Eccl 48

Teljes szövegű keresés

Eccl 48
Eccl 48.1
et surrexit Helias propheta quasi ignis et verbum ipsius quasi fax ardebat
Eccl 48.2
qui induxit in illos famem et imitantes illum invidia sua pauci facti sunt non poterant enim sustinere praecepta Domini
Eccl 48.3
verbo Domini exaltavit caelum et deiecit a se ignem terrae
Eccl 48.4
sic amplificatus est Helias in mirabilibus suis et quis potest similiter gloriari tibi
Eccl 48.5
qui sustulisti mortuum ab inferis de sorte mortis in verbo Domini Dei
Eccl 48.6
qui deiecisti reges ad perniciem et confregisti facile potentiam ipsorum et gloriosos de lecto suo
Eccl 48.7
qui audis in Sina iudicium et in Coreb iudicia defensionis
Eccl 48.8
qui ungues reges ad paenitentiam et prophetas facis successores post te
Eccl 48.9
qui receptus es in turbine ignis in curru equorum igneorum
Eccl 48.10
qui inscriptus es indiciis temporum et lenis iracundiam Domini conciliare cor patris ad filium et restituere tribus Iacob
Eccl 48.11
beati sunt qui te viderunt et in amicitia tua decorati sunt
Eccl 48.12
nam nos vita vivimus tantum post mortem autem non erit tale nomen nostrum
Eccl 48.13
Helias qui in turbine tectus est et in Heliseo conpletus est spiritus eius in diebus suis non pertimuit principem et potentia nemo vicit illum
Eccl 48.14
nec superavit illum verbum aliquod et mortuum prophetavit corpus eius
Eccl 48.15
in vita sua fecit monstra et in morte mirabilia opera ipsius
Eccl 48.16
in omnibus istis non paenituit populum et non recesserunt a peccatis suis usque dum deiecti sunt de terra sua et dispersi sunt in omnem terram
Eccl 48.17
et relicta est gens perpauca et princeps in domo David
Eccl 48.18
quidam ipsorum fecerunt quod placeret Deo alii autem multa commiserunt peccata
Eccl 48.19
Ezechias munivit civitatem suam et induxit in medium ipsius aquam et fodit ferro rupem et aedificavit ad aquam puteum
Eccl 48.20
in diebus ipsius ascendit Sennacherim et misit Rapsacen et sustulit manum suam contra illos et extulit manum suam in Sion et superbus factus est potentia sua
Eccl 48.21
tunc mota sunt corda et manus ipsorum et doluerunt quasi parturientes mulieres
Eccl 48.22
et invocaverunt Dominum misericordem et patentes manus extulerunt ad caelum et sanctus Dominus Deus audivit cito vocem ipsorum
Eccl 48.23
non est commemoratus peccatorum illorum neque dedit illos inimicis suis sed purgavit illos in manu Esaiae sancti prophetae
Eccl 48.24
subiecit castra Assyriorum et conteruit illos angelus Dei
Eccl 48.25
nam fecit Ezechias quod placuit Deo et fortiter ivit in via David patris sui quam mandavit illi Esaias propheta magnus et fidelis in conspectu Dei
Eccl 48.26
in diebus ipsius retro rediit sol et addidit regi vitam
Eccl 48.27
spiritu magno vidit ultima et obsecratus est lugentes in Sion usque in sempiternum
Eccl 48.28
ostendit futura et abscondita antequam evenirent

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages