VI. Ottavio Baldigara kállói tervének vázlatmagyarázata, 1573 október
VI.
Ottavio Baldigara kállói tervének vázlatmagyarázata,
1573 október496
Ottavio Baldigara kállói tervének vázlatmagyarázata,
1573 október496
496 ÖStA KA HKR Akt. 1573 October No. 43. Exp. fol. 9–12, az eredeti olasz szöveg német fordítása.
Außlegung des Newen Castels Wißkalo genanndt
A. Das New Castell Vißkalo vnndt sein Platz oder sein weitte.
B.C.D.E. Der bemelter vestn, vier Basteyen vnndt Jre Weitte nach der höhe.
F. Die ScarPa, oder die Preite des eisern Zauns, so sein höhe 27 Schuech machen, wie es beZeichnet bei der Bastein B. Es Wäre guet, das die Cortine vmb 3 schuech niederer wären.
G. Die dückhe der Brust Wehrn sollen 6 1/2 schuech hoch sein.
H. Der Stanndt bej dem Brust Wehrn werden 3 schuech breit vndt 1 3/4 hoch sein, damit das khriegsuolckh darauf steigen, vnndt mit hanndt püxsen vber die Prust Wehrn schiessen müge. Jtem diser Stanndt wirt auch sein für die lecher, so in dem Eiseristen Zaun sein Werden, welche Zaun 2 oder 2 1/2 schuech höher sein solle, als die Brust Wehrn werden, damit also das khriegsuolckh, wanns auf den obbemelten Stanndt khumbt, vorm feindt bewart seie, Wie dann ein solches in den Sakhmarischen Brust Wehrn vnndt Cortinen auch Zu machen außZeichnet ist. Jtem, für das geschüz, wann das gePew aus Erdtrich soll [?] gemacht sein, wirt man desto leichter die Streich Wehrn vnndt Bruckhen Zum schiessen, die Brust Wehren auf khunden machen. Jtem damit man müge baldt ein 2 schuech hoch vier Eckhet schueß löcher machen.
I. Die Schit der Cortinen 3 schuech497 breit sambt den Stanndt der BrustWehrn, dieweil mans nit breitter khan machen, das das Ortt Zu khlein ist. Also khan man Jme auch wahlen nit machen, wie es sein solle, sonnder 100ein yede Cortina wirt Jr latter darfür haben, wie es in Modell Zeichnet ist, vnndt dieweill die Cortine khurz sein für die walen der Pasteien, werden gemacht für ein yede Pestein bei dem eingang, so ein etliche Casamata L hat, ein Pruckhen.
497 Az eredeti olasz szövegben öl (pasa, passa) szerepel. Bár az olasz „passa” lépést jelent, az iratokban szereplő adatokat az alaprajzokra vetítve egyértelművé válik, hogy azt „öl”értelemben használták.
K. Casemate der Pasteien, vnndt ein yede ein StreichWehr, Wie es ausZeichnet. Dise Streich Wehren werden ausserhalb Jm graben 2 schrit hoch sein vnndt ein yede wirt Jr rinne haben muessen, damit das regen wasser sein außgang habe.
L. die Weg, so in die Casemate ein gehn.
M. Brust Wehrn sambt Jrn Streich Wehrn, wan man sy muest von der höhe wehren.
N. Hoch Streich Wehrn für ein yede seitten.
O. Heuser neben der Cortinen Schitten, für Profanndt, Munition vndt kheller, Jtem Zum Prott pachen, für die schmidt, für die khriegs leut, für ein Schtall der Rossen des Obristen, Jtem für vier kheine thuen, so Ein etliche ein schrit oder annderthalb haben mechte, darinn man Puluer vnndt annder fuer Zeug halten möchte.
P. Die Weg vmb die Vestn, damit man Zu den Pasteien, Zu den Cortinen, vnndt Zum Plaz gehn müge.
Q. Heüser, so man den Soldaten khan auß thailn, nahenndt beim plaz.
+ Die Vier fürnembste Windt, L beträt den aufganng, P den undergang, O den Mittag, die Mittnacht.
Ein New gemachter Prun, Mitten in dem Castell vnndt auf den Plaz, Zu bösseren glegenheit, vnndt damit der khlein Plaz lediger seie, vnndt auch damit man sich mit Wögen vmbkheren müge.
R. Das groß Thor des Castells, so Zu der Reittern Stell hinaus geht.
S. Das khlein Thor, so auf den Mittag ligt, Jst Zu einem anlauf.
T. Die selb seitten des Grabens, so bei der Vesten nahenndt ligt, wirt bej dem Zaun höher mit einem thaal auf dem falschn grabn ligen, also das dieselb seitten on498 Wasser bleibe, damit man müge auß gehn, vnndt die under geschossne Mawrn oder Zauen Werkh saubern Zu bösserer verhuettung der Pasteien, Cortinen vnndt auch des grabens. Vnndt damit das Werckh, so vom Erdtrich gemacht wirt, vnndt das Castell desto mehr vnnd lenger Wehre, vnndt das das Wasser das fundament nit erwache, vnndt also darnach die schwäre dasselbig nit nider drukhe, So mues dieselb seitten druckhen bleiben, vnndt muessen Pfaln eingeschlagen werden, als vil es sein khan neben den gestadt des falschen grabens, Wie mans siecht Jn den Zeichen 0Mueß auch ein Pfal den anndern anrüern, Wie mans siecht Jn dem Zeichen bei der Pastein C. Man mag aber Zwischen Zweien langen Pfalein, allZeit ein khurz sezen, Welches Werckh also gemacht, es soll nit höher aus dem Wasser ausschien, wanns khlein ist, als ein schuech hoch.
498 Ohne.
101Man mechte auch ob disem Werckh, also Wie mans siecht in dem Zeichen , TTTTTTT ein Zaun, 7 schuech höch von Zimlichen Thuckhen499 Pfalen machen, So man dar nach dasselbig mit khadt vberwerffen möchte. Auch muesset man Jn disem Zaun schueß löcher machen, durch welche man khumet den feindt vom graben abwehren. Vnndt damit das khriegs uolckh geradt vom feindt nit möchte geschedigt werden, Mecht man auch am Eckhen ein solche Brust Wehrn 7 schuech hoch machen, wie mans in V siecht. Allein, da muessen der Zaun etwas Wenigs Höher sein, damit allda das khriegs uolckh belegt sein möchte.
499 Trockenen.
X. Ein falscher Graben, Welcher in Sumer vnndt in anndern Thruckhnen Zeitten, Welch Jch das alleZeit 3 1/2 oder 4 schuech tuef Wasser in sich hette, vnndt das man daraus das Wasser nit möcht heraus lassen oder heraus gräben. Am Boden vnnder dem Wasser wolt Jch das vier Eckhete löcher im graben waren, die etwa 1 1/2 Schritt vnndt ein schuech ein 1/2 lanng vnndt Preit Wären, vnndt das, ein loch dueffer Wurde als das annder, Wie man es sieht beZeichnet sein Sckhakh weiß, damit wan der feindt darein khäme, muessen also darnach offt nider fallen.
Y. Die eisserist seitten des grabens wolt Jch, das Thruckhnen Zeitten Thruckhen blib, vnndt hienng auf den falschen graben Zue, vnndt were etwas wenigs nider, damit Wan der feindt das ort beim gestadt mit holz werckh anfilet, meht man es darnach anZinten, … [egy sor hiányzik] Jtem, damit also der feindt sein furnemen langsamer mahte Volbringen, als wann es eben were. Also wurde auch die Contra scarPa lennger Wehren. Es wäre von notten, das man es mit Mawr Zeug oder mit Pfaln also aufs ehst ins Werckh brach.
Z. Ein beteckther Weg ausserhalb des grabens, niderer als die Contra scarPa ist vmb 6 schuech, damit man muge also beteckh dem feindt ein wider standt thuen, vnnd die Contra scarPa verhuetten.
1. Ein Stanndt des beteckhten Wegs 3 schuech breit, vnndt 1 3/4 schuech hoch, damit das khriegs uolckh darauf stehn, daraus schuessen, vnndt die Contra scarPa vor dem feindt verhuetten vnndt denselben vom graben abwehren muge.
2. Ein Eckh an dem beteckhten Weg, welches alZeit Zwo lennden macht, damit sich der feindt hinZue nit muge lennden.
3. Casematte, die man muesset Jn dem graben bej den Contra scarPen, aus holz machen vnndt beteckhen mit Erdtrich, Vor dem fuer, damit man muge mit etlichen schüzen den graben vor dem feindt daraus bewahren. Der Zaun vnndt das leger, da das Reitter Volckh stehn mueß, Wirt Zusammen fugt bei den Zweien Eckhen der Pesteien D vnndt E vnndt wirtt verhuet von dem Pasteien B vnndt C, vnndt von drei anndern Pasteien des legers, so mit Nummer 4, 5, 6 Zeichnet seindt. Es hat sein graben mit sein Wasser vnndt vmbher, wie mans Jn den Modell siecht, Funf schritt Weit von dem Zaun Jnwendig, mit Nummer 8, seindt die 102Heüser vnndt die Stallungen 3 schritt Preit. Diese hauser vnndt stallungen seindt in Zweien Ordnungen, vnndt Jn der mit500 haben ein Weg vnndt noch Zwey anndere weg, so Zu den Pesteien vnndt in die Cortina des Plaz Nummer 7 gehn. Jn disem Plaz vnndt in den dreien Pesteien Nummer 4, 5, 6. khan das khriegsuolckh Zu samen khumen, biß darnach mit ein annder auf dem feindt außZeugt. Dise heuser vnndt stallungen seindt 302 schritt lanng, vnndt also bleiben für ein yedes Roß 14 1/2 schuech, nach der lenng, vnndt nach der Preit. Die 200 schritt nach der lenng, so vberPleiben, mag man dem khriegsuolckh, oder aber sunst Nuzlich außthailn.
500 In der Mitte.
Das Thor des legers, Zeichnet mit Nummer 9.
