Deut 21

Teljes szövegű keresés

Deut 21
Deut 21.1
כִּי־יִמָּצֵא חָלָל בָּאֲדָמָה אֲשֶׁר
יְהוָה אֱלֹהֶיךָ נֺתֵן לְךָ לְרִשְׁתָּהּ
נֺפֵל בַּשָּׂדֶה לֹא נֺודַע מִי הִכָּהוּ׃
Deut 21.2
וְיָצְאוּ זְקֵנֶיךָ וְשֹׁפְטֶיךָ וּמָדְדוּ
אֶל־הֶעָרִים אֲשֶׁר סְבִיבֹת הֶחָלָל׃
Deut 21.3
וְהָיָה הָעִיר הַקְּרֹבָה אֶל־הֶחָלָל
וְלָקְחוּ זִקְנֵי הָעִיר הַהִוא
עֶגְלַת בָּקָר אֲשֶׁר לֹא־עֻבַּד בָּהּ
אֲשֶׁר לֹא־מָשְׁכָה בְּעֹל׃
Deut 21.4
וְהוֺרִדוּ זִקְנֵי הָעִיר הַהִוא
אֶת־הָעֶגְלָה אֶל־נַחַל אֵיתָן
אֲשֶׁר לֹא־יֵעָבֵד בּוֺ וְלֹא יִזָּרֵעַ
וְעָרְפוּ־שָׁם אֶת־הָעֶגְלָה בַּנָּחַל׃
Deut 21.5
וְנִגְּשׁוּ הַכֹּהֲנִים בְּנֵי לֵוִי
כִּי בָם בָּחַר יְהוָה אֱלֹהֶיךָ
לְשָׁרְתוֺ וּלְבָרֵך בְּשֵׁם יְהוָה
וְעַל־פִּיהֶם יִהְיֶה כָּל־רִיב
וְל־נָגַע׃
Deut 21.6
וְכֹל זִקְנֵי הָעִיר הַהִוא הַקְּרֹבִים
אֶל־הֶחָלָל יִרְחֲצוּ אֶת־יְדֵיהֶם
עַל־הָעֶגְלָה הָעֲרוּפָה בַנָּחַל׃
Deut 21.7
וְעָנוּ וְאָמְרוּ יָדֵינוּ לֹא 1 שָׁפְכָה 2 שָׁפְכוּ
אֶת־הַדָּם הַזֶּה וְעֵינֵינוּ לֹא
רָאוּ׃
Deut 21.8
כַּפֵּר לְעַמְּךָ יִשְׂרָאֵל אֲשֶׁר־פָּדִיתָ
יְהוָה וְאַל־תִּתֵּן דָּם נָקִי בְּקֶרֶב
עַמְּךָ יִשְׂרָאֵל וְנִכַּפֵּר לָהֶם הַדָּם׃
Deut 21.9
וְאַתָּה תְּבַעֵר הַדָּם הַנָּקִי מִקִּרְבֶּךָ
כִּי־תַעֲשֶׂה הַיָּשָׁר בְּעֵינֵי יְהוָה׃
ס
Deut 21.10
כִּי־תֵצֵא לַמִּלְחָמָה עַל־אֹיְבֶיךָ
וּנְתָנֺו יְהוָה אֱלֹהֶיךָ בְּיָדֶךָ
וְשָׁבִיתָ שִׁבְיֺו׃
Deut 21.11
וְרָאִיתָ בַּשִּׁבְיָה אֵשֶׁת יְפַת־תֹּאַר
וְחָשַׁקְתָּ בָהּ וְלָקַחְתָּ לְךָ לְאִשָּׁה׃
Deut 21.12
וַהֲבֵאתָהּ אֶל־תּוֺך בֵּיתֶךָ וְגִלְּחָה
אֶת־רֹאשָׁהּ וְעָשְׂתָה אֶת־צִפָּרְנֶיהָ׃
Deut 21.13
וְהֵסִירָה אֶת־שִׂמְלַת שִׁבְיָהּ
מֵעָלֶיהָ וְיָשְׁבָה בְּבֵיתֶךָ וּבָכְתָה
אֶת־אָבִיהָ וְאֶת־אִמָּהּ יֶרַח
יָמִים וְאַחַר כֵּן תָּבוֺא אֵלֶי
וּבְעַלְתָּהּ וְהָיְתָה לְךָ לְאִשָּׁה׃
Deut 21.14
וְהָיָה אִמ־לֹא חָפַצְתָּ בָּהּ וְשִׁלַּחְתָּהּ
לְנַפְשָׁהּ וּמָכֹר לֹא־תִמְכְּרֶנָּה
בַּכָּסֶף לֹא־תִתְעַמֵּר בָּהּ תַּחַת
אֲשֶׁר עִנִּיתָהּ׃ ס
Deut 21.15
כִּי־תִהְיֶיןָ לְאִישׁ שְׁתֵּי נָשִׁים
הָאַחַת אֲהוּבָה וְהָאַחַת שְׂנוּאָה
וְיָלְדוּ־לוֺ בָנִים הָאֲהוּבָה
וְהַשְּׂנוּאָה וְהָיָה הַבֵּן הַבְּכוֺ
לַשְּׂנִיאָה׃
Deut 21.16
וְהָיָה בְּיֺום הַנְחִילוֺ אֶת־בָּנָיו
אֵת אֲשֶׁר־יִהְיֶה לוֺ לֹא יוּכַל
לְבַכֵּר אֶת־בֶּנ־הָאֲהוּבָה עַל־פְּנֵי
בֶנ־הַשְּׂנוּאָה הַבְּכֹר׃
Deut 21.17
כִּי אֶת־הַבְּכֹר בֶּנ־הַשְּׂנוּאָה
יַכִּיר לָתֶת לוֺ פִּי שְׁנַיִם
בְּכֹל אֲשֶׁר־יִמָּצֵא לוֺ כִּי־הוּא
רֵאשִׁית אֹנֺו לוֺ מִשְׁפַּט הַבְּכֹרָה׃
ס
Deut 21.18
כִּי־יִהְיֶה לְאִישׁ בֵּן סוֺרֵר
וּמוֺרֶה אֵינֶנּוּ שֹׁמֵעַ בְּקוֺל
אָבִיו וּבְקוֺל אִמּוֺ וְיִסְּרוּ
אֹתוֺ וְלֹא יִשְׁמַע אֲלֵיהֶם׃
Deut 21.19
וְתָפְשׂוּ בוֺ אָבִיו וְאִמּוֺ וְהוֺצִיאוּ
אֹתוֺ אֶל־זִקְנֵי עִירוֺ וְאֶל־שַׁעַר
מְקֹמוֺ׃
Deut 21.20
וְאָמְרוּ אֶל־זִקְנֵי עִירוֺ בְּנֵנוּ
זֶה סוֺרֵר וּמֹרֶה אֵינֶנּוּ שֹׁמֵעַ
בְּקֹלֵנוּ זֺולֵל וְסֹבֵא׃
Deut 21.21
וּרְגָמֻהוּ כָּל־אַנְשֵׁי עִירוֺ
בָאֲבָנִים וָמֵת וּבִעַרְתָּ הָרָע
מִקִּרְבֶּךָ וְכָל־יִשְׂרָאֵל יִשְׁמְעוּ
וְיִרָאוּ׃ ס
Deut 21.22
וְכִי־יִהְיֶה בְאִישׁ חֵטְא מִשְׁפַּט־מָוֶת
וְהוּמָת וְתָלִיתָ אֹתוֺ עַל־עֵץ׃
Deut 21.23
לֹא־תָלִין נִבְלָתוֺ עַל־הָעֵץ
כִּי־קָבוֺר תִּקְבְּרֶנּוּ בַּיֺּום הַהוּא
כִּי־קִלְלַת אֱלֹהִים תָּלוּי וְלֹא
תְטַמֵּא אֶת־אַדְמָתְךָ אֲשֶׁריְהוָה
אֱלֹהֶיךָ נֺתֵן לְךָ נַחֲלָה׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages