Deut 29

Teljes szövegű keresés

Deut 29
Deut 29.1
וַיִּקְרָא מֹשֶׁה אֶל־כָּל־יִשְׂרָאֵל
וַיֺּאמֶר אֲלֵהֶם אַתֶּם רְאִיתֶם
אֵת כָּל־אֲשֶׁר עָשָׂה יְהוָה לְעֵינֵיכֶם
בְּאֶרֶץ מִצְרַיִם לְפַרְעֹה וּלְל־עֲבָדָיו
וּלְכָל־אַרְצוֺ׃
Deut 29.2
הַמַּסּוֺת הַגְּדֹלֹת אֲשֶׁר רָאוּ עֵינֶיךָ
הָאֹתֹת וְהַמֹּפְתִים הַגְּדֹלִים
הָהֵם׃
Deut 29.3
וְלֹא־נָתַן יְהוָהְ לָכֶם לֵב לָדַעַת
וְעֵינַיִם לִרְאוֺת וְאָזְנַיִם
לִשְׁמֹעַ עַד הַיֺּום הַזֶּה׃
Deut 29.4
וָאוֺלֵך אֶתְכֶם אַרְבָּעִים שָׁנָה
בַּמִּדְבָּר לֹא־בָלוּ שַׂלְמֹתֵיכֶם
מֵעֲלֵיכֶם וְנַעַלְךָ לֹא־בָלְתָה
מֵעַל רַגְלֶךָ׃
Deut 29.5
לֶחֶם לֹא אֲכַלְתֶּם וְיַיִן וְשֵׁכָר
לֹא שְׁתִיתֶם לְמַעַן תֵּדְעוּ כִּי
אֲנִי יְהוָה אֱלֹהֵיכֶם׃
Deut 29.6
וַתָּבֹאוּ אֶל־הַמָּקוֺם הַזֶּה וַיֵּצֵא
סִיחֹן מֶלֶכְ־חֶשְׁבּוֺן וְעוֺג
מֶלֶכְ־הַבָּשָׁן לִקְרָאתֵנוּ לַמִּלְחָמָה
וַנַּכֵּם׃
Deut 29.7
וַנִּקַּח אֶת־אַרְצָם וַנִּתְּנָהּ לְנַחֲלָה
לָראוּבֵנִי וְלַגָּדִי וְלַחֲצִי שֵׁבֶט
הַמְנַשִּׁי׃
Deut 29.8
וּשְׁמַרְתֶּם אֶת־דִּבְרֵי הַבְּרִית
הַזֺּאת וַעֲשִׂיתֶם אֹתָם לְמַעַן
תַּשְׂכִּילוּ אֵת כָּל־אֲשֶׁר תַּעֲשׂוּן׃
ף
Deut 29.9
אַתֶּם נִצָּבִים הַיֺּום כֻּלְּכֶם
לִפְנֵי יְהוָה אֱלֹהֵיכֶם רָאשֵׁיכֶם
שִׁבְטֵיכֶם זִקְנֵיכֶם וְשֹׁטְרֵיכֶם
כֹּל אִישׁ יִשְׂרָאֵל׃
Deut 29.10
טַפְּכֶם נְשֵׁיכֶם וְגֵרְךָ אֲשֶׁר בְּקֶרֶב
מַחֲנֶיךָ מֵחֹטֵב עֵצֶיךָ עַד שֹׁאֵב
מֵימֶיךָ׃
Deut 29.11
לְעָבְרְךָ בִּבְרִית יְהוָה אֱלֹהֶיךָ
וּבְאָלָתוֺ אֲשֶׁר יְהוָה אֱלֹהֶיךָ
כֹּרֵת עִמְּךָ הַיֺּום׃
Deut 29.12
לְמַעַן הָקִימ־אֹתְךָ הַיֺּום לוֺ
לְעָם וְהוּא יִהְיֶה־לְּךָ לֵאלֹהִים
כַּאֲשֶׁר דִּבֶּר־לָך וְכַאֲשֶׁר נִשְׁבַּע
לַאֲבֹתֶיךָ לְאַבְרָהָם לְיִצְחָק
וּלְיַעֲקֹב׃
Deut 29.13
וְלֹא אִתְּכֶם לְבַדְּכֶם אָנֺכִי כֹּרֵת
אֶת־הַבְּרִית הַזֺּאת וְאֶת־הָאָלָה
הַזֺּאת׃
Deut 29.14
כִּי אֶת־אֲשֶׁר יֶשְׁנֺו פֹּה עִמָּנוּ
עֹמֵד הַיֺּום לִפְנֵי יְהוָה אֱלֹהֵינוּ
וְאֵת אֲשֶׁר אֵינֶנּוּ פֹּה עִמָּנוּ
הַיֺּום׃
Deut 29.15
כִּי־אַתֶּם יְדַעְתֶּם אֵת אֲשֶׁר־יָשַׁבְנוּ
בְּאֶרֶץ מִצְרָיִם וְאֵת אֲשֶׁר־עָבַרְנוּ
בְּקֶרֶב הַגֺּויִם אֲשֶׁר עֲבַרְתֶּם׃
Deut 29.16
וַתִּרְאוּ אֶת־שִׁקּוּצֵיהֶם וְאֵת
גִּלֻּלֵיהֶם עֵץ וָאֶבֶן כֶּסֶף וְזָהָב
אֲשֶׁר עִמָּהֶם׃
Deut 29.17
פֶּנ־יֵשׁ בָּכֶם אִישׁ אוֺ־אִשָּׁה
אוֺ מִשְׁפָּחָה אוֺ־שֵׁבֶט אֲשֶׁר לְבָבוֺ
פֹנֶה הַיֺּום מֵעִם יְהוָה אֱלֹהֵינוּ
לָלֶכֶת לַעֲבֹד אֶת־אֱלֹהֵי הַגֺּויִם
הָהֵם פֶּנ־יֵשׁ בָּכֶם שֹׁרֶשׁ פֹּרֶה
רֹאשׁ וְלַעֲנָה׃
Deut 29.18
וְהָיָה בְּשָׁמְעוֺ אֶת־דִּבְרֵי הָאָלָה
הַזֺּאת וְהִתְבָּרֵך בִּלְבָבוֺ לֵאמֹר
שָׁלוֺם יִהְיֶה־לִּי כִּי בִּשְׁרִרוּת
לִבִּי אֵלֵך לְמַעַן סְות הָרָוָה
אֶת־הַצְּמֵאָה׃
Deut 29.19
לֹא־יֺאבֶה יְהוָה סְלֹחַ לוֺ כִּי
אָז יֶעְשַׁן אַפ־יְהוָה וְקִנְאָתוֺ
בָּאִישׁ הַהוּא וְרָבְצָה בּוֺ כָּל־הָאָלָה
הַכְּתוּבָה בַּסֵּפֶר הַזֶּ וּמָחָה
יְהוָה אֶת־שְׁמוֺ מִתַּחַת הַשָּׁמָיִם׃
Deut 29.20
וְהִבְדִּילוֺ יְהוָה לְרָעָה מִכֹּל
שִׁבְטֵי יִשְׂרָאֵל כְּכֹל אָלוֺת הַבְּרִית
הַכְּתוּבָה בְּסֵפֶר הַתּוֺרָה הַזֶּה׃
Deut 29.21
וְאָמַר הַדּוֺר הָאַחֲרוֺן בְּנֵיכֶם
אֲשֶׁר יָקוּמוּ מֵאַחֲרֵיכֶם וְהַנָּכְרִי
אֲשֶׁר יָבֹא מֵאֶרֶץ רְחוֺקָה וְרָאוּ
אֶת־מַכּוֺת הָאָרֶץ הַהִוא וְאֶת־תַּחֲלֻאֶיהָ
אֲשֶׁר־חִלָּה יְהוָה בָּהּ׃
Deut 29.22
גָּפְרִית וָמֶלַח שְׂרֵפָה כָל־אַרְצָהּ
לֹא תִזָּרַע וְלֹא תַצְמִחַ וְלֹא־יַעֲלֶה
בָהּ כָּל־עֵשֶׂב כְּמַהְפֵּכַת סְדֹם
וַעֲמֹרָה אַדְמָה 1 וּצְיִּים 2 וּצְבוֺיִם
אֲשֶׁר הָפַך יְהוָה בְּאַפּוֺ וּבַחֲמָתוֺ׃
Deut 29.23
וְאָמְרוּ כָּל־הַגֺּויִם עַל־מֶה
עָשָׂה יְהוָה כָּכָה לָאָרֶץ הַזֺּאת
מֶה חֳרִי הָאַף הַגָּדוֺל הַזֶּה׃
Deut 29.24
וְאָמְרוּ עַל אֲשֶׁר עָזְבוּ אֶת־בְּרִית
יְהוָה אֱלֹהֵי אֲבֹתָם אֲשֶׁר כָּרַת
עִמָּם בְּהוֺצִיאוֺ אֹתָם מֵאֶרֶץ
מִצְרָיִם׃
Deut 29.25
וַיֵּלְכוּ וַיַּעַבְדוּ אֱלֹהִים אֲחֵרִים
וַיִּשְׁתַּחֲוּוְּ לָהֶם אֱלֹהִים אֲשֶׁר
לֹא־יְדָעוּם וְלֹא חָלַק לָהֶם׃
Deut 29.26
וַיִּחַר־אַף יְהוָה בָּאָרֶץ הַהִוא
לְהָבִיא עָלֶיהָ אֶת־כָּל־הַקְּלָלָה
הַכְּתוּבָה בַּסֵּפֶר הַזֶּה׃
Deut 29.27
וַיִּתְּשֵׁם יְהוָה מֵעַל אַדְמָתָם
בְּאַף וּבְחֵמָה וּבְקֶצֶף גָּדוֺל
וַיַּשְׁלִכֵם אֶל־אֶרֶץ אַחֶרֶת כַּיֺּום
הַזֶּה׃
Deut 29.28
הַנִּסְתָּרֹת לַיהוָה אֱלֹהֵינוּ וְהַנִּגְלֹת
לָנוְּ וּלְבָנֵינוְּ עַד־עוֺלָם
לַעֲשׂוֺת אֶת־כָּל־דִּבְרֵי הַתּוֺרָה
הַזֺּאת׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages