1Mach 12

Teljes szövegű keresés

1Mach 12
1Mach 12.1
et vidit Ionathas quia tempus eum iuvat et elegit viros et misit Romam statuere et renovare cum eis amicitiam
1Mach 12.2
et ad Spartas et ad alia loca misit epistulas secundum eandem formam
1Mach 12.3
et abierunt Romam et intraverunt in curiam et dixerunt Ionathas summus sacerdos et gens Iudaeorum miserunt nos ut renovetis amicitiam et societatem secundum pristinam
1Mach 12.4
et dederunt illis epistulas ad ipsos per loca ut deducerent eos in terram Iuda cum pace
1Mach 12.5
et hoc exemplum epistularum quas scripsit Ionathas Spartiatis
1Mach 12.6
Ionathas summus sacerdos et seniores gentis et sacerdotes et reliquus populus Iudaeorum Spartiatis fratribus salutem
1Mach 12.7
iam pridem missae erant epistulae ad Onian summum sacerdotem a Dario qui regnabat apud vos quoniam estis fratres nostri sicut rescriptum continet quod subiectum est
1Mach 12.8
et suscepit Onias virum qui fuerat missus cum honore et accepit epistulas in quibus significabatur de societate et amicitia
1Mach 12.9
nos cum nullo horum indigeremus habentes solacio sanctos libros qui sunt in manibus nostris
1Mach 12.10
maluimus mittere ad vos renovare fraternitatem et amicitiam ne forte alieni efficiamur a vobis multa enim tempora transierunt ex quo misistis ad nos
1Mach 12.11
nos ergo in omni tempore sine intermissione in diebus sollemnibus et ceteris quibus oportet memores sumus vestri in sacrificiis quae offerimus et observationibus sicut fas est et decet meminisse fratrum
1Mach 12.12
laetamur itaque de gloria vestra
1Mach 12.13
nos autem circumdederunt multae tribulationes et multa proelia et inpugnaverunt nos reges qui sunt in circuitu nostro
1Mach 12.14
noluimus ergo vobis molesti esse neque ceteris sociis et amicis nostris in his proeliis
1Mach 12.15
habuimus enim de caelo auxilium et liberati sumus nos et humiliati sunt inimici nostri
1Mach 12.16
elegimus itaque Numenium Antiochi et Antipatrum Iasonis filium et misimus ad Romanos renovare cum eis amicitiam et societatem pristinam
1Mach 12.17
mandavimus itaque eis ut veniant etiam ad vos et salutent vos ut reddant vobis epistulas nostras de innovatione fraternitatis nostrae
1Mach 12.18
et nunc bene facietis respondentes nobis ad haec
1Mach 12.19
et hoc rescriptum epistularum quod miserat Onias
1Mach 12.20
rex Spartiarum
1Mach 12.21
Onias Ionathae sacerdoti magno salutem
1Mach 12.22
inventum est in scriptura de Spartiatis et Iudaeis quoniam sunt fratres et quia sunt de genere Abraham
1Mach 12.23
et nunc ex quo haec cognovimus bene facitis scribentes nobis de pace vestra
1Mach 12.24
sed et nos rescripsimus vobis pecora nostra et possessiones nostrae vestrae sunt et vestra nostra mandavimus itaque haec nuntiari vobis
1Mach 12.25
et audivit Ionathas quoniam egressi sunt principes Demetrii cum exercitu multo supra quam prius pugnare adversus eum
1Mach 12.26
et exiit ab Hierusalem et occurrit eis in Amathite regione non enim dederat eis spatium ut ingrederentur regionem eius
1Mach 12.27
et misit speculatores in castra eorum et reversi renuntiaverunt quia constituunt supervenire illis nocte
1Mach 12.28
cum occidisset autem sol praecepit Ionathas suis vigilare et esse in armis paratos ad pugnam tota nocte et posuit custodes per circuitum castrorum
1Mach 12.29
et audierunt adversarii quia paratus est Ionathas cum suis in bello et timuerunt et formidaverunt corde suo et accenderunt focos in castris suis
1Mach 12.30
Ionathas autem et qui cum eo erant non cognoverunt usque mane videbant enim lumina ardentia
1Mach 12.31
et secutus est Ionatha et non conprehendit eos transierant enim flumen Eleutherum
1Mach 12.32
et divertit Ionathas ad Arabas qui vocantur Zabadei et percussit eos et accepit spolia eorum
1Mach 12.33
et iunxit et venit Damascum et perambulavit omnem regionem illam
1Mach 12.34
Simon autem exiit et venit usque ad Ascalona et ad proxima praesidia et declinavit in Ioppen et occupavit eam
1Mach 12.35
audivit enim quod vellent praesidium tradere partibus Demetrii et posuit ibi custodes ut custodirent eam
1Mach 12.36
et reversus est Ionathas et convocavit seniores populi et cogitavit cum eis aedificare praesidia in Iudaea
1Mach 12.37
et aedificare muros in Hierusalem et exaltare altitudinem magnam inter medium arcis et civitatis ut separaret eam a civitate ut esset ipsa singulariter et neque emant neque vendant
1Mach 12.38
et convenerunt ut aedificarent civitatem et cecidit murus qui erat super torrentem ab ortu solis et reparavit eum qui vocatur Caphetetha
1Mach 12.39
et Simon aedificavit Adiada in Sephela et munivit eam et inposuit portas et seras
1Mach 12.40
et cum cogitasset Tryfon regnare Asiae et adsumere diadema et extendere manum in Antiochum regem
1Mach 12.41
timens ne forte non permitteret eum Ionathas sed pugnaret adversus eum quaerebat conprehendere eum et occidere et exsurgens abiit in Bethasan
1Mach 12.42
et exiit Ionathas obviam cum quadraginta milibus virorum electorum in proelium et venit Bethasan
1Mach 12.43
et vidit Tryfon quia venit cum exercitu multo ut extenderet in eum manus et timuit
1Mach 12.44
et excepit eum cum honore et commendavit eum omnibus amicis suis et dedit ei munera et praecepit exercitibus suis ut oboedirent ei sicut sibi
1Mach 12.45
et dixit Ionathae ut quid vexasti universum populum cum bellum nobis non sit
1Mach 12.46
et nunc remitte eos in domos suas elige autem tibi viros paucos qui tecum sint et veni mecum Ptolomaidam et tradam illam tibi et reliqua praesidia et exercitum et universos praepositos negotii et conversus abibo propterea enim veni
1Mach 12.47
et credidit ei et fecit sicut dixit et dimisit exercitum et abierunt in terram Iudam
1Mach 12.48
retinuit autem secum tria milia virorum ex quibus remisit in Galileam duo milia mille autem cum eo venerunt
1Mach 12.49
ut intravit autem Ionathas Ptolomaidam cluserunt portas Ptolomenses et conprehenderunt eum et omnes qui cum eo intraverant gladio interfecerunt
1Mach 12.50
et misit Tryfon exercitum et equites in Galileam et in campum magnum ut perderent omnes socios Ionathae
1Mach 12.51
at illi cum cognovissent quia conprehensus est et periit et omnes qui cum eo erant hortati sunt semet ipsos et exierunt parati in proelium
1Mach 12.52
et videntes hii qui insecuti fuerant quia pro anima res est illis reversi sunt
1Mach 12.53
illi autem venerunt omnes cum pace in terram Iuda et planxerunt Ionathan et eos qui cum eo fuerant valde et luxit Israhel luctu magno
1Mach 12.54
et quaesierunt omnes gentes quae erant in circuitu eorum perdere eos dixerunt enim
1Mach 12.55
non habent principem et adiuvantem nunc ergo expugnemus illos et tollamus de hominibus memoriam eorum

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages