Jud 7

Teljes szövegű keresés

Jud 7
Jud 7.1
וַיַּשְׁכֵּם יְרֻבַּעַל הוּא גִדְעוֺן
וְכָל־הָעָם אֲשֶׁר אִתּוֺ וַיַּחֲנוּ
עַל־עֵין חֲרֹד וּמַחֲנֵה מִדְיָן
הָיָה־לוֺ מִצָּפוֺן מִגִּבְעַת הַמֹּרֶה
בָּעֵמֶק׃
Jud 7.2
וַיֺּאמֶר יְהוָה אֶל־גִּדְעוֺן רַב
הָעָם אֲשֶׁר אִתָּך מִתִּתִּי אֶת־מִדְיָן
בְּיָדָם פֶּנ־יִתְפָּאֵר עָלַי יִשְׂרָאֵל
לֵאמֹר יָדִי הוֺשִׁיעָה יּ׃
Jud 7.3
וְעַתָּה קְרָא נָא בְּאָזְנֵי הָעָם
לֵאמֹר מִי־יָרֵא וְחָרֵד יָשֹׁב
וְיִצְפֹּר מֵהַר הַגִּלְעָד וַיָּשָׁב
מִנ־הָעָם עֶשְׂרִים וּשְׁנַיִם אֶלֶף
וַעֲשֶׂרֶת אֲלָפִים נִשְׁאָרוּ׃ ס
Jud 7.4
וַיֺּאמֶר יְהוָה אֶל־גִּדְעוֺן
עוֺד הָעָם רָב הוֺרֵד אוֺתָם
אֶל־הַמַּיִם וְאֶצְרְפֶנּוּ לְךָ שָׁם
וְהָיָה אֲשֶׁר אֹמַר אֵלֶיךָ זֶה
יֵלֵך אִתָּך הוּא יֵלֵך אִתָּך וְכֹל
אֲשֶׁר־אֹמַר אֵלֶיךָ זֶה לֹא־יֵלֵך
עִמָּך הוּא לֹא יֵלֵך׃
Jud 7.5
וַיֺּורֶד אֶת־הָעָם אֶל־הַמָּיִם
ס וַיֺּאמֶר יְהוָה אֶל־גִּדְעוֺן
כֹּל אֲשֶׁר־יָלֹק בִּלְשׁוֺנֺו מִנ־הַמַּיִם
כַּאֲשֶׁר יָלֹק הַכֶּלֶב תַּצִּיג אוֺתוֺ
לְבָד וְכֹל אֲשֶׁר־יִכְרַע עַל־בִּרְכָּיו
לִשְׁתּוֺת׃
Jud 7.6
וַיְהִי מִסְפַּר הַמֲלַקְקִים בְּיָדָם
אֶל־פִּיהֶם שְׁלֹשׁ מֵאוֺת אִישׁ
וְכֹל יֶתֶר הָעָם כָּרְעוּ עַל־בִּרְכֵיהֶם
לִשְׁתּוֺת מָיִם׃ ס
Jud 7.7
וַיֺּאמֶר יְהוָה אֶל־גִּדְעוֺן בִּשְׁלֹשׁ
מֵאוֺת הָאִישׁ הַמֲלַקְקִים אוֺשִׁיעַ
אֶתְכֶם וְנָתַתִּי אֶת־מִדְיָן בְּיָדֶךָ
וְכָל־הָעָם יֵלְכוּ אִישׁ לִקֹמוֺ׃
Jud 7.8
וַיִּקְחוּ אֶת־צֵדָה הָעָם בְּיָדָם
וְאֵת שׁוֺפְרֹתֵיהֶם וְאֵת כָּל־אִישׁ
יִשְׂרָאֵל שִׁלַּח אִישׁ לְאֹהָלָיו
וּבִשְׁלֹשׁ־מֵאוֺת הָאִישׁ הֶחֱזִיק
וּמַחֲנֵה מִדְיָן הָיָה לוֺ מִתַּחַת
בָּעֵמֶק׃ ף
Jud 7.9
וַיְהִי בַּלַּיְלָה הַהוּא וַיֺּאמֶר
אֵלָיו יְהוָה קוּם רֵד בַּמַּחֲנֶה
כִּי נְתַתִּיו בְּיָדֶךָ׃
Jud 7.10
וְאִמ־יָרֵא אַתָּה לָרֶדֶת רֵד אַתָּה
וּפֻרָה נַעַרְךָ אֶל־הַמַּחֲנֶה׃
Jud 7.11
וְשָׁמַעְתָּ מַה־יְדַבֵּרוּ וְאַחַר תֶּחֱזַקְנָה
יָדֶיךָ וְיָרַדְתָּ בַּמַּחֲנֶה וַיֵּרֶד
הוּא וּפֻרָה נַעֲרוֺ אֶל־קְצֵה
הַחֲמֻשִׁים אֲשֶׁר בַּמַּחֲנֶה׃
Jud 7.12
וּמִדְיָן וַעֲמָלֵק וְכָל־בְּנֵי־קֶדֶם
נֺפְלִים בָּעֵמֶק כָּאַרְבֶּה לָרֹב
וְלִגְמַלֵּיהֶם אֵין מִסְפָּר כַּחוֺל
שֶׁעַל־שְׂפַת הַיָּם לָרֹב׃
Jud 7.13
וַיָּבֹא גִדְעוֺן וְהִנֵּה־אִישׁ
מְסַפֵּר לְרֵעֵהוּ חֲלוֺם וַיֺּאמֶר
הִנֵּה חֲלוֺם חָלַמְתִּי וְהִנֵּה 1 צְלוֺל 2 צְלִיל
לֶחֶם שְׂעֹרִים מִתְהַפֵּך בְּמַחֲנֵה
מִדְיָן וַיָּבֹא עַד־הָאֹהֶל וַיַּכֵּהוּ
וַיִּפֹּל וַיַּהַפְכֵהוּ לְמַעְלָה וְנָפַל
הָאֹהֶל׃
Jud 7.14
וַיַּעַן רֵעֵהוּ וַיֺּאמֶר אֵין
זֺאת בִּלְתִּי אִמ־חֶרֶב גִּדְעוֺן
בֶּנ־יֺואָשׁ אִישׁ יִשְׂרָאֵל נָתַן
הָאֱלֹהִים בְּיָדוֺ אֶת־מִדְיָן
וְאֶת־כָּלהַמַּחֲנֶה׃ ף
Jud 7.15
וַיְהִי כִשְׁמֹעַ גִּדְעוֺן אֶת־מִסְפַּר
הַחֲלוֺם וְאֶת־שִׁבְרוֺ וַיִּשְׁתָּחוּ
וַיָּשָׁב אֶל־מַחֲנֵה יִשְׂרָאֵל וַיֺּאמֶר
קוּמוּ כִּי־נָתַן יְהוָה בְּיֶדְכֶם
אֶת־מַחֲנֵה מִדְיָן׃
Jud 7.16
וַיַּחַץ אֶת־שְׁלֹשׁ־מֵאוֺת הָאִישׁ
שְׁלֹשָׁה רָאשִׁים וַיִּתֵּן שׁוֺפָרוֺת
בְּיַד־כֻּלָּם וְכַדִּים רֵקִים וְלַפִּדִים
בְּתוֺך הַכַּדִּים׃
Jud 7.17
וַיֺּאמֶר אֲלֵיהֶם מִמֶּנִּי תִרְאוּ
וְכֵן תַּעֲשׂוּ וְהִנֵּה אָנֺכִי בָא
בִּקְצֵה הַמַּחֲנֶה וְהָיָה כַאֲשֶׁר־אֶעֱשֶׂה
כֵּן תַּעֲשׂוּן׃
Jud 7.18
וְתָקַעְתִּי בַּשּׁוֺפָר אָנֺכִי וְכָל־אֲשֶׁר
אִתִּי וּתְקַעְתֶּם בַּשּׁוֺפָרוֺת גַּמ־אַתֶּם
סְבִיבוֺת כָּל־הַמַּחֲנֶה וַאֲמַרְתֶּם
לַיהוָה וּלְגִדְעֹן׃ ף
Jud 7.19
וַיָּבֹא גִדְעוֺן וּמֵאָה־אִישׁ
אֲשֶׁר־אִתּוֺ בִּקְצֵה הַמַּחֲנֶה רֹאשׁ
הָאַשְׁמֹרֶת הַתִּיכוֺנָה אַך הָקֵם
הֵקִימוּ אֶת־הַשֹּׁמְרִים וַיִּתְקְעוּ
בַּשּׁוֺפָרוֺת וְנָפוֺץ הַכַּדִּים
אֲשֶׁר בְּיָדָם׃
Jud 7.20
וַיִּתְקְעוּ שְׁלֹשֶׁת הָרָאשִׁים בַּשּׁוֺפָרוֺת
וַיִּשְׁבְּרוּ הַכַּדִּים וַיַּחֲזִיקוּ
בְיַד־שְׂמאוֺלָם בַּלַּפִּדִים וּבְיַד־יְמִינָם
הַשּׁוֺפָרוֺת לִתְקוֺעַ וַיִּקְרְאוּ
חֶרֶב לַיהוָה וּלְגִדְעוֺן׃
Jud 7.21
וַיַּעַמְדוּ אִישׁ תַּחְתָּיו סָבִיב
לַמַּחֲנֶה וַיָּרָץ כָּל־הַמַּחֲנֶה וַיָּרִיעוּ 1 וַיָּנִיסוּ 2 וַיָּנוּסוּ׃
Jud 7.22
וַיִּתְקְעוּ שְׁלֹשׁ־מֵאוֺת הַשּׁוֺפָרוֺת
וַיָּשֶׂם יְהוָה אֵת חֶרֶב אִישׁ
בְּרֵעֵהוּ וּבְכָל־הַמַּחֲנֶה וַיָּנָס
הַמַּחֲנֶה עַד־בֵּית הַשִּׁטָּה צְרֵרָתָה
עַד שְׂפַת־אָבֵל מְחוֺלָה עַל־טַבָּת׃
Jud 7.23
וַיִּצָּעֵק אִישׁ־יִשְׂרָאֵל מִנַּפְתָּלִי
וּמִנ־אָשֵׁר וּמִנ־כָּל־מְנַשֶּׁה
וַיִּרְדְּפוּ אַחֲרֵי מִדְיָן׃
Jud 7.24
וּמַלְאָכִים שָׁלַח גִּדְעוֺן בְּכָל־הַר
אֶפְרַיִם לֵאמֹר רְדוּ לִקְרַאת
מִדְיָן וְלִכְדוּ לָהֶם אֶת־הַמַּיִם
עַד בֵּית בָּרָה וְאֶת־הַיַּרְדֵּן
יִּצָּעֵק כָּל־אִישׁ אֶפְרַיִם וַיִּלְכְּדוּ
אֶת־הַמַּיִם עַד בֵּית בָּרָה וְאֶת־הַיַּרְדֵּן׃
Jud 7.25
וַיִּלְכְּדוּ שְׁנֵי־שָׂרֵי מִדְיָן אֶת־עֹרֵב
וְאֶת־זְאֵב וַיַּהַרְגוּ אֶת־עוֺרֵב
בְּצוּר־עוֺרֵב וְאֶת־זְאֵב הָרְגוּ
בְיֶקֶב־זְאֵב וַיִּרְדְּפוּ אֶ־מִדְיָן
וְרֹאשׁ־עֹרֵב וּזְאֵב הֵבִיאוּ אֶל־גִּדְעוֺן
מֵעֵבֶר לַיַּרְדֵּן׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages