Ioubagiones de Bekves, scilicet Sungut, Bot, Bus, Chysce, Paul, Nefaut, Dionis, Tomas, Pether, Orocha, Vivor, Bochyur, Elias et Usud, item ioubagiones de castrensibus exempti, scilicet Reche, Banus, Ambos et Thycus et postea universi castrenses, scilicet Mogug, Ega, Vsud, Pous et omnes alii conquesti sunt domino regi Andreę super Sab et Sycund dicentes, quod iniusti ioubagiones essent et dilapidatores rerum populi et depaupertatores omnium castrensium et auctores mortis trium hominum. Supradictus autem rex commisit Ilię, comiti eorum discuciendos, qui dampnis castrensium computatis et in trecentis marcis eos dampnificatos esse comperiens per pristaldum nomine Andreas de villa Egneg misit eos Varadinum, ubi homo prędictorum castrensium nomine Pous portato ferro contra Sab et Sycund mundatus est.