Sap 8

Teljes szövegű keresés

Sap 8
Sap 8.1
adtingit enim a fine usque ad finem fortiter et disponit omnia suaviter
Sap 8.2
hanc amavi et exquisivi a iuventute mea et quaesivi sponsam mihi adsumere et amator factus sum formae illius
Sap 8.3
generositatem glorificat contubernium habens Dei sed et omnium Dominus dilexit illam
Sap 8.4
doctrix est enim disciplinae Dei et electrix operum illius
Sap 8.5
et si divitiae appetuntur in vita quid sapientiae locupletius quae omnia operatur
Sap 8.6
si autem sensus operatur quis horum quae sunt magis quam illa est artifex
Sap 8.7
et si iustitiam quis diligit labores huius magnas habent virtutes sobrietatem enim et sapientiam docet et iustitiam et virtutem quibus utilius nihil est in vita hominibus
Sap 8.8
et si multitudinem scientiae desiderat quis scit praeterita et de futuris aestimat scit versutias sermonum et dissolutiones argumentorum signa et monstra scit antequam fiant et eventus temporum et saeculorum
Sap 8.9
proposui ergo hanc adducere mihi ad convivendum sciens quoniam communicabit mecum de bonis et erit adlocutio cogitationis et taedii mei
Sap 8.10
habebo propter hanc claritatem ad turbas et honorem apud seniores iuvenis
Sap 8.11
acutus inveniar in iudicio et in conspectu potentium admirabilis ero et facies principum mirabuntur me
Sap 8.12
tacentem me sustinebunt et loquentem me respicient et sermocinante plura manus ori suo inponent
Sap 8.13
propterea habebo per hanc inmortalitatem et memoriam aeternam his qui post me futuri sunt relinquam
Sap 8.14
disponam populos et nationes mihi erunt subiectae
Sap 8.15
timebunt me audientes reges horrendi in multitudine videbor bonus et in bello fortis
Sap 8.16
intrans in domum meam conquiescam cum illa non enim habet amaritudinem conversatio illius nec taedium convictus ipsius sed laetitiam et gaudium
Sap 8.17
haec cogitans apud me et commemorans in corde meo quoniam inmortalitas est in cogitatione sapientiae
Sap 8.18
et in amicitia illius delectatio bona et in operibus manuum illius honestas sine defectione et in certamine loquellae illius sapientia et praeclaritas in communicatione sermonum ipsius circuibam quaerens ut mihi illam adsumerem
Sap 8.19
puer autem eram ingeniosus et sortitus sum animam bonam
Sap 8.20
et cum essem magis bonus veni ad corpus incoinquinatum
Sap 8.21
et ut scivi quoniam aliter non possum esse continens nisi Deus det et hoc ipsum erat sapientiae scire cuius esset hoc donum adii Dominum et deprecatus sum illum et dixi ex totis praecordiis meis

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages