Eccl 31

Teljes szövegű keresés

Eccl 31
Eccl 31.1
vigilia honestatis tabefacit carnes et cogitatus illius auferet somnum
Eccl 31.2
cogitatus praesentiae avertit sensum et infirmitas gravis sobriam facit animam
Eccl 31.3
laboravit dives in congregatione substantiae et in requie sua replebitur bonorum suorum
Eccl 31.4
laboravit pauper in diminutione victus et in fine inops fit
Eccl 31.5
qui aurum diligit non iustificabitur et qui insequitur consumptionem replebitur ex ea
Eccl 31.6
multi dati sunt in auri casus et facta est in facie ipsius perditio illorum
Eccl 31.7
lignum offensionis est aurum sacrificantium vae illis qui sectantur illud et omnis inprudens deperiet in illo
Eccl 31.8
beatus dives qui inventus est sine macula et qui post aurum non abiit nec speravit in pecunia et thesauris
Eccl 31.9
quis est hic et laudabimus eum fecit enim mirabilia in vita sua
Eccl 31.10
quis probatus est in illo et perfectus est et erit illi in gloria aeterna qui potuit transgredi et non est transgressus et facere mala et non fecit
Eccl 31.11
ideo stabilita sunt bona illius in Deo et elemosynas illius enarrabit ecclesia sanctorum
Eccl 31.12
de continentia supra mensam magnam sedisti non aperias super illam faucem tuam prior
Eccl 31.13
non dicas simulata sunt quae super illa sunt
Eccl 31.14
memento quoniam malum oculus nequa
Eccl 31.15
nequius oculo quid creatum est ideo ab omni facie sua lacrimabitur cum viderit
Eccl 31.16
ne extendas manum tuam prior et invidia contaminatus obrubescas
Eccl 31.17
nec conprimaris in convivio
Eccl 31.18
intellege proximi tui ex te ipso
Eccl 31.19
utere quasi homo frugi quae tibi adponuntur et non cum manducas multum odio habearis
Eccl 31.20
cessa prior causa disciplinae et noli nimius esse ne forte offendas
Eccl 31.21
et si in medio multorum sedisti prior illis non extendas manum tuam nec prior poscas bibere
Eccl 31.22
quam sufficiens est homini erudito vinum exiguum et in dormiendo non laborabis ab illo et non senties dolorem
Eccl 31.23
vigilia et cholera et tortura viro infrunito
Eccl 31.24
somnus sanitatis in homine parco dormiet usque in mane et anima illius cum ipso delectabitur
Eccl 31.25
et si coactus fueris in edendo multum surge e medio et vome et refrigerabit te et non adduces corpori tuo infirmitates
Eccl 31.26
audi me fili et ne spernas me et in novissimo invenies mea verba
Eccl 31.27
in omnibus operibus tuis esto velox et omnis infirmitas non occurret tibi
Eccl 31.28
splendidum in panibus benedicent labia multorum et testimonium veritatis illius fidele
Eccl 31.29
in nequissimo pane murmurabit civitas et testimonium nequitiae illius verum est
Eccl 31.30
diligentes in vino noli provocare multos enim exterminavit vinum
Eccl 31.31
ignis probat ferrum durum sic vinum corda superborum arguet in ebrietate potatum
Eccl 31.32
aequavit in vita vinum hominibus si bibas illud moderate eris sobrius
Eccl 31.33
quae est vita quae minuitur vino
Eccl 31.34
quid defraudat vitam mors
Eccl 31.35
vinum in iucunditate creatum est non in ebrietate ab initio
Eccl 31.36
exultatio animae et cordis vinum moderate potatum
Eccl 31.37
sanitas est et corpori et animae
Eccl 31.38
vinum multum potatum inritationem et iram et ruinas multas facit
Eccl 31.39
amaritudo animae vinum multum potatum
Eccl 31.40
ebrietatis animositas inprudentis offensio minorans virtutem et faciens vulnera
Eccl 31.41
in convivio vini non arguas proximum et non despicias eum in iucunditate illius
Eccl 31.42
verba inproperii non dicas illi et non premas illum in repetendo

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages