Eccl 2

Teljes szövegű keresés

Eccl 2
Eccl 2.1
fili accedens servituti Dei sta in iustitia et timore et praepara animam tuam ad temptationem
Eccl 2.2
deprime cor tuum et sustine declina aurem et excipe verba intellectus et ne festines in tempus obductionis
Eccl 2.3
sustine sustentationes Dei coniungere Deo et sustine ut crescat in novissimo vita tua
Eccl 2.4
omne quod tibi adplicitum fuerit accipe et in dolore sustine et in humilitate tua habe patientiam
Eccl 2.5
quoniam in igne probatur aurum et argentum homines vero receptibiles in camino humiliationis
Eccl 2.6
crede Deo et recuperabit te et dirige viam tuam et spera in illum serva timorem illius et in illo veteresce
Eccl 2.7
metuentes Deum sustinete misericordiam eius et non deflectatis ab illo ne cadatis
Eccl 2.8
qui timetis Deum credite illi et non evacuabitur merces vestra
Eccl 2.9
qui timetis Deum sperate in illum et in oblectatione veniet vobis misericordia
Eccl 2.10
qui timetis Deum diligite illum et inluminabuntur corda vestra
Eccl 2.11
respicite filii nationes hominum et scitote quis speravit in Dominum et confusus est
Eccl 2.12
permansit in mandatis eius et derelictus est et quis invocavit illum et despexit illum
Eccl 2.13
quoniam pius et misericors Deus et remittit in tempore tribulationis peccata omnibus exquirentibus se in veritate
Eccl 2.14
vae duplici corde et labiis scelestis et manibus malefacientibus et peccatori terram ingredienti duabus viis
Eccl 2.15
vae dissolutis corde qui non credunt Deo ideo non protegentur ab eo
Eccl 2.16
vae his qui perdiderunt sustinentiam qui dereliquerunt vias rectas et deverterunt in vias pravas
Eccl 2.17
et quid facietis cum inspicere coeperit Deus
Eccl 2.18
qui timent Dominum non erunt incredibiles verbo illius et qui diligunt illum conservabunt viam illius
Eccl 2.19
qui timent Dominum inquirent quae beneplacita sunt illi et qui diligunt eum replebuntur lege ipsius
Eccl 2.20
qui timent Dominum parabunt corda sua et in conspectu illius sanctificabunt animas suas
Eccl 2.21
qui timent Dominum custodiunt mandata illius et patientiam habebunt usque ad inspectionem illius
Eccl 2.22
dicentes si paenitentiam non egerimus incidemus in Dei manus et non in manus hominum
Eccl 2.23
secundum enim magnitudinem illius sic et misericordia ipsius cum ipso

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages