Ro 16

Teljes szövegű keresés

Ro 16
Ro 16.1
commendo autem vobis Phoebem sororem nostram quae est in ministerio ecclesiae quae est Cenchris
Ro 16.2
ut eam suscipiatis in Domino digne sanctis et adsistatis ei in quocumque negotio vestri indiguerit etenim ipsa quoque adstitit multis et mihi ipsi
Ro 16.3
salutate Priscam et Aquilam adiutores meos in Christo Iesu
Ro 16.4
qui pro anima mea suas cervices subposuerunt quibus non solus ego gratias ago sed et cunctae ecclesiae gentium
Ro 16.5
et domesticam eorum ecclesiam salutate Ephaenetum dilectum mihi qui est primitivus Asiae in Christo
Ro 16.6
salutate Mariam quae multum laboravit in vobis
Ro 16.7
salutate Andronicum et Iuniam cognatos et concaptivos meos qui sunt nobiles in apostolis qui et ante me fuerunt in Christo
Ro 16.8
salutate Ampliatum dilectissimum mihi in Domino
Ro 16.9
salutate Urbanum adiutorem nostrum in Christo et Stachyn dilectum meum
Ro 16.10
salutate Apellen probum in Christo
Ro 16.11
salutate eos qui sunt ex Aristoboli salutate Herodionem cognatum meum salutate eos qui sunt ex Narcissi qui sunt in Domino
Ro 16.12
salutate Tryfenam et Tryfosam quae laborant in Domino salutate Persidam carissimam quae multum laboravit in Domino
Ro 16.13
salutate Rufum electum in Domino et matrem eius et meam
Ro 16.14
salutate Asyncritum Flegonta Hermen Patrobam Hermam et qui cum eis sunt fratres
Ro 16.15
salutate Filologum et Iuliam Nereum et sororem eius et Olympiadem et omnes qui cum eis sunt sanctos
Ro 16.16
salutate invicem in osculo sancto salutant vos omnes ecclesiae Christi
Ro 16.17
rogo autem vos fratres ut observetis eos qui dissensiones et offendicula praeter doctrinam quam vos didicistis faciunt et declinate ab illis
Ro 16.18
huiusmodi enim Christo Domino nostro non serviunt sed suo ventri et per dulces sermones et benedictiones seducunt corda innocentium
Ro 16.19
vestra enim oboedientia in omnem locum divulgata est gaudeo igitur in vobis sed volo vos sapientes esse in bono et simplices in malo
Ro 16.20
Deus autem pacis conteret Satanan sub pedibus vestris velociter gratia Domini nostri Iesu Christi vobiscum
Ro 16.21
salutat vos Timotheus adiutor meus et Lucius et Iason et Sosipater cognati mei
Ro 16.22
saluto vos ego Tertius qui scripsi epistulam in Domino
Ro 16.23
salutat vos Gaius hospes meus et universae ecclesiae salutat vos Erastus arcarius civitatis et Quartus frater
Ro 16.24
Ro 16.25
ei autem qui potens est vos confirmare iuxta evangelium meum et praedicationem Iesu Christi secundum revelationem mysterii temporibus aeternis taciti
Ro 16.26
quod nunc patefactum est per scripturas prophetarum secundum praeceptum aeterni Dei ad oboeditionem fidei in cunctis gentibus cognito
Ro 16.27
solo sapienti Deo per Iesum Christum cui honor in saecula saeculorum amen

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT