Eccl 43

Teljes szövegű keresés

Eccl 43
Eccl 43.1
altitudinis firmamentum pulchritudo est species caeli in visione gloriae
Eccl 43.2
sol in aspectu adnuntians in exitu vas admirabile opus Excelsi
Eccl 43.3
in meridiano exuret terram in conspectu ardoris eius quis poterit sustinere fornacem custodiens in operibus ardoris
Eccl 43.4
tripliciter sol exurens montes radios igneos exsuflans et refulgens radiis suis obcaecat oculos
Eccl 43.5
magnus Dominus qui fecit illum et in sermonibus eius festinavit iter
Eccl 43.6
et luna in omnibus in tempore suo ostensio temporis et signum aevi
Eccl 43.7
a luna signum diei festi luminare quod minuitur in consummatione
Eccl 43.8
mensis secundum nomen eius est crescens admirabiliter in consummatione
Eccl 43.9
vas castrorum in excelsis in firmamento caeli resplendens
Eccl 43.10
species caeli gloriosa stellarum mundum inluminans in excelsis Dominus
Eccl 43.11
in verbis Sancti stabunt ad iudicium et non exardescent in vigiliis suis
Eccl 43.12
vide arcum et benedic qui fecit illum valde speciosus est in splendore suo
Eccl 43.13
gyravit caelum in circuitu gloriae suae manus Excelsi aperuerunt illum
Eccl 43.14
imperio suo adceleravit nivem et adcelerat coruscationes emittere iudicii sui
Eccl 43.15
propterea aperti sunt thesauri et evolaverunt nebulae sicut aves
Eccl 43.16
in magnitudine sua posuit nubes et confracti sunt lapides grandinis
Eccl 43.17
in conspectu eius commovebuntur montes et in voluntate eius adspirabit notus
Eccl 43.18
vox tonitrui eius exprobravit terram tempestas aquilonis et congregatio spiritus
Eccl 43.19
sicut avis deponens ad sedendum aspargit nivem et sicut lucusta demergens descensus eius
Eccl 43.20
pulchritudinem coloris eius admirabitur oculus et super imbrem eius expavescet cor
Eccl 43.21
gelum sicut salem effundet super terram et dum gelaverit fiet tamquam cacumina tribuli
Eccl 43.22
frigidus ventus aquilo flabit et gelabit cristallus ab aqua super omnem congregationem aquarum requiescet et sicut lorica induet se aquis
Eccl 43.23
devorabit montes et exuret desertum et extinguet viridem sicut ignem
Eccl 43.24
medicina omnium in festinationem nebulae ros obvians ab ardore venienti humilem efficiet eum
Eccl 43.25
in sermone eius silebit ventus et plantavit illum Dominus Iesus
Eccl 43.26
qui navigat mare enarrat periculum eius et audientes auribus non admirabimur
Eccl 43.27
illic praeclara et mirabilia opera varia genera bestiarum et omnium pecorum et creatura beluarum
Eccl 43.28
propter ipsum confirmatus est itineris finis et in sermone eius conposita sunt omnia
Eccl 43.29
multa dicemus et deficiemus verbis consummatio autem sermonum ipse est in omnibus
Eccl 43.30
gloriantes ad quid valebimus ipse enim Omnipotens super omnia opera sua
Eccl 43.31
terribilis Dominus et magnus vehementer
Eccl 43.32
quantumcumque potueritis supervalebit adhuc et admirabilis magnificentia eius
Eccl 43.33
benedicentes Dominum exaltate illum quantum potestis maior est enim omni laude
Eccl 43.34
exaltantes eum replemini virtute ne laboretis non enim habebitis
Eccl 43.35
quis vidit eum et enarrabit et quis magnificabit eum sicut est ab initio
Eccl 43.36
multa abscondita sunt maiora horum pauca enim vidimus operum eius
Eccl 43.37
omnia autem Dominus fecit et pie agentibus dedit sapientiam

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages