Ro 6

Teljes szövegű keresés

Ro 6
Ro 6.1
quid ergo dicemus permanebimus in peccato ut gratia abundet
Ro 6.2
absit qui enim mortui sumus peccato quomodo adhuc vivemus in illo
Ro 6.3
an ignoratis quia quicumque baptizati sumus in Christo Iesu in morte ipsius baptizati sumus
Ro 6.4
consepulti enim sumus cum illo per baptismum in mortem ut quomodo surrexit Christus a mortuis per gloriam Patris ita et nos in novitate vitae ambulemus
Ro 6.5
si enim conplantati facti sumus similitudini mortis eius simul et resurrectionis erimus
Ro 6.6
hoc scientes quia vetus homo noster simul crucifixus est ut destruatur corpus peccati ut ultra non serviamus peccato
Ro 6.7
qui enim mortuus est iustificatus est a peccato
Ro 6.8
si autem mortui sumus cum Christo credimus quia simul etiam vivemus cum Christo
Ro 6.9
scientes quod Christus surgens ex mortuis iam non moritur mors illi ultra non dominabitur
Ro 6.10
quod enim mortuus est peccato mortuus est semel quod autem vivit vivit Deo
Ro 6.11
ita et vos existimate vos mortuos quidem esse peccato viventes autem Deo in Christo Iesu
Ro 6.12
non ergo regnet peccatum in vestro mortali corpore ut oboediatis concupiscentiis eius
Ro 6.13
sed neque exhibeatis membra vestra arma iniquitatis peccato sed exhibete vos Deo tamquam ex mortuis viventes et membra vestra arma iustitiae Deo
Ro 6.14
peccatum enim vobis non dominabitur non enim sub lege estis sed sub gratia
Ro 6.15
quid ergo peccavimus quoniam non sumus sub lege sed sub gratia absit
Ro 6.16
nescitis quoniam cui exhibetis vos servos ad oboediendum servi estis eius cui oboeditis sive peccati sive oboeditionis ad iustitiam
Ro 6.17
gratias autem Deo quod fuistis servi peccati oboedistis autem ex corde in eam formam doctrinae in qua traditi estis
Ro 6.18
liberati autem a peccato servi facti estis iustitiae
Ro 6.19
humanum dico propter infirmitatem carnis vestrae sicut enim exhibuistis membra vestra servire inmunditiae et iniquitati ad iniquitatem ita nunc exhibete membra vestra servire iustitiae in sanctificationem
Ro 6.20
cum enim servi essetis peccati liberi fuistis iustitiae
Ro 6.21
quem ergo fructum habuistis tunc in quibus nunc erubescitis nam finis illorum mors est
Ro 6.22
nunc vero liberati a peccato servi autem facti Deo habetis fructum vestrum in sanctificationem finem vero vitam aeternam
Ro 6.23
stipendia enim peccati mors gratia autem Dei vita aeterna in Christo Iesu Domino nostro

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT