Eccl 4

Teljes szövegű keresés

Eccl 4
Eccl 4.1
fili elemosynam pauperis ne fraudes et oculos tuos ne transvertas a paupere
Eccl 4.2
animam esurientem ne despexeris et non exasperes pauperem in inopia sua
Eccl 4.3
cor inopis ne adflixeris et non protrahas datum angustianti
Eccl 4.4
rogationem contribulati ne abicias et non avertas faciem tuam ab egeno
Eccl 4.5
ab inope ne avertas oculos propter iram et non relinquas quaerentibus tibi retro maledicere
Eccl 4.6
maledicentis enim te in amaritudine exaudietur precatio illius exaudiet autem eum qui fecit illum
Eccl 4.7
congregationi pauperum affabilem te facito et presbytero humilia animam tuam et magnato humilia caput tuum
Eccl 4.8
declina pauperi aurem tuam et redde debitum tuum et responde pacifica in mansuetudine
Eccl 4.9
libera eum qui iniuriam patitur de manu superbi et non acide feras in anima tua
Eccl 4.10
in iudicando esto pupillis misericors ut pater et pro viro matri illorum
Eccl 4.11
et eris velut filius Altissimi obaudiens et miserebitur tui magis quam mater
Eccl 4.12
sapientia filiis suis vitam inspiravit et suscipit exquirentes se et praeibit in viam iustitiae
Eccl 4.13
et qui illam diligit diligit vitam et qui vigilaverint ad illam conplectebuntur placorem eius
Eccl 4.14
qui tenuerint illam vitam hereditabunt et quo introibit benedicit Deus
Eccl 4.15
qui serviunt ei obsequentes erunt Sancto et eos qui diligunt illam diligit Deus
Eccl 4.16
qui audit illam iudicat gentes et qui intuetur illam permanebit confidens
Eccl 4.17
si crediderit ei hereditabit illam et erunt in confirmatione creaturae illorum
Eccl 4.18
quoniam in temptatione ambulat cum eo et in primis eligit eum
Eccl 4.19
timorem et metum et adprobationem inducet super illum et cruciabit illum in tribulatione doctrinae suae donec temptet illum in cogitationibus illius et credat animae illius
Eccl 4.20
et firmabit illum et iterum adducet directum ad illum
Eccl 4.21
et denudat absconsa sua et thesaurizat super illum scientiam et intellectum iustitiae
Eccl 4.22
si autem oberraverit derelinquet eum et tradet illum in manus inimici sui
Eccl 4.23
fili conserva tempus et devita a malo
Eccl 4.24
pro anima tua non confundaris dicere verum
Eccl 4.25
est enim confusio adducens peccatum et est confusio adducens gloriam et gratiam
Eccl 4.26
ne accipias faciem adversus faciem tuam nec adversus animam tuam mendacium
Eccl 4.27
non reverearis proximum tuum in casum suum
Eccl 4.28
nec retineas verbum in tempus salutis non abscondas sapientiam tuam in decore eius
Eccl 4.29
in lingua enim agnoscitur sapientia et sensus et scientia et doctrina in verbis veritatis et firmamentum in operibus iustitiae
Eccl 4.30
non contradicas veritati ullo modo et de mendacio ineruditionis tuae confundere
Eccl 4.31
non confundaris confiteri peccata tua et ne subicias te homini pro peccato
Eccl 4.32
noli resistere contra faciem potentis nec coneris contra ictum fluvii
Eccl 4.33
pro iustitia agoniare pro anima tua et usque ad mortem certa pro iustitia et Deus expugnabit pro te inimicos tuos
Eccl 4.34
noli citatus esse in lingua tua et inutilis et remissus in operibus tuis
Eccl 4.35
noli esse sicut leo in domo tua evertens domesticos tuos et opprimens subiectos tibi
Eccl 4.36
non sit porrecta manus tua ad accipiendum et ad reddendum collecta

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages