Num 16

Teljes szövegű keresés

Num 16
Num 16.1
וַיִּקַּח קֹרַח בֶּנ־יִצְהָר בֶּנ־קְהָת
בֶּנ־לֵוִי וְדָתָן וַאֲבִירָם בְּנֵי
אֱלִיאָב וְאוֺן בֶּנ־פֶּלֶת בְּנֵי
רְאוּבֵן׃
Num 16.2
וַיָּקֻמוּ לִפְנֵי מֹשֶׁה וַאֲנָשִׁים
מִבְּנֵי־יִשְׂרָאֵל חֲמִשִּׁים וּמָאתָיִם
נְשִׂיאֵי עֵדָה קְרִאֵי מוֺעֵד אַנְשֵׁי־שֵׁם׃
Num 16.3
וַיִּקָּהֲלוּ עַל־מֹשֶׁה וְעַל־אַהֲרֹן
וַיֺּאמְרוּ אֲלֵהֶם רַב־לָכֶם כִּי
כָל־הָעֵדָה כֻּלָּם קְדֹשִׁים וּבְתוֺכָם
יְהוָה וּמַדּוּעַ תִּתְנַשְּׂאוּ עַל־קְהַל
יְהוָה׃
Num 16.4
וַיִּשְׁמַע מֹשֶׁה וַיִּפֹּל עַל־פָּנָיו׃
Num 16.5
וַיְדַבֵּר אֶל־קֹרַח וְאֶל־כָּל־עֲדָתוֺ
לֵאמֹר בֹּקֶר וְיֺדַע יְהוָה אֶת־אֲשֶׁר־לוֺ
וְאֶת־הַקָּדוֺשׁ וְהִקְרִיב אֵלָיו
וְאֵת אֲשֶׁר יִבְחַר־בּוֺ יַקְרִיב
אֵלָיו׃
Num 16.6
זֺאת עֲשׂוּ קְחוּ־לָכֶם מַחְתּוֺת
קֹרַח וְכָל־עֲדָתוֺ׃
Num 16.7
וּתְנוּ בָהֵן אֵשׁ וְשִׂימוּ עֲלֵיהֶן
קְטֹרֶת לִפְנֵי יְהוָה מָחָר וְהָיָה
הָאִישׁ אֲשֶׁר־יִבְחַר יְהוָה הוּא
הַקָּדוֺשׁ רַב־לָכֶם בְּנֵי לֵוִ׃
Num 16.8
וַיֺּאמֶר מֹשֶׁה אֶל־קֹרַח שִׁמְעוּ־נָא
בְּנֵי לֵוִי׃
Num 16.9
הַמְעַט מִכֶּם כִּי־הִבְדִּיל אֱלֹהֵי
יִשְׂרָאֵל אֶתְכֶם מֵעֲדַת יִשְׂרָאֵל
לְהַקְרִיב אֶתְכֶם אֵלָיו לַעֲבֹד
אֶת־עֲבֹדַת מִשְׁכַּן יְהוָה וְלַעֲמֹד
לִפְנֵי הָעֵדָה לְשָׁרְתָם׃
Num 16.10
וַיַּקְרֵב אֹתְךָ וְאֶת־כָּל־אַחֶיךָ
בְנֵי־לֵוִי אִתָּך וּבִקַּשְׁתֶּם גַּמ־כְּהֻנָּה׃
Num 16.11
לָכֵן אַתָּה וְכָל־עֲדָתְךָ הַנֺּעָדִים
עַל־יְהוָה וְאַהֲרֹן מַה־הוּא
כִּי 1 תִלּוֺנוּ 2 תַלִּינוּ עָלָיו׃
Num 16.12
וַיִּשְׁלַח מֹשֶׁה לִקְרֹא לְדָתָן וְלַאֲבִירָם
בְּנֵי אֱלִיאָב וַיֺּאמְרוּ לֹא נַעֲלֶה׃
Num 16.13
הַמְעַט כִּי הֶעֱלִיתָנוּ מֵאֶרֶץ
זָבַת חָלָב וּדְבַשׁ לַהֲמִיתֵנוּ
בַּמִּדְבָּר כִּי־תִשְׂתָּרֵר עָלֵינוּ
גַּמ־הִשְׂתָּרֵר׃
Num 16.14
אַף לֹא אֶל־אֶרֶץ זָבַת חָלָב
וּדְבַשׁ הֲבִיאֹתָנוּ וַתִּתֶּנ־לָנוּ
נַחֲלַת שָׂדֶה וָכָרֶם הַעֵינֵי
הָאֲנָשִׁים הָהֵם תְּנַקֵּר לֹא נַעֲלֶה
Num 16.15
וַיִּחַר לְמֹשֶׁה מְאֹד וַיֺּאמֶר
אֶל־יְהוָה אַל־תֵּפֶן אֶל־מִנְחָתָם
לֹא חֲמוֺר אֶחָד מֵהֶם נָשָׂאתִי
וְלֹא הֲרֵעֹתִי אֶת־אַחַד מֵהֶם׃
Num 16.16
וַיֺּאמֶר מֹשֶׁה אֶל־קֹרַח אַתָּה
וְכָל־עֲדָתְךָ הֱיוּ לִפְנֵי יְהוָה
אַתָּה וָהֵם וְאַהֲרֹן מָחָר׃
Num 16.17
וּקְחוּ אִישׁ מַחְתָּתוֺ וּנְתַתֶּם
עֲלֵיהֶם קְטֹרֶת וְהִקְרַבְתֶּם לִפְנֵי
יְהוָה אִישׁ מַחְתָּתוֺ חֲמִשִּׁים
וּמָאתַיִם מַחְתֹּת וְאַתָּה וְאַרֹן
אִישׁ מַחְתָּתוֺ׃
Num 16.18
וַיִּקְחוּ אִישׁ מַחְתָּתוֺ וַיִּתְּנוּ
עֲלֵיהֶם אֵשׁ וַיָּשִׂימוּ עֲלֵיהֶם
קְטֹרֶת וַיַּעַמְדוּ פֶּתַח אֹהֶל
מוֺעֵד וּמֹשֶׁה וְאַהֲרֹן׃
Num 16.19
וַיַּקְהֵל עֲלֵיהֶם קֹרַח אֶת־כָּל־הָעֵדָה
אֶל־פֶּתַח אֹהֶל מוֺעֵד וַיֵּרָא
כְבוֺד־יְהוָה אֶל־כָּל־הָעֵדָה׃
ף
Num 16.20
וַיְדַבֵּר יְהוָה אֶל־מֹשֶׁה וְאֶל־אַהֲרֹן
לֵאמֹר׃
Num 16.21
הִבָּדְלוּ מִתּוֺך הָעֵדָה הַזֺּאת
וַאַכַלֶּה אֹתָם כְּרָגַע׃
Num 16.22
וַיִּפְּלוּ עַל־פְּנֵיהֶם וַיֺּאמְרוּ
אֵל אֱלֹהֵי הָרוּחֹת לְכָל־בָּשָׂר
הָאִישׁ אֶחָד יֶחֱטָא וְעַל כָּל־הָעֵדָה
תִּקְצֹף׃ ף
Num 16.23
וַיְדַבֵּר יְהוָה אֶל־מֹשֶׁה לֵּאמֹר׃
Num 16.24
דַּבֵּר אֶל־הָעֵדָה לֵאמֹר הֵעָלוּ
מִסָּבִיב לְמִשְׁכַּנ־קֹרַח דָּתָן וַאֲבִירָם׃
Num 16.25
וַיָּקָם מֹשֶׁה וַיֵּלֶך אֶל־דָּתָן
וַאֲבִירָם וַיֵּלְכוּ אַחֲרָיו זִקְנֵי
יִשְׂרָאֵל׃
Num 16.26
וַיְדַבֵּר אֶל־הָעֵדָה לֵאמֹר סוּרוּ
נָא מֵעַל אָהֳלֵי הָאֲנָשִׁים הָרְשָׁעִים
הָאֵלֶּה וְאַל־תִּגְּעוּ בְּכָל־אֲשֶׁר
לָהֶם פֶּנ־תִּסָּפוּ בְּכָלחַטֹּאתָם׃
Num 16.27
וַיֵּעָלוּ מֵעַל מִשְׁכַּנ־קֹרֶח דָּתָן
וַאֲבִירָם מִסָּבִיב וְדָתָן וַאֲבִירָם
יָצְאוּ נִצָּבִים פֶּתַח אָהֳלֵיהֶם
וּנְשֵׁיהֶם וּבְנֵיהֶם וְטַפָּם׃
Num 16.28
וַיֺּאמֶר מֹשֶׁה בְּזֺאת תֵּדְעוּן
כִּי־יְהוָה שְׁלָחַנִי לַעֲשׂוֺת
אֵת כָּל־הַמַּעֲשִׂים הָאֵלֶּה כִּי־לֹא
מִלִּבִּי׃
Num 16.29
אִמ־כְּמוֺת כָּל־הָאָדָם יְמֻתוּן
אֵלֶּה וּפְקֻדַּת כָּל־הָאָדָם יִפָּקֵד
עֲלֵיהֶם לֹא יְהוָה שְׁלָחָנִי׃
Num 16.30
וְאִמ־בְּרִיאָה יִבְרָא יְהוָה וּפָצְתָה
הָאֲדָמָה אֶת־פִּיהָ וּבָלְעָה אֹתָם
וְאֶת־כָּל־אֲשֶׁר לָהֶם וְיָרְדוּ
חַיִּים שְׁאֹלָה וִידַעְתֶּם יּ נִאֲצוּ
הָאֲנָשִׁים הָאֵלֶּה אֶת־יְהוָה׃
Num 16.31
וַיְהִי כְּכַלֹּתוֺ לְדַבֵּר אֵת כָּל־הַדְּבָרִים
הָאֵלֶּה וַתִּבָּקַע הָאֲדָמָה אֲשֶׁר
תַּחְתֵּיהֶם׃
Num 16.32
וַתִּפְתַּח הָאָרֶץ אֶת־פִּיהָ וַתִּבְלַע
אֹתָם וְאֶת־בָּתֵּיהֶם וְאֵת כָּל־הָאָדָם
אֲשֶׁר לְקֹרַח וְאֵת כָּל־הָרֲכוּשׁ׃
Num 16.33
וַיֵּרְדוּ הֵם וְכָל־אֲשֶׁר לָהֶם
חַיִּים שְׁאֹלָה וַתְּכַס עֲלֵיהֶם
הָאָרֶץ וַיֺּאבְדוּ מִתּוֺך הַקָּהָל׃
Num 16.34
וְכָל־יִשְׂרָאֵל אֲשֶׁר סְבִיבֹתֵיהֶם
נָסוּ לְקֹלָם כִּי אָמְרוּ פֶּנ־תִּבְלָעֵנוּ
הָאָרֶץ׃
Num 16.35
וְאֵשׁ יָצְאָה מֵאֵת יְהוָה וַתֹּאכַל
אֵת הַחֲמִשִּׁים וּמָאתַיִם אִישׁ
מַקְרִיבֵי הַקְּטֹרֶת׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages