בְּנִי תּוֺרָתִי אַל־תִּשְׁכָּח וּמִצְוֺתַי
יִצֹּר לִבֶּךָ׃
כִּי אֹרֶך יָמִים וּשְׁנֺות חַיִּים
וְשָׁלוֺם יֺוסִיפוּ לָך׃
חֶסֶד וֶאֱמֶת אַל־יַעַזְבֻךָ קָשְׁרֵם
עַל־גַּרְגְּרוֺתֶיךָ כָּתְבֵם עַל־לוּחַ
לִבֶּךָ׃
וּמְצָא־חֵן וְשֵׂכֶל־טוֺב בְּעֵינֵי
אֱלֹהִים וְאָדָם׃ ף
בְּטַח אֶל־יְהוָה בְּכָל־לִבֶּךָ וְאֶל־בִּינָתְךָ
אַל־תִּשָּׁעֵן׃
בְּכָל־דְּרָכֶיךָ דָעֵהוּ וְהוּא יְיַשֵּׁר
אֹרְחֹתֶיךָ׃
אַל־תְּהִי חָכָם בְּעֵינֶיךָ יְרָא
אֶת־יְהוָה וְסוּר מֵרָע׃
רִפְאוּת תְּהִי לְשָׁרֶּךָ וְשִׁקּוּי
לְעַצְמוֺתֶיךָ׃
כַּבֵּד אֶת־יְהוָה מֵהוֺנֶךָ וּמֵרֵאשִׁית
כָּל־תְּבוּאָתֶךָ׃
וְיִמָּלְאוּ אֲסָמֶיךָ שָׂבָע וְתִירוֺשׁ
יְקָבֶיךָ יִפְרֹצוּ׃ ף
מוּסַר יְהוָה בְּנִי אַל־תִּמְאָס
וְאַל־תָּקֹץ בְּתוֺכַחְתּוֺ׃
כִּי אֶת אֲשֶׁר יֶאֱהַב יְהוָה יֺוכִיחַ
וּכְאָב אֶת־בֵּן יִרְצֶה׃
אַשְׁרֵי אָדָם מָצָא חָכְמָה וְאָדָם
יָפִיק תְּבוּנָה׃
כִּי טוֺב סַחְרָהּ מִסְּחַר־כָּסֶף
וּמֵחָרוּץ תְּבוּאָתָהּ׃
יְקָרָה הִיא 1 מִפְּנִיִּים 2 מִפְּנִינִים
וְכָל־חֲפָצֶיךָ לֹא יִשְׁווּ־בָהּ׃
אֹרֶך יָמִים בִּימִינָהּ בִּשְׂמֹאולָהּ
עֹשֶׁר וְכָבוֺד׃
דְּרָכֶיהָ דַרְכֵי־נֺעַם וְכָל־נְתִיבוֺתֶיהָ
שָׁלוֺם׃
עֵצ־חַיִּים הִיא לַמַּחֲזִיקִים
בָּהּ וְתֹמְכֶיהָ מְאֻשָּׁר׃ ף
יְהוָה בְּחָכְמָה יָסַד־אָרֶץ כּוֺנֵן
שָׁמַיִם בִּתְבוּנָה׃
בְּדַעְתּוֺ תְּהוֺמוֺת נִבְקָעוּ וּשְׁחָקִים
יִרְעֲפוּ־טָל׃
בְּנִי אַל־יָלֻזוּ מֵעֵינֶיךָ נְצֹר
תֻּשִׁיָּה וּמְזִמָּה׃
וְיִהְיוּ חַיִּים לְנַפְשֶׁךָ וְחֵן
לְגַרְגְּרֹתֶיךָ׃
אָז תֵּלֵך לָבֶטַח דַּרְכֶּךָ וְרַגְלְךָ
לֹא תִגֺּוף׃
אִמ־תִּשְׁכַּב לֹא־תִפְחָד וְשָׁכַבְתָּ
וְעָרְבָה שְׁנָתֶךָ׃
אַל־תִּירָא מִפַּחַד פִּתְאֹם וּמִשֹּׁאַת
רְשָׁעִים כִּי תָבֹא׃
כִּי־יְהוָה יִהְיֶה בְכִסְלֶךָ וְשָׁמַר
רַגְלְךָ מִלָּכֶד׃
אַל־תִּמְנַע־טוֺב מִבְּעָלָיו בִּהְיֺות
לְאֵל 1 יָדֶיךָ 2 יָדְךָ לַעֲשׂוֺת׃
אַל־תֹּאמַר 1 לְרֵעֶיךָ 2 לְרֵעֲךָ לֵך
וָשׁוּב וּמָחָר אֶתֵּן וְיֵשׁ אִתָּך׃
אַל־תַּחֲרֹשׁ עַל־רֵעֲךָ רָעָה וְהוּא־יֺושֵׁב
לָבֶטַח אִתָּך׃
אַל־תָּרוֺב 2 תָּרִיב עִמ־אָדָם חִנָּם
אִמ־לֹא גְמָלְךָ רָעָה׃
אַל־תְּקַנֵּא בְּאִישׁ חָמָס וְאַל־תִּבְחַר
בְּכָל־דְּרָכָיו׃
כִּי תוֺעֲבַת יְהוָה נָלוֺז וְאֶת־יְשָׁרִים
סוֺדוֺ׃
מְאֵרַת יְהוָה בְּבֵית רָשָׁע וּנְוֵה
צַדִּיקִים יְבָרֵך׃
אִמ־לַלֵּצִים הוּא־יָלִיץ 1 וְלַעֲנִיִּים 2 וְלַעֲנָוִים
יִתֶּנ־חֵן׃
כָּבוֺד חֲכָמִים יִנְחָלוּ וּכְסִילִים
מֵרִים קָלוֺן׃ ף