Eccl 50

Teljes szövegű keresés

Eccl 50
Eccl 50.1
Simon Onii filius sacerdos magnus qui in vita sua suffulsit domum et in diebus suis corroboravit
Eccl 50.2
templi etiam altitudo ab ipso fundata est duplex aedificatio excelsa parietis templi
Eccl 50.3
in diebus ipsius remanaverunt putei aquarum et quasi mare adimpleti sunt supra modum
Eccl 50.4
qui curavit gentem suam et liberavit illam a pernicie
Eccl 50.5
qui praevaluit amplificare civitatem qui adeptus est gloriam in conversatione gentis et ingressum domus et atrii amplificatus est
Eccl 50.6
quasi stella matutina in medio nebulae et quasi luna plena in diebus suis lucet
Eccl 50.7
et quasi sol refulgens sic ille effulsit in templo Dei
Eccl 50.8
quasi arcus effulgens in nebulam gloriae et quasi flos rosarum in diebus veris quasi lilia quae sunt in transitu aquae et quasi tus redolens in diebus aestatis
Eccl 50.9
quasi ignis effulgens et tus ardens in igni
Eccl 50.10
quasi vas auri solidum ornatum omni lapide pretioso
Eccl 50.11
quasi oliva pullulans et gyrus in altitudinem se tollens in accipiendo ipsum stolam gloriae et vestiri eum consummatione virtutis
Eccl 50.12
in ascensu altarii sancti gloriam dedit sanctitatis amictum
Eccl 50.13
in accipiendo autem partes de manu sacerdotum et ipse stans iuxta aram circa illum corona fratrum quasi plantatio cedri in monte Libano
Eccl 50.14
sic circa illum steterunt quasi rami in palma et omnes filii Aaron in gloria sua
Eccl 50.15
oblatio autem Domini in manibus ipsorum coram omni synagoga Israhel et consummationem fungens in ara amplificare oblationem excelsi Regis
Eccl 50.16
porrexit manum suam in libatione et libavit de sanguine uvae
Eccl 50.17
et fudit in fundamenta altarii odorem divinum excelso Principi
Eccl 50.18
tunc exclamaverunt filii Aaron in tubis productilibus sonaverunt et auditam fecerunt magnam vocem in memoriam coram Deo
Eccl 50.19
tunc omnis populus simul properaverunt et ceciderunt in faciem super terram adorare Dominum suum et dare preces Deo omnipotenti excelso
Eccl 50.20
et amplificaverunt psallentes in vocibus suis et in magna domo auctus est sonus suavitate plenus
Eccl 50.21
et rogavit populus Dominum excelsum in prece usque dum perfectus est honor Domini et munus suum perfecerunt
Eccl 50.22
tunc descendens extulit manus suas in omnem congregationem filiorum Israhel dare gloriam Deo a labiis suis et in nomine ipsius gloriari
Eccl 50.23
et iteravit orationem suam volens ostendere virtutem Dei
Eccl 50.24
et nunc orate Dominum omnium qui magna fecit in omni terra qui auxit dies nostros a ventre matris nostrae et fecit nobiscum secundum suam misericordiam
Eccl 50.25
det nobis iucunditatem cordis et fieri pacem in diebus nostris in Israhel per dies sempiternos
Eccl 50.26
credere Israhel nobiscum esse misericordiam Dei ut sanet vos in diebus suis
Eccl 50.27
duas gentes odit anima mea tertia autem non est gens quam oderim
Eccl 50.28
qui sedent in monte Seir et Philisthim et stultus populus qui habitat in Sicimis
Eccl 50.29
doctrinam sapientiae et disciplinae scripsi in codice isto Iesus filius Sirach Hierosolymita qui renovavit sapientiam de corde suo
Eccl 50.30
beatus qui in istis versatur bonis qui ponit illa in corde suo sapiens erit semper
Eccl 50.31
si enim haec fecerit ad omnia valebit quia lux Dei vestigium eius est

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages