Gen 18

Teljes szövegű keresés

Gen 18
Gen 18.1
וַיֵּרָא אֵלָיו יְהוָה בְּאֵלֹנֵי
מַמְרֵא וְהוּא יֺשֵׁב פֶּתַח־הָאֹהֶל
כְּחֹם הַיֺּום׃
Gen 18.2
וַיִּשָּׂא עֵינָיו וַיַּרְא וְהִנֵּה
שְׁלֹשָׁה אֲנָשִׁים נִצָּבִים עָלָיו
וַיַּרְא וַיָּרָץ לִקְרָאתָם מִפֶּתַח
הָאֹהֶל וַיִּשְׁתַּחוּ אָרְצָה׃
Gen 18.3
וַיֺּאמַר אֲדֹנָי אִמ־נָא מָצָאתִי
חֵן בְּעֵינֶיךָ אַל־נָא תַעֲבֹר
מֵעַל עַבְדֶּךָ׃
Gen 18.4
יֻקַּח־נָא מְעַט־מַיִם וְרַחֲצוּ
רַגְלֵיכֶם וְהִשָּׁעֲנוּ תַּחַת הָעֵץ׃
Gen 18.5
וְאֶקְחָה פַת־לֶחֶם וְסַעֲדוּ לִבְּכֶם
אַחַר תַּעֲבֹרוּ כִּי־עַל־כֵּן עֲבַרְתֶּם
עַל־עַבְדְּכֶם וַיֺּאמְרוּ כֵּן תַּעֲשֶׂה
כַּאֲשֶׁר דִּבַּתָּ׃
Gen 18.6
וַיְמַהֵר אַבְרָהָם הָאֹהֱלָה אֶל־שָׂרָה
וַיֺּאמֶר מַהֲרִי שְׁלֹשׁ סְאִים
קֶמַח סֹלֶת לוּשִׁי וַעֲשִׂי עֻגֺות׃
Gen 18.7
וְאֶל־הַבָּקָר רָץ אַבְרָהָם וַיִּקַּח
בֶּנ־בָּקָר רַך וָטוֺב וַיִּתֵּן אֶל־הַנַּעַר
וַיְמַהֵר לַעֲשׂוֺת אֹתוֺ׃
Gen 18.8
וַיִּקַּח חֶמְאָה וְחָלָב וּבֶנ־הַבָּקָר
אֲשֶׁר עָשָׂה וַיִּתֵּן לִפְנֵיהֶם וְהוּא־עֹמֵד
עֲלֵיהֶם תַּחַת הָעֵץ וַיֺּאכֵלוּ׃
Gen 18.9
וַיֺּאמְרוּ אֵלָיו אַיֵּה שָׂרָה אִשְׁתֶּךָ
וַיֺּאמֶר הִנֵּה בָאֹהֶל׃
Gen 18.10
וַיֺּאמֶר שׁוֺב אָשׁוּב אֵלֶיךָ כָּעֵת
חַיָּה וְהִנֵּה־בֵן לְשָׂרָה אִשְׁתֶּךָ
וְשָׂרָה שֹׁמַעַת פֶּתַח הָאֹהֶל וְהוּא
אַחֲרָיו׃
Gen 18.11
וְאַבְרָהָם וְשָׂרָה זְקֵנִים בָּאִים
בַּיָּמִים חָדַל לִהְיֺות לְשָׂרָה
אֹרַח כַּנָּשִׁים׃
Gen 18.12
וַתִּצְחַק שָׂרָה בְּקִרְבָּהּ לֵאמֹר
אַחֲרֵי בְלֹתִי הָיְתָה־לִּי עֶדְנָה
וַאדֹנִי זָקֵן׃
Gen 18.13
וַיֺּאמֶר יְהוָה אֶל־אַבְרָהָם לָמָּה
זֶּה צָחֲקָה שָׂרָה לֵאמֹר הַאַף
אֻמְנָם אֵלֵד וַאֲנִי זָקַנְתִּי׃
Gen 18.14
הֲיִפָּלֵא מֵיְהוָה דָּבָר לַמּוֺעֵד
אָשׁוּב אֵלֶיךָ כָּעֵת חַיָּה וּלְשָׂרָה
בֵן׃
Gen 18.15
וַתְּכַחֵשׁ שָׂרָה לֵאמֹר לֹא צָחַקְתִּי
כִּי יָרֵאָה וַיֺּאמֶר לֹא כִּי
צָחָקְתְּ׃
Gen 18.16
וַיָּקֻמוּ מִשָּׁם הָאֲנָשִׁים וַיַּשְׁקִפוּ
עַל־פְּנֵי סְדֹם וְאַבְרָהָם הֹלֵך
עִמָּם לְשַׁלְּחָם׃
Gen 18.17
וַיהֹוָה אָמָר הַמְכַסֶּה אֲנִי מֵאַבְרָהָם
אֲשֶׁר אֲנִי עֹשֶׂה׃
Gen 18.18
וְאַבְרָהָם הָיֺו יִהְיֶה לְגֺוי
גָּדוֺל וְעָצוּם וְנִבְרְכוּ בוֺ
כֹּל גֺּויֵי הָאָרֶץ׃
Gen 18.19
כִּי יְדַעְתִּיו לְמַעַן אֲשֶׁר יְצַוֶּה
אֶת־בָּנָיו וְאֶת־בֵּיתוֺ אַחֲרָיו
וְשָׁמְרוּ דֶּרֶך יְהוָה לַעֲשׂוֺת
צְדָקָה וּמִשְׁפָּט לְמַעַן הָבִי יְהוָה
עַל־אַבְרָהָם אֵת אֲשֶׁר־דִּבֶּר עָלָיו׃
Gen 18.20
וַיֺּאמֶר יְהוָה זַעֲקַת סְדֹם
וַעֲמֹרָה כִּי־רָבָּה וְחַטָּאתָם כִּי
כָבְדָה מְאֹד׃
Gen 18.21
אֵרֲדָה־נָּא וְאֶרְאֶה הַכְּצַעֲקָתָהּ
הַבָּאָה אֵלַי עָשׂוּ כָּלָה וְאִמ־לֹא
אֵדָעָה׃
Gen 18.22
וַיִּפְנוּ מִשָּׁם הָאֲנָשִׁים וַיֵּלְכוּ
סְדֹמָה וְאַבְרָהָם עוֺדֶנּוּ עֹמֵד
לִפְנֵי יְהוָה׃
Gen 18.23
וַיִּגַּשׁ אַבְרָהָם וַיֺּאמַר הַאַף
תִּסְפֶּה צַדִּיק עִמ־רָשָׁע׃
Gen 18.24
אוּלַי יֵשׁ חֲמִשִּׁים צַדִּיקִם
בְּתוֺך הָעִיר הַאַף תִּסְפֶּה וְלֹא־תִשָּׂא
לַמָּקוֺם לְמַעַן חֲמִשִּׁים הַצַּדִּיקִם
אֲשֶׁר בְּקִרְבָּהּ׃
Gen 18.25
חָלִלָה לְּךָ מֵעֲשֹׂת כַּדָּבָר הַזֶּה
לְהָמִית צַדִּיק עִמ־רָשָׁע וְהָיָה
כַצַּדִּיק כָּרָשָׁע חָלִלָה לָּך הֲשֹׁפֵט
כָּל־הָאָרֶץ לֹא יַעֲה מִשְׁפָּט׃
Gen 18.26
וַיֺּאמֶר יְהוָה אִמ־אֶמְצָא בִסְדֹם
חֲמִשִּׁים צַדִּיקִם בְּתוֺך הָעִיר
וְנָשָׂאתִי לְכָל־הַמָּקוֺם בַּעֲבוּרָם׃
Gen 18.27
וַיַּעַן אַבְרָהָם וַיֺּאמַר הִנֵּה־נָא
הוֺאַלְתִּי לְדַבֵּר אֶל־אֲדֹנָי וְאָנֺכִי
עָפָר וָאֵפֶר׃
Gen 18.28
אוּלַי יַחְסְרוּן חֲמִשִּׁים הַצַּדִּיקִם
חֲמִשָּׁה הֲתַשְׁחִית בַּחֲמִשָּׁה אֶת־כָּל־הָעִיר
וַיֺּאמֶר לֹא אַשְׁחִית אִמ־אֶמְצָא
שָׁם אַרְבָּעִים וַחֲמִשָּׁה׃
Gen 18.29
וַיֺּסֶף עוֺד לְדַבֵּר אֵלָיו וַיֺּאמַר
אוּלַי יִמָּצְאוּן שָׁם אַרְבָּעִים
וַיֺּאמֶר לֹא אֶעֱשֶׂה בַּעֲבוּר
הָאַרְבָּעִים׃
Gen 18.30
וַיֺּאמֶר אַל־נָא יִחַר לַאדֹנָי
וַאֲדַבֵּרָה אוּלַי יִמָּצְאוּן שָׁם
שְׁלֹשִׁים וַיֺּאמֶר לֹא אֶעֱשֶׂה אִמ־אֶמְצָא
שָׁם שְׁלֹשִׁים׃
Gen 18.31
וַיֺּאמֶר הִנֵּה־נָא הוֺאַלְתִּי לְדַבֵּר
אֶל־אֲדֹנָי אוּלַי יִמָּצְאוּן שָׁם
עֶשְׂרִים וַיֺּאמֶר לֹא אַשְׁחִית
בַּעֲבוּר הָעֶשְׂרִים׃
Gen 18.32
וַיֺּאמֶר אַל־נָא יִחַר לַאדֹנָי
וַאֲדַבְּרָה אַכְ־הַפַּעַם אוּלַי יִמָּצְאוּן
שָׁם עֲשָׂרָה וַיֺּאמֶר לֹא אַשְׁחִית
בַּעֲבוּר הָעֲשָׂרָה׃
Gen 18.33
וַיֵּלֶך יְהוָה כַּאֲשֶׁר כִּלָּה לְדַבֵּר
אֶל־אַבְרָהָם וְאַבְרָהָם שָׁב לִמְקֹמוֺ׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages