5.
5.
Báthory István lengyel király, erdélyi fejedelem a Szent Egyed egyháznak adományozza a biharmegyei Nagykér falut. 1585. április 7.
Nos Stephanus Dei gracia Rex Poloniae etc… Quod cum iniuria, malitiaque temporis catholicae religionis ecclesiae passim, maxime autem Varadini, profligatae, dirutae, reditibus orbatae, ac vix non penitus eradicatae extinctaeque sint, volentes ecclesiam Sancti Aegidii unicam, eamque egentissimam, ab ea tamen ruina superstitem, catholicae religioni dicatam, quantulocunque beneficio erigere ac in sustentationem sacerdotum catholicorum, solatiumque piorum liberalitite sublevare: totalem et integram possessionem Nagykér vocatam, in comitatu Bihariensi existentem habitam, quae alias magnifici quon-dam Nicolai de Thelegd praefuerat, sed per mortem et defectum seminis eiusdem… ad nos… devoluta est… simul cum cunctis suis utilitatibus… dictae… ecclesiae Sancti Aegidii, Romanae catholicaeque professionis tantum sacerdotibus attribuimus, damus… iure perpetuo et irrevocabiliter tenendam, possidendam… salvo iure alieno…
Datum in arce nostra regia Nepolomicensi septima die mensis Aprilis, anno Domini millesimo quingentesimo octagesimo quinto, regni vero nostro nono.
Stephanus Rex m. p.
Georgius Chahor secretarius m. p.
(Eredeti, papír, a király pecsétjével. Orsz. levéltár kincst. oszt.: A Jesuit. 70.)
