Eccl 45

Teljes szövegű keresés

Eccl 45
Eccl 45.1
dilectus a Deo et hominibus Moses cuius memoria in benedictione est
Eccl 45.2
similem illum fecit in gloria sanctorum et magnificavit eum in timore inimicorum et in verbis suis monstra placavit
Eccl 45.3
glorificavit illum in conspectu regum et iussit illi coram populo suo et ostendit illi gloriam suam
Eccl 45.4
in fide et lenitate ipsius sanctum fecit illum et elegit illum de omni carne
Eccl 45.5
audivit eum et vocem ipsius et induxit illum in nubem
Eccl 45.6
et dedit illi coram praecepta legem vitae et disciplinae docere Iacob testamentum et iudicia sua Israhel
Eccl 45.7
excelsum fecit Aaron fratrem eius et similem sibi de tribu Levi
Eccl 45.8
statuit ei testamentum aeternum et dedit illi sacerdotium gentis et beatificavit illum in gloria
Eccl 45.9
et circumcinxit illum zonam gloriae induit illum stolam gloriae et coronavit illum in vasis virtutis
Eccl 45.10
circumpedes et femoralia et umeralem posuit ei et cinxit illum tintinabulis aureis plurimis in gyro
Eccl 45.11
dare sonitum in successu suo auditum facere sonitum in templo in memoriam filiis gentis suae
Eccl 45.12
stola sancta auro et hyacintho et purpura opus textile viri sapientis iudicio et veritate praediti
Eccl 45.13
torto cocco opus artificis gemmis pretiosis figuratis in ligatura auri et opere lapidarii sculptilis in memoriam secundum numerum tribuum Israhel
Eccl 45.14
coronam auream supra mitram eius expressam signo sanctitatis gloria honoris et opus virtutis desideria oculorum ornata
Eccl 45.15
sic pulchra ante ipsum non fuerunt talia usque ad originem
Eccl 45.16
non indutus est illa alienigena aliquis sed tantum filii ipsius soli et nepotes eius per omne tempus
Eccl 45.17
sacrificia ipsius consumpta sunt igni cotidie
Eccl 45.18
conplevit Moses manus eius et unxit illum oleo sancto
Eccl 45.19
factum est illi in testamentum aeternum et semini eius sicut dies caeli fungi sacerdotio et habere laudem et glorificare populum suum in nomine suo
Eccl 45.20
ipsum elegit eum ab omni vivente adferre sacrificium Deo incensum et bonum odorem in memoriam placere populo suo
Eccl 45.21
dedit illi in praeceptis suis potestatem in testamentis iudiciorum docere Iacob testimonia et in lege sua lucem dare Israhel
Eccl 45.22
quia contra illum steterunt alieni et propter invidiam circumdederunt illum in deserto homines qui erant cum Dathan et Abiron et congregatio Chore in iracundiam
Eccl 45.23
vidit Dominus Deus et non placuit illi et consumpti sunt in impetu iracundiae
Eccl 45.24
fecit illis monstra et consumpsit eos in flamma ignis
Eccl 45.25
et addidit Aaron gloriam et dedit illi hereditatem et primitias fructuum terrae divisit illi
Eccl 45.26
panem ipsis in primis paravit in satietatem nam sacrificia Domini edent quae dedit ipsi et semini eius
Eccl 45.27
ceterum in terra gentes hereditabit et pars non est illi in gente ipse enim pars eius est et hereditas
Eccl 45.28
et Finees filius Eleazari tertius in gloria est in imitando tantum in timore Domini
Eccl 45.29
et stare in reverentia gentis in bonitate et alacritate animae suae placuit de Israhel
Eccl 45.30
ideo statuit ad illum testamentum pacis principem sanctorum et gentis suae ut sit illi in sacerdotium sui dignitas in aeternum
Eccl 45.31
et testamentum David regi filio Iesse de tribu Iuda hereditas ipsi et semini eius ut daret sapientiam in cor nostrum iudicare gentem suam in iustitia ne abolerentur bona ipsorum et gloriam eorum in gentem ipsorum aeternam fecit

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages