Mc 8

Teljes szövegű keresés

Mc 8
Mc 8.1
in illis diebus iterum cum turba multa esset nec haberent quod manducarent convocatis discipulis ait illis
Mc 8.2
misereor super turba quia ecce iam triduo sustinent me nec habent quod manducent
Mc 8.3
et si dimisero eos ieiunos in domum suam deficient in via quidam enim ex eis de longe venerunt
Mc 8.4
et responderunt ei discipuli sui unde istos poterit quis hic saturare panibus in solitudine
Mc 8.5
et interrogavit eos quot panes habetis qui dixerunt septem
Mc 8.6
et praecepit turbae discumbere supra terram et accipiens septem panes gratias agens fregit et dabat discipulis suis ut adponerent et adposuerunt turbae
Mc 8.7
et habebant pisciculos paucos et ipsos benedixit et iussit adponi
Mc 8.8
et manducaverunt et saturati sunt et sustulerunt quod superaverat de fragmentis septem sportas
Mc 8.9
erant autem qui manducaverunt quasi quattuor milia et dimisit eos
Mc 8.10
et statim ascendens navem cum discipulis suis venit in partes Dalmanutha
Mc 8.11
et exierunt Pharisaei et coeperunt conquirere cum eo quaerentes ab illo signum de caelo temptantes eum
Mc 8.12
et ingemescens spiritu ait quid generatio ista quaerit signum amen dico vobis si dabitur generationi isti signum
Mc 8.13
et dimittens eos ascendens iterum abiit trans fretum
Mc 8.14
et obliti sunt sumere panes et nisi unum panem non habebant secum in navi
Mc 8.15
et praecipiebat eis dicens videte cavete a fermento Pharisaeorum et fermento Herodis
Mc 8.16
et cogitabant ad alterutrum dicentes quia panes non habemus
Mc 8.17
quo cognito Iesus ait illis quid cogitatis quia panes non habetis nondum cognoscitis nec intellegitis adhuc caecatum habetis cor vestrum
Mc 8.18
oculos habentes non videtis et aures habentes non auditis nec recordamini
Mc 8.19
quando quinque panes fregi in quinque milia et quot cofinos fragmentorum plenos sustulistis dicunt ei duodecim
Mc 8.20
quando et septem panes in quattuor milia quot sportas fragmentorum tulistis et dicunt ei septem
Mc 8.21
et dicebat eis quomodo nondum intellegitis
Mc 8.22
et veniunt Bethsaida et adducunt ei caecum et rogabant eum ut illum tangeret
Mc 8.23
et adprehendens manum caeci eduxit eum extra vicum et expuens in oculos eius inpositis manibus suis interrogavit eum si aliquid videret
Mc 8.24
et aspiciens ait video homines velut arbores ambulantes
Mc 8.25
deinde iterum inposuit manus super oculos eius et coepit videre et restitutus est ita ut videret clare omnia
Mc 8.26
et misit illum in domum suam dicens vade in domum tuam et si in vicum introieris nemini dixeris
Mc 8.27
et egressus est Iesus et discipuli eius in castella Caesareae Philippi et in via interrogabat discipulos suos dicens eis quem me dicunt esse homines
Mc 8.28
qui responderunt illi dicentes Iohannem Baptistam alii Heliam alii vero quasi unum de prophetis
Mc 8.29
tunc dicit illis vos vero quem me dicitis esse respondens Petrus ait ei tu es Christus
Mc 8.30
et comminatus est eis ne cui dicerent de illo
Mc 8.31
et coepit docere illos quoniam oportet Filium hominis multa pati et reprobari a senioribus et a summis sacerdotibus et scribis et occidi et post tres dies resurgere
Mc 8.32
et palam verbum loquebatur et adprehendens eum Petrus coepit increpare eum
Mc 8.33
qui conversus et videns discipulos suos comminatus est Petro dicens vade retro me Satana quoniam non sapis quae Dei sunt sed quae sunt hominum
Mc 8.34
et convocata turba cum discipulis suis dixit eis si quis vult post me sequi deneget se ipsum et tollat crucem suam et sequatur me
Mc 8.35
qui enim voluerit animam suam salvam facere perdet eam qui autem perdiderit animam suam propter me et evangelium salvam eam faciet
Mc 8.36
quid enim proderit homini si lucretur mundum totum et detrimentum faciat animae suae
Mc 8.37
aut quid dabit homo commutationem pro anima sua
Mc 8.38
qui enim me confusus fuerit et mea verba in generatione ista adultera et peccatrice et Filius hominis confundetur eum cum venerit in gloria Patris sui cum angelis sanctis
Mc 8.39
et dicebat illis amen dico vobis quia sunt quidam de hic stantibus qui non gustabunt mortem donec videant regnum Dei veniens in virtute

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages