Eccl 25

Teljes szövegű keresés

Eccl 25
Eccl 25.1
in tribus placitum est spiritui meo quae sunt probata coram Deo et hominibus
Eccl 25.2
concordia fratrum et amor proximorum et vir et mulier sibi consentientes
Eccl 25.3
tres species odivit anima mea et adgravor valde animae illorum
Eccl 25.4
pauperem superbum et divitem mendacem et senem fatuum et insensatum
Eccl 25.5
in iuventute tua non congregasti et quomodo invenies eam in senectute tua
Eccl 25.6
quam speciosum canitiae iudicium et presbyteris cognoscere consilium
Eccl 25.7
quam speciosa veteranis sapientia et gloriosis intellectus et consilium
Eccl 25.8
corona senum multa peritia et gloria illorum timor Dei
Eccl 25.9
novem insuspicabilia cordis magnificavi et decimum dicam in lingua hominibus
Eccl 25.10
homo qui iucundatur in filiis vivens et videns subversionem inimicorum
Eccl 25.11
beatus qui inhabitat cum muliere sensata et qui in lingua sua non est lapsus et qui non servivit indignis se
Eccl 25.12
beatus qui invenit amicum verum et qui enarrat iustitiam auri audienti
Eccl 25.13
quam magnus qui invenit sapientiam et scientiam sed non est super timentem Deum
Eccl 25.14
timor Dei super omnia superposuit
Eccl 25.15
beatus cui donatum est habere timorem Dei qui tenet illum cui adsimilabitur
Eccl 25.16
timor Dei initium dilectionis eius fidei autem initium adglutinandum est ei
Eccl 25.17
omnis plaga tristitia cordis est et omnis malitia nequitia mulieris est
Eccl 25.18
et omnem plagam et non plagam videbit cordis
Eccl 25.19
et omnem nequitiam et non nequitiam mulieris
Eccl 25.20
et omnem obductum et non obductum odientium
Eccl 25.21
et omnem vindictam et non vindictam inimicorum
Eccl 25.22
non est caput nequius super caput colubri
Eccl 25.23
et non est ira super iram inimici commorari leoni et draconi placebit quam habitare cum muliere nequa
Eccl 25.24
nequitia mulieris inmutat faciem eius et obcaecabit vultum suum tamquam ursus et quasi saccum ostendit in medio proximorum eius
Eccl 25.25
et audiens suspirabit modicum
Eccl 25.26
brevis malitia super malitiam mulieris sors peccatorum cadat super illam
Eccl 25.27
ascensus harenosus in pedibus veterani sic mulier linguata homini quieto
Eccl 25.28
ne respicias in mulieris speciem et non concupiscas mulierem in specie
Eccl 25.29
mulieris ira et inreverentia et confusio magna
Eccl 25.30
mulier si primatum habeat contraria est viro suo
Eccl 25.31
cor humile et facies tristis et plaga mortis mulier nequa
Eccl 25.32
manus debiles et genua dissoluta mulier quae non beatificat virum suum
Eccl 25.33
a muliere initium factum est peccati et per illam omnes morimur
Eccl 25.34
non des aquae tuae exitum nec modicum nec mulieri nequa veniam prodeundi
Eccl 25.35
si non ambulaverit ad manum tuam et confundet te in conspectu inimicorum
Eccl 25.36
a carnibus tuis abscide illam ne semper te abutatur

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages