Eccl 7

Teljes szövegű keresés

Eccl 7
Eccl 7.1
noli facere mala et non te adprehendent
Eccl 7.2
discede ab iniquo et deficient mala abs te
Eccl 7.3
non semines mala in sulcis iniuriae et non metes ea in septuplum
Eccl 7.4
noli quaerere ab homine ducatum neque a rege cathedram honoris
Eccl 7.5
non te iustifices ante Deum quoniam agnitor cordis ipse est et penes regem noli velle videri sapiens
Eccl 7.6
noli quaerere fieri iudex nisi si valeas virtute inrumpere iniquitates ne forte extimescas faciem potentis et ponas scandalum in agilitate tua
Eccl 7.7
non pecces in multitudinem civitatis nec te inmittas in populum
Eccl 7.8
neque alliges duplicia peccata nec enim in uno eris inmunis
Eccl 7.9
noli esse pusillanimis in anima tua
Eccl 7.10
exorare et facere elemosynam non despicias
Eccl 7.11
ne dicas in multitudine munerum meorum respiciet Deus et offerentem me Deo altissimo suscipiet munera mea
Eccl 7.12
non inrideas hominem in amaritudine animae est enim qui humiliat et exaltat circumspector Deus
Eccl 7.13
noli amare mendacium adversus fratrem tuum neque amico similiter facias
Eccl 7.14
noli velle mentiri omne mendacium adsiduitas enim illius non bona
Eccl 7.15
noli verbosus esse in multitudine presbyterorum et non iteres verbum in tua oratione
Eccl 7.16
non oderis laboriosa opera et rusticationem ab Altissimo creatam
Eccl 7.17
non te reputes in multitudine indisciplinatorum
Eccl 7.18
memento irae quoniam non tardabit
Eccl 7.19
humilia valde spiritum tuum quoniam vindicta carnis impii ignis et vermes
Eccl 7.20
noli praevaricari in amicum pecunia differenti neque fratrem carissimum auro spreveris
Eccl 7.21
noli discedere a muliere sensata et bona quam sortitus es in timore Dei gratia enim verecundiae illius super aurum
Eccl 7.22
non laedas servum operantem in veritate neque mercennarium dantem animam suam
Eccl 7.23
servus sensatus dilectus quasi anima tua non defraudes illum libertate neque inopem derelinquas illum
Eccl 7.24
pecora tibi sunt adtende illis et si sunt utilia perseverent apud te
Eccl 7.25
filii tibi sunt erudi illos et curva illos a pueritia illorum
Eccl 7.26
filiae tibi sunt serva corpus illarum et non ostendas hilarem faciem tuam ad illas
Eccl 7.27
trade filiam et grande opus feceris et homini sensato da illam
Eccl 7.28
mulier si est tibi secundum animam tuam non proicias illam et odibili non credas te in toto corde
Eccl 7.29
honora patrem tuum et gemitus matris tuae ne obliviscaris
Eccl 7.30
memento quoniam nisi per illos non fuisses et retribue illis quomodo et illi tibi
Eccl 7.31
in tota anima tua time Deum et sacerdotes illius sanctifica
Eccl 7.32
in omni virtute dilige eum qui te fecit et ministros eius non derelinquas
Eccl 7.33
honora Deum ex tota anima tua et honorifica sacerdotes et propurga te cum brachiis
Eccl 7.34
da illi partem sicut mandatum est tibi primitiarum et purgationis et de neglegentia purga te cum paucis
Eccl 7.35
datum brachiorum tuorum et sacrificium sanctificationis offers initia sanctorum
Eccl 7.36
et pauperi porrige manum tuam ut perficiatur propitiatio et benedictio tua
Eccl 7.37
gratia datus in conspectu omnis viventis et mortuo non prohibeas gratiam
Eccl 7.38
non desis plorantibus in conrogatione et cum lugentibus ambula
Eccl 7.39
non te pigeat visitare infirmum ex his enim in dilectione firmaberis
Eccl 7.40
in omnibus operibus tuis memorare novissima tua et in aeternum non peccabis

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik. Alapítója és tulajdonosa, Biszak Sándor.

Rólunk Kapcsolat Sajtószoba

Languages