem magnitudinis eius quis enuntiabit et quis adiciet enarrare misericordiam eius
Eccl 18.5
non est minuere neque adicere nec est invenire magnalia Dei
Eccl 18.6
cum consummaverit homo tunc incipit et cum quieverit operabitur
Eccl 18.7
quid homo et quae gratia illius et quid bonum aut quid nequam illius
Eccl 18.8
numerus dierum hominum multum centum anni quasi guttae aquae a mare et sicut calculus harenae sic exigui anni in die aevi
Eccl 18.9
propter hoc patiens est Deus in illis et effudit super eos misericordiam suam
Eccl 18.10
vidit praesumptionem cordis illorum quoniam mala est et cognovit subversionem illorum quoniam nequa est
Eccl 18.11
ideo adimplevit propitiationem suam in illis et ostendit illis viam aequitatis
Eccl 18.12
miseratio hominis circa proximum suum misericordia autem Dei super omnem carnem
Eccl 18.13
qui misericordiam habet et docet erudit quasi pastor gregem suum
Eccl 18.14
misereatur excipiens doctrinam miserationis et qui festinant in iudiciis eius
Eccl 18.15
fili in bonis non des querellam et omni dato non des tristitiam verbi mali
Eccl 18.16
nonne ardorem refrigerabit ros sic et verbum melius quam datus
Eccl 18.17
nonne ecce verbum super datum bonum et utraque cum homine iustificato
Eccl 18.18
stultus achariter inproperabit et datus indisciplinati tabescere facit oculos
Eccl 18.19
ante iudicium para iustitiam tibi et antequam loquaris disce
Eccl 18.20
ante languorem adhibe medicinam et ante iudicium interroga te ipsum et in conspectu Dei invenies propitiationem
Eccl 18.21
ante languorem humilia te et in tempore infirmitatum ostende conversationem tuam
Eccl 18.22
non inpediaris operari semper et non veteris usque ad mortem iustificari quoniam merces Dei manet in aeternum
Eccl 18.23
ante orationem praepara animam tuam et noli esse quasi homo qui temptat Deum
Eccl 18.24
memento irae in die consummationis et tempus retributionis in conversatione facies
Eccl 18.25
memento paupertatis in tempore abundantiae et necessitatem paupertatis in die divitiarum
Eccl 18.26
a mane usque ad vesperam mutatur tempus et haec omnia citata in oculis Dei
Eccl 18.27
homo sapiens in omnibus metuet et in diebus delictorum adtendet ab inertia
Eccl 18.28
omnis astutus agnovit sapientiam et invenienti eam dabit confessionem
Eccl 18.29
sensati in verbis et ipsi sapienter egerunt et intellexerunt veritatem et iustitiam et inploraverunt proverbia et iudicia
Eccl 18.30
de continentia animae post concupiscentias tuas non eas et a voluntate tua avertere
Eccl 18.31
si praestes animae tuae concupiscentiam eius faciet te in gaudium inimicis
Eccl 18.32
ne oblecteris in turbis nec in modicis ad duas est enim commissio illorum
Eccl 18.33
ne fueris mediocris in contentione ex fenore et non est tibi nihil in sacculo eris enim invidus tuae vitae

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages