V. Ottavio Baldigara jelentése az egri építkezés állásáról, 1572 november

Teljes szövegű keresés

V.
Ottavio Baldigara jelentése az egri építkezés állásáról,
1572 november495
495 ÖStA KA HKR Akt. 1572 November No. 93. Exp. fol. 7–8, az eredeti olasz szöveg német fordítása.
Grosmechtigister etc.
Was Jch für ain fleiß in Eur Majestät etc. gepewen ankhert, das bewesen meine erfundtne stuckh vnndt Jnuention, die Zuem gePew Zu Erla gehörig seindt.
Jber das, Jch hab von dem gePew Zu Erla dermassen mit Jacomo Loberse gehanndlet, das Er die Claffter der Maur, vmb ein bstimbt geelt an ainichem anndern vncosten Euer Kayserlichen Majestät etc. Werde machen.
98Dem nach hab mit Bartholomio di Ponto, wegen der Pastey von der seitten des Pergs, mit dem Consens der herrn Commissarien also Zu Erla bschlossen, das Er sich die Claffter vmb 3 1/2 Taller Zu machen, bewilligt, wan man Jme Scheüb druchen vnndt etlich annder Jnstrumenten, vnndt auch laden, Nägl, vnndt annders holzwerkh darZue gibt. Dan also wurde das gePew vill weniger costen, als Zuuor.
Die tag, hab auch mit Jacomo Lobrese, vnnser hanndlung wegen die Pastey von der seitten der Stat, auf ein Ortt vnndt Endt gePracht, Vnndt Er will die Claffter vmb 3 Taller auf sein vncosten machen. Also das Er laden, Nägl, allerlej holzwerckh vnndt Jnstrumenten solle darZue geben, Wie mans den siecht vnndt vernimbt aus Vnseren Vorigen bschlus. Vnndt sollicher bschlus wirt Zu gressern Nuz Eur Kayserlichen Majestät etc. raichen, als derselbig, der mit Bartolamio de Ponto bschehen ist.
Darumb Es wäre vonnötten, das man disem bschlus wegen der Pastey von der seitten der Stat, dem Jacomo also anneme vnd bestättet, vnndt das man auch dem Bartolomio seinem bschehnen bschlus Passieret, dan es ist ein grossere mühe bei dem gepew, als bei dem anndern, vnndt Nach volendung dises gepews, het Bartolomio gleich so wolffaill, das annder gemacht vnndt gPawt, als Jacomo. Es ist auch besser, das man Zwen Maister halte, als ain allein, dan also werden sy ain Concorrenz haben, vnndt wirt ainer dem anndern Zu druz, besser vnndt geschwinter arbeitten.
So man das gepew auf Euer Kayserlichen Majestät etc. vncosten soll machen, So weit man von der Claffter vom hawen des Steinwerckhs, Zaln 55 vnngrisch denar Vom Zuefuern 80 vnngrisch denar. Drey sollhe Claffter machen 2 Klaffter in der Mawr, Vom Macher lan Einer Klaffter gebuert dem Maurer 1 f Reinisch Vnnd also Costen 2 Klaffter, wan die Mawr gemacht ist 5 Taller vnndt 65 vnngrisch denar, an den khalch, fuerlahn, Sanndt, vnndt Wasser, dan Zum Wasser fueren helt man sunst 4 Roß mit 2 diennern, welche 6 Taller bsoldung Monatlich haben, vnndt einem anndern, der die Pottingen fullen, dem gibt man täglich 12 vngrisch denar. Weitter, helt man auch einem verwalter vber die Sandt wägen, dem gePurt 5 f Monatlich. Einem Stein mezn geburt Monatlich 8 f. Einem, der die Stein wigt, 7 f Monatlich, Einem verwalter des Sanndts vnndt des Steinwerckhs, Einem yedem gepurt 3 Taller Monatlich, vnndt dise Zween Zalt der Haubtman selbst, aus der Zallung des vnngrischem khriegsvolckhs. Vber des Nägl, holzwerckh Zum gwelwen, Zu Pruckhen vnndt Zu anndern Jnstrumenten, Auch Außen werckh, kholn, vnndt ein Schmidt mueß man haben, den dann Monatlich 8 f gebuert Zugeben. Des alles mitainanndt, Wirt man ersParn, wofehr man kan der Klaffter also Zaln wirt, wie Jchs vermeldt.
Vnndt darumb, wan den bschehnen bschlus Euer Majestät acceptiern vnndt die 15000 f sambt die 4 SPanschafften dar Zue bewilligen sollen, So wurde das gePew in 2 oder 3 Jars dermassen aufgehn, Jars man mecht darnach, das vbrig leichtlich mit denen, die Jm lanndt sein, ausarbeitten.
Vnndt das gelt mehten Euer Khayserliche Majestät etc. Zum theil in der dreissigist Zu Tokhay, Zum thail Zu Bartfeldt, vnndt anndern Ortten, als auch aus der dica der 4 SPanschafften Zum gepew verordnen.
99Dieweill auch ietz under der Erzbischoff gesterben ist, mehten Euer Majestät etc. seine Einkhumen, 3 Jar darZue bewilligen, oder aber annders gelt, das vom Thodt schlegen oder annderen vbelthäten wegen Euer Khayserlichen Majestät etc. Zue fallen. Auch mehten Euer Kayserliche Majestät etc. die vbeltatter, die man pflegt auf galeen schickhen, hinZue verordnen.
Vnndt also werden Euer Majestät etc. anndere will solche weeg funden Zu disem gepew Zu Erla.
Octauio Baldigara

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages