Deut 18

Teljes szövegű keresés

Deut 18
Deut 18.1
לֹא־יִהְיֶה לַכֹּהֲנִים הַלְוִיִּם
כָּל־שֵׁבֶט לֵוִי חֵלֶק וְנַחֲלָה
עִמ־יִשְׂרָאֵל אִשֵּׁי יְהוָה וְנַחֲלָתוֺ
יֺאכֵלוּן׃
Deut 18.2
וְנַחֲלָה לֹא־יִהְיֶה־לּוֺ בְּקֶרֶב
אֶחָיו יְהוָה הוּא נַחֲלָתוֺ כַּאֲשֶׁר
דִּבֶּר־לוֺ׃ ס
Deut 18.3
וְזֶה יִהְיֶה מִשְׁפַּט הַכֹּהֲנִים
מֵאֵת הָעָם מֵאֵת זֺבְחֵי הַזֶּבַח
אִמ־שׁוֺר אִמ־שֶׂה וְנָתַן לַכֹּהֵן
הַזְּרֹעַ וְהַלְּחָיַיִם וְהַקֵּבָה׃
Deut 18.4
רֵאשִׁית דְּגָנְךָ תִּירֹשְׁךָ וְיִצְהָרֶךָ
וְרֵאשִׁית גֵּז צֹאנְךָ תִּתֶּנ־לּוֺ׃ְ
Deut 18.5
כִּי בוֺ בָּחַר יְהוָה אֱלֹהֶיךָ
מִכָּל־שְׁבָטֶיךָ לַעֲמֹד לְשָׁרֵת
בְּשֵׁמ־יְהוָה הוּא וּבָנָיו כָּל־הַיָּמִים׃
ס
Deut 18.6
וְכִי־יָבֹא הַלֵּוִי מֵאַחַד שְׁעָרֶיךָ
מִכָּל־יִשְׂרָאֵל אֲשֶׁר־הוּא גָּר
שָׁם וּבָא בְּכָל־אַוַּת נַפְשׁוֺ
אֶל־הַמָּקוֺם אֲשֶׁר־יִבְחַר יְהוָה׃
Deut 18.7
וְשֵׁרֵת בְּשֵׁם יְהוָה אֱלֹהָיו
כְּכָל־אֶחָיו הַלְוִיִּם הָעֹמְדִים
שָׁם לִפְנֵי יְהוָה׃
Deut 18.8
חֵלֶק כְּחֵלֶק יֺאכֵלוּ לְבַד מִמְכָּרָיו
עַל־הָאָבוֺת׃ ס
Deut 18.9
כִּי אַתָּה בָּא אֶל־הָאָרֶץ אֲשֶׁר־יְהוָה
אֱלֹהֶיךָ נֺתֵן לָך לֹא־תִלְמַד
לַעֲשׂוֺת כְּתוֺעֲבֹת הַגֺּויִם הָהֵם׃
Deut 18.10
לֹא־יִמָּצֵא בְךָ מַעֲבִיר בְּנֺו־וּבִתּוֺ
בָּאֵשׁ קֹסֵם קְסָמִים מְעוֺנֵן וּמְנַחֵשׁ
וּמְכַשֵּׁף׃
Deut 18.11
וְחֹבֵר חָבֶר וְשֹׁאֵל אוֺב וְיִדְּעֹנִי
וְדֹרֵשׁ אֶל־הַמֵּתִים׃
Deut 18.12
כִּי־תוֺעֲבַת יְהוָה כָּל־עֹשֵׂה
אֵלֶּה וּבִגְלַל הַתּוֺעֵבֹת הָאֵלֶּה
יְהוָה אֱלֹהֶיךָ מוֺרִישׁ אוֺתָם
מִפָּנֶיךָ׃
Deut 18.13
תָּמִים תִּהְיֶה עִם יְהוָה אֱלֹהֶיךָ׃
ס
Deut 18.14
כִּי הַגֺּויִם הָאֵלֶּה אֲשֶׁר אַתָּה
יֺורֵשׁ אוֺתָם אֶל־מְעֹנְנִים וְאֶל־קֹסְמִים
יִשְׁמָעוּ וְאַתָּה לֹא כֵן נָתַן
לְךָ יְהוָה אֱלֹהֶיךָ׃
Deut 18.15
נָבִיא מִקִּרְבְּךָ מֵאַחֶיךָ כָּמֹנִי
יָקִים לְךָ יְהוָה אֱלֹהֶיךָ אֵלָיו
תִּשְׁמָעוּן׃
Deut 18.16
כְּכֹל אֲשֶׁר־שָׁאַלְתָּ מֵעִם יְהוָה
אֱלֹהֶיךָ בְּחֹרֵב בְּיֺום הַקָּהָל
לֵאמֹר לֹא אֹסֵף לִשְׁמֹעַ אֶת־קוֺל
יְהוָה אֱלֹהָי וְאֶת־הָאֵשׁ הַדֹלָה
הַזֺּאת לֹא־אֶרְאֶה עוֺד וְלֹא
אָמוּת׃
Deut 18.17
וַיֺּאמֶר יְהוָה אֵלָי הֵיטִיבוּ
אֲשֶׁר דִּבֵּרוּ׃
Deut 18.18
נָבִיא אָקִים לָהֶם מִקֶּרֶב אֲחֵיהֶם
כָּמוֺךָ וְנָתַתִּי דְבָרַי בְּפִיו
וְדִבֶּר אֲלֵיהֶם אֵת כָּל־אֲשֶׁר
אֲצַוֶּנּוּ׃
Deut 18.19
וְהָיָה הָאִישׁ אֲשֶׁר לֹא־יִשְׁמַע
אֶל־דְּבָרַי אֲשֶׁר יְדַבֵּר בִּשְׁמִי
אָנֺכִי אֶדְרֹשׁ מֵעִמּוֺ׃
Deut 18.20
אַך הַנָּבִיא אֲשֶׁר יָזִיד לְדַבֵּר
דָּבָר בִּשְׁמִי אֵת אֲשֶׁר לֹא־צִוִּיתִיו
לְדַבֵּר וַאֲשֶׁר יְדַבֵּר בְּשֵׁם אֱלֹהִים
אֲחֵרִים וּמֵת הַנָּבִיא הַהוּא׃
Deut 18.21
וְכִי תֹאמַר בִּלְבָבֶךָ אֵיכָה נֵדַע
אֶת־הַדָּבָר אֲשֶׁר לֹא־דִבְּרוֺ
יְהוָה׃
Deut 18.22
אֲשֶׁר יְדַבֵּר הַנָּבִיא בְּשֵׁם יְהוָה
וְלֹא־יִהְיֶה הַדָּבָר וְלֹא יָבוֺא
הוּא הַדָּבָר אֲשֶׁר לֹא־דִבְּרוֺ
יְהוָה בְּזָדוֺן דִּבְּרוֺ הַנָּבִיא
לֹא תָגוּר מִמֶּנּוּ׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages