Jud 10

Teljes szövegű keresés

Jud 10
Jud 10.1
וַיָּקָם אַחֲרֵי אֲבִימֶלֶך לְהוֺשִׁיעַ
אֶת־יִשְׂרָאֵל תּוֺלָע בֶּנ־פּוּאָה
בֶּנ־דּוֺדוֺ אִישׁ יִשָּׂשכָר וְהוּא־יֺשֵׁב
בְּשָׁמִיר בְּהַר אֶפְרָיִם׃
Jud 10.2
וַיִּשְׁפֹּט אֶת־יִשְׂרָאֵל עֶשְׂרִים
וְשָׁלֹשׁ שָׁנָה וַיָּמָת וַיִּקָּבֵר בְּשָׁמִיר׃
ף
Jud 10.3
וַיָּקָם אַחֲרָיו יָאִיר הַגִּלְעָדִי
וַיִּשְׁפֹּט אֶת־יִשְׂרָאֵל עֶשְׂרִים
וּשְׁתַּיִם שָׁנָה׃
Jud 10.4
וַיְהִי־לוֺ שְׁלֹשִׁים בָּנִים רֹכְבִים
עַל־שְׁלֹשִׁים עֲיָרִים וּשְׁלֹשִׁים
עֲיָרִים לָהֶם לָהֶם יִקְרְאוּ חַוֺּת
יָאִיר עַד הַיֺּום הַזֶּה אֲשֶׁר
בְּאֶרֶץ הַגִּלְעָד׃
Jud 10.5
וַיָּמָת יָאִיר וַיִּקָּבֵר בְּקָמוֺן׃
ף
Jud 10.6
וַיֺּסִפוּ בְּנֵי יִשְׂרָאֵל לַעֲשׂוֺת
הָרַע בְּעֵינֵי יְהוָה וַיַּעַבְדוּ
אֶת־הַבְּעָלִים וְאֶת־הָעַשְׁתָּרוֺת
וְאֶת־אֱלֹהֵי אֲרָם וְאֶת־אֱלֹהֵי
צִידוֺן וְאֵת אֱלֹהֵי מוֺאָב
וְאֵת אֱלֹהֵי בְנֵי־עַמּוֺן וְאֵת
אֱלֹהֵי פְלִשְׁתִּים וַיַּעַזְבוּ אֶת־יְהוָה
וְלֹא עֲבָדוּהוּ׃
Jud 10.7
וַיִּחַר־אַף יְהוָה בְּיִשְׂרָאֵל וַיִּמְכְּרֵם
בְּיַד־פְּלִשְׁתִּים וּבְיַד בְּנֵי
עַמּוֺן׃
Jud 10.8
וַיִּרְעֲצוּ וַיְרֹצְצוּ אֶת־בְּנֵי
יִשְׂרָאֵל בַּשָּׁנָה הַהִיא שְׁמֹנֶה
עֶשְׂרֵה שָׁנָה אֶת־כָּל־בְּנֵי יִשְׂרָאֵל
אֲשֶׁר בְּעֵבֶר הַיַּרְדֵּן בְּאֶרֶץ
הָאֱמֹרִי אֲשֶׁר בַּגִּלְעָד׃
Jud 10.9
וַיַּעַבְרוּ בְנֵי־עַמּוֺן אֶת־הַיַּרְדֵּן
לְהִלָּחֵם גַּמ־בִּיהוּדָה וּבְבִנְיָמִין
וּבְבֵית אֶפְרָיִם וַתֵּצֶר לְיִשְׂרָאֵל
מְאֹד׃
Jud 10.10
וַיִּזְעֲקוּ בְּנֵי יִשְׂרָאֵל אֶל־יְהוָה
לֵאמֹר חָטָאנוּ לָך וְכִי עָזַבְנוּ
אֶת־אֱלֹהֵינוּ וַנַּעֲבֹד אֶת־הַבְּעָלִים׃
ף
Jud 10.11
וַיֺּאמֶר יְהוָה אֶל־בְּנֵי יִשְׂרָאֵל
הֲלֹא מִמִּצְרַיִם וּמִנ־הָאֱמֹרִי
וּמִנ־בְּנֵי עַמּוֺן וּמִנ־פְּלִשְׁתִּים׃
Jud 10.12
וְצִידוֺנִים וַעֲמָלֵק וּמָעוֺן
לָחֲצוּ אֶתְכֶם וַתִּצְעֲקוּ אֵלַי
וָאוֺשִׁיעָה אֶתְכֶם מִיָּדָם׃
Jud 10.13
וְאַתֶּם עֲזַבְתֶּם אוֺתִי וַתַּעַבְדוּ
אֱלֹהִים אֲחֵרִים לָכֵן לֹא־אוֺסִיף
לְהוֺשִׁיעַ אֶתְכֶם׃
Jud 10.14
לְכוּ וְזַעֲקוּ אֶל־הָאֱלֹהִים אֲשֶׁר
בְּחַרְתֶּם בָּם הֵמָּה יֺושִׁיעוּ לָכֶם
בְּעֵת צָרַתְכֶם׃
Jud 10.15
וַיֺּאמְרוּ בְנֵי־יִשְׂרָאֵל אֶל־יְהוָה
חָטָאנוּ עֲשֵׂה־אַתָּה לָנוּ כְּכָל־הַטּוֺב
בְּעֵינֶיךָ אַך הַצִּילֵנוּ נָא
הַיֺּום הַזֶּה׃
Jud 10.16
וַיָּסִירוּ אֶת־אֱלֹהֵי הַנֵּכָר מִקִּרְבָּם
וַיַּעַבְדוּ אֶת־יְהוָה וַתִּקְצַר
נַפְשׁוֺ בַּעֲמַל יִשְׂרָאֵל׃ ף
Jud 10.17
וַיִּצָּעֲקוּ בְּנֵי עַמּוֺן וַיַּחֲנוּ
בַּגִּלְעָד וַיֵּאָסְפוּ בְּנֵי יִשְׂרָאֵל
וַיַּחֲנוּ בַּמִּצְפָּה׃
Jud 10.18
וַיֺּאמְרוּ הָעָם שָׂרֵי גִלְעָד
אִישׁ אֶל־רֵעֵהוּ מִי הָאִישׁ אֲשֶׁר
יָחֵל לְהִלָּחֵם בִּבְנֵי עַמּוֺן יִהְיֶה
לְרֹאשׁ לְכֹל יֺשְׁבֵי גִלְעָד׃ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages