Exo 23

Teljes szövegű keresés

Exo 23
Exo 23.1
לֹא תִשָּׂא שֵׁמַע שָׁוְא אַל־תָּשֶׁת
יָדְךָ עִמ־רָשָׁע לִהְיֺת עֵד חָמָס׃
ס
Exo 23.2
לֹא־תִהְיֶה אַחֲרֵי־רַבִּים לְרָעֹת
וְלֹא־תַעֲנֶה עַל־רִב לִנְטֹת
אַחֲרֵי רַבִּים לְהַטֹּת׃
Exo 23.3
וְדָל לֹא תֶהְדַּר בְּרִיבוֺ׃ ס
Exo 23.4
כִּי תִפְגַּע שׁוֺר אֹיִבְךָ אוֺ חֲמֹרוֺ
תֹּעֶה הָשֵׁב תְּשִׁיבֶנּוּ לוֺ׃ ס
Exo 23.5
כִּי־תִרְאֶה חֲמוֺר שֹׂנַאֲךָ רֹבֵץ
תַּחַת מַשָּׂאוֺ וְחָדַלְתָּ מֵעֲזֺב לוֺ
עָזֺב תַּעֲזֺב עִמּוֺ׃ ס
Exo 23.6
לֹא תַטֶּה מִשְׁפַּט אֶבְיֺנְךָ בְּרִיבוֺ׃
Exo 23.7
מִדְּבַר־שֶׁקֶר תִּרְחָק וְנָקִי וְצַדִּיק
אַל־תַּהֲרֹג כִּי לֹא־אַצְדִּיק רָשָׁע׃
Exo 23.8
וְשֹׁחַד לֹא תִקָּח כִּי הַשֹּׁחַד
יְעַוֵּר פִּקְחִים וִיסַלֵּף דִּבְרֵי
צַדִּיקִים׃
Exo 23.9
וְגֵר לֹא תִלְחָץ וְאַתֶּם יְדַעְתֶּם
אֶת־נֶפֶשׁ הַגֵּר כִּי־גֵרִים הֱיִיתֶם
בְּאֶרֶץ מִצְרָיִם׃
Exo 23.10
וְשֵׁשׁ שָׁנִים תִּזְרַע אֶת־אַרְצֶךָ
וְאָסַפְתָּ אֶת־תְּבוּאָתָהּ׃
Exo 23.11
וְהַשְּׁבִיעִת תִּשְׁמְטֶנָּה וּנְטַשְׁתָּהּ
וְאָכְלוּ אֶבְיֺנֵי עַמֶּךָ וְיִתְרָם
תֹּאכַל חַיַּת הַשָּׂדֶה כֵּנ־תַּעֲשֶׂה
לְכַרְמְךָ לְזֵיתֶךָ׃
Exo 23.12
שֵׁשֶׁת יָמִים תַּעֲשֶׂה מַעֲשֶׂיךָ וּבַיֺּום
הַשְּׁבִיעִי תִּשְׁבֹּת לְמַעַן יָנוּחַ
שׁוֺרְךָ וַחֲמֹרֶךָ וְיִנָּפֵשׁ בֶּנ־אֲמָתְךָ
וְהַגֵּר׃
Exo 23.13
וּבְכֹל אֲשֶׁר־אָמַרְתִּי אֲלֵיכֶם
תִּשָּׁמֵרוּ וְשֵׁם אֱלֹהִים אֲחֵרִים
לֹא תַזְכִּירוּ לֹא יִשָּׁמַע עַל־פִּיךָ׃
Exo 23.14
שָׁלֹשׁ רְגָלִים תָּחֹג לִי בַּשָּׁנָה׃
Exo 23.15
אֶת־חַג הַמַּצּוֺת תִּשְׁמֹר שִׁבְעַת
יָמִים תֹּאכַל מַצּוֺת כַּאֲשֶׁר צִוִּיתִךָ
לְמוֺעֵד חֹדֶשׁ הָאָבִיב כִּי־בוֺ
יָצָאתָ מִמִּצְרָיִם וְלֹא־יֵאוּ
פָנַי רֵיקָם׃
Exo 23.16
וְחַג הַקָּצִיר בִּכּוּרֵי מַעֲשֶׂיךָ
אֲשֶׁר תִּזְרַע בַּשָּׂדֶה וְחַג הָאָסִף
בְּצֵאת הַשָּׁנָה בְּאָסְפְּךָ אֶת־מַעֲשֶׂיךָ
מִנ־הַשָּׂדֶה׃
Exo 23.17
שָׁלֹשׁ פְּעָמִים בַּשָּׁנָה יֵרָאֶה כָּל־זְכוּרְךָ
אֶל־פְּנֵי הָאָדֹן יְהוָה׃
Exo 23.18
לֹא־תִזְבַּח עַל־חָמֵץ דַּמ־זִבְחִי
וְלֹא־יָלִין חֵלֶב־חַגִּי עַד־בֹּקֶר׃
Exo 23.19
רֵאשִׁית בִּכּוּרֵי אַדְמָתְךָ תָּבִיא
בֵּית יְהוָה אֱלֹהֶיךָ לֹא־תְבַשֵּׁל
גְּדִי בַּחֲלֵב אִמּוֺ׃ ס
Exo 23.20
הִנֵּה אָנֺכִי שֹׁלֵחַ מַלְאָך לְפָנֶיךָ
לִשְׁמָרְךָ בַּדָּרֶך וְלַהֲבִיאֲךָ אֶל־הַמָּקוֺם
אֲשֶׁר הֲכִנֺתִי׃
Exo 23.21
הִשָּׁמֶר מִפָּנָיו וּשְׁמַע בְּקֹלוֺ
אַל־תַּמֵּר בּוֺ כִּי לֹא יִשָּׂא
לְפִשְׁעֲכֶם כִּי שְׁמִי בְּקִרְבּוֺ׃
Exo 23.22
כִּי אִמ־שָׁמֹעַ תִּשְׁמַע בְּקֹלוֺ
וְעָשִׂיתָ כֹּל אֲשֶׁר אֲדַבֵּר וְאָיַבְתִּי
אֶת־אֹיְבֶיךָ וְצַרְתִּי אֶת־צֹרְרֶיךָ׃
Exo 23.23
כִּי־יֵלֵך מַלְאָכִי לְפָנֶיךָ וֶהֱבִיאֲךָ
אֶל־הָאֱמֹרִי וְהַחִתִּי וְהַפְּרִזִּי
וְהַכְּנַעֲנִי הַחִוִּי וְהַיְבוּסִי
וְהִכְחַדְתִּיו׃
Exo 23.24
לֹא־תִשְׁתַּחֲוֶה לֵאלֹהֵיהֶם וְלֹא
תָעָבְדֵם וְלֹא תַעֲשֶׂה כְּמַעֲשֵׂיהֶם
כִּי הָרֵס תְּהָרְסֵם וְשַׁבֵּר תְּשַׁבֵּר
מַצֵּבֹתֵיהֶם׃
Exo 23.25
וַעֲבַדְתֶּם אֵת יְהוָה אֱלֹהֵיכֶם
וּבֵרַך אֶת־לַחְמְךָ וְאֶת־מֵימֶיךָ
וַהֲסִרֹתִי מַחֲלָה מִקִּרְבֶּךָ׃
Exo 23.26
לֹא תִהְיֶה מְשַׁכֵּלָה וַעֲקָרָה
בְּאַרְצֶךָ אֶת־מִסְפַּר יָמֶיךָ אֲמַלֵּא׃
Exo 23.27
אֶת־אֵימָתִי אֲשַׁלַּח לְפָנֶיךָ וְהַמֹּתִי
אֶת־כָּל־הָעָם אֲשֶׁר תָּבֹא בָּהֶם
וְנָתַתִּי אֶת־כָּל־אֹיְבֶיךָ אֵלֶיךָ
עֹרֶף׃
Exo 23.28
וְשָׁלַחְתִּי אֶת־הַצִּרְעָה לְפָנֶיךָ
וְגֵרְשָׁה אֶת־הַחִוִּי אֶת־הַכְּנַעֲנִי
וְאֶת־הַחִתִּי מִלְּפָנֶיךָ׃
Exo 23.29
לֹא אֲגָרְשֶׁנּוּ מִפָּנֶיךָ בְּשָׁנָה
אֶחָת פֶּנ־תִּהְיֶה הָאָרֶץ שְׁמָמָה
וְרַבָּה עָלֶיךָ חַיַּת הַשָּׂדֶה׃
Exo 23.30
מְעַט מְעַט אֲגָרְשֶׁנּוּ מִפָּנֶיךָ
עַד אֲשֶׁר תִּפְרֶה וְנָחַלְתָּ אֶת־הָאָרֶץ׃
Exo 23.31
וְשַׁתִּי אֶת־גְּבֻלְךָ מִיַּמ־סוּף
וְעַד־יָם פְּלִשְׁתִּים וּמִמִּדְבָּר
עַד־הַנָּהָר כִּי אֶתֵּן בְּיֶדְכֶם
אֵת יֺשְׁבֵי הָאָרֶץ וְגֵרַשְׁתָּמוֺ
מִפָּנֶיךָ׃
Exo 23.32
לֹא־תִכְרֹת לָהֶם וְלֵאלֹהֵיהֶם
בְּרִית׃
Exo 23.33
לֹא יֵשְׁבוּ בְּאַרְצְךָ פֶּנ־יַחֲטִיאוּ
אֹתְךָ לִי כִּי תַעֲבֹד אֶת־אֱלֹהֵיהֶם
כִּי־יִהְיֶה לְךָ לְמוֺקֵשׁ׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages