2Sam 15

Teljes szövegű keresés

2Sam 15
2Sam 15.1
וַיְהִי מֵאַחֲרֵי כֵן וַיַּעַשׂ לוֺ
אַבְשָׁלוֺם מֶרְכָּבָה וְסֻסִים וַחֲמִשִּׁים
אִישׁ רָצִים לְפָנָיו׃
2Sam 15.2
וְהִשְׁכִּים אַבְשָׁלוֺם וְעָמַד עַל־יַד
דֶּרֶך הַשָּׁעַר וַיְהִי כָּל־הָאִישׁ
אֲשֶׁר־יִהְיֶה־לּוֺ־רִיב לָבוֺא
אֶל־הַמֶּלֶך לַמִּשְׁפָּט וַיִּקְרָא
אַבְשָׁלוֺם אֵלָיו וַיֺּאמֶר אֵי־מִזֶּה
עִיר אַתָּה וַיֺּאמֶר מֵאַחַד שִׁבְטֵי־יִשְׂרָאֵל
עַבְדֶּךָ׃
2Sam 15.3
וַיֺּאמֶר אֵלָיו אַבְשָׁלוֺם רְאֵה
דְבָרֶךָ טוֺבִים וּנְכֹחִים וְשֹׁמֵעַ
אֵינ־לְךָ מֵאֵת הַמֶּלֶך׃
2Sam 15.4
וַיֺּאמֶר אַבְשָׁלוֺם מִי־יְשִׂמֵנִי
שֹׁפֵט בָּאָרֶץ וְעָלַי יָבוֺא כָּל־אִישׁ
אֲשֶׁר־יִהְיֶה־לּוֺ־רִיב וּמִשְׁפָּט
וְהִצְדַּקְתִּיו׃
2Sam 15.5
וְהָיָה בִּקְרָב־אִישׁ לְהִשְׁתַּחֲוֺת
לוֺ וְשָׁלַח אֶת־יָדוֺ וְהֶחֱזִיק
לוֺ וְנָשַׁק לוֺ׃
2Sam 15.6
וַיַּעַשׂ אַבְשָׁלוֺם כַּדָּבָר הַזֶּה
לְכָל־יִשְׂרָאֵל אֲשֶׁר־יָבֹאוּ לַמִּשְׁפָּט
אֶל־הַמֶּלֶך וַיְגַנֵּב אַבְשָׁלוֺם
אֶת־לֵב אַנְשֵׁי יִשְׂרָאֵל׃ ף
2Sam 15.7
וַיְהִי מִקֵּץ אַרְבָּעִים שָׁנָה וַיֺּאמֶר
אַבְשָׁלוֺם אֶל־הַמֶּלֶך אֵלֲכָה
נָּא וַאֲשַׁלֵּם אֶת־נִדְרִי אֲשֶׁר־נָדַרְתִּי
לַיהוָה בְּחֶבְרוֺן׃
2Sam 15.8
כִּי־נֵדֶר נָדַר עַבְדְּךָ בְּשִׁבְתִּי
בִגְשׁוּר בַּאֲרָם לֵאמֹר אִמ־יְשִׁיב 2 יָשׁוֺב
יְשִׁיבֵנִי יְהוָה יְרוּשָׁלִַם וְעָבַדְתִּי
אֶת־יְהוָה׃
2Sam 15.9
וַיֺּאמֶר־לוֺ הַמֶּלֶך לֵך בְּשָׁלוֺם
וַיָּקָם וַיֵּלֶך חֶבְרוֺנָה׃ ף
2Sam 15.10
וַיִּשְׁלַח אַבְשָׁלוֺם מְרַגְּלִים
בְּכָל־שִׁבְטֵי יִשְׂרָאֵל לֵאמֹר כְּשָׁמְעֲכֶם
אֶת־קוֺל הַשֹּׁפָר וַאֲמַרְתֶּם מָלַך
אַבְשָׁלוֺם בְּחֶבְרוֺן׃
2Sam 15.11
וְאֶת־אַבְשָׁלוֺם הָלְכוּ מָאתַיִם
אִישׁ מִירוּשָׁלִַם קְרֻאִים וְהֹלְכִים
לְתֻמָּם וְלֹא יָדְעוּ כָּל־דָּבָר׃
2Sam 15.12
וַיִּשְׁלַח אַבְשָׁלוֺם אֶת־אֲחִיתֹפֶל
הַגִּילֹנִי יֺועֵץ דָּוִד מֵעִירוֺ
מִגִּלֹה בְּזָבְחוֺ אֶת־הַזְּבָחִים
וַיְהִי הַקֶּשֶׁר אַמִּץ וְהָעָם הֹלֵך
וָרָב אֶת־אַבְשָׁלוֺם׃
2Sam 15.13
וַיָּבֹא הַמַּגִּיד אֶל־דָּוִד לֵאמֹר
הָיָה לֶב־אִישׁ יִשְׂרָאֵל אַחֲרֵי
אַבְשָׁלוֺם׃
2Sam 15.14
וַיֺּאמֶר דָּוִד לְכָל־עֲבָדָיו אֲשֶׁר־אִתּוֺ
בִירוּשָׁלִַם קוּמוּ וְנִבְרָחָה
כִּי לֹא־תִהְיֶה־לָּנוּ פְלֵיטָה
מִפְּנֵי אַבְשָׁלוֺם מַהֲרוּ לָלֶת
פֶּנ־יְמַהֵר וְהִשִּׂגָנוּ וְהִדִּיחַ
עָלֵינוּ אֶת־הָרָעָה וְהִכָּה הָעִיר
לְפִי־חָרֶב׃
2Sam 15.15
וַיֺּאמְרוּ עַבְדֵי־הַמֶּלֶך אֶל־הַמֶּלֶך
כְּכֹל אֲשֶׁר־יִבְחַר אֲדֹנִי הַמֶּלֶך
הִנֵּה עֲבָדֶיךָ׃
2Sam 15.16
וַיֵּצֵא הַמֶּלֶך וְכָל־בֵּיתוֺ בְּרַגְלָיו
וַיַּעֲזֺב הַמֶּלֶך אֵת עֶשֶׂר נָשִׁים
פִּלַגְשִׁים לִשְׁמֹר הַבָּיִת׃
2Sam 15.17
וַיֵּצֵא הַמֶּלֶך וְכָל־הָעָם בְּרַגְלָיו
וַיַּעַמְדוּ בֵּית הַמֶּרְחָק׃
2Sam 15.18
וְכָל־עֲבָדָיו עֹבְרִים עַל־יָדוֺ
וְכָל־הַכְּרֵתִי וְכָל־הַפְּלֵתִי
וְכָל־הַגִּתִּים שֵׁשׁ־מֵאוֺת אִישׁ
אֲשֶׁר־בָּאוּ בְרַגְלוֺ מִגַּת עֹבְרִים
עַל־פְּנֵי הַמֶּלֶך׃
2Sam 15.19
וַיֺּאמֶר הַמֶּלֶך אֶל־אִתַּי הַגִּתִּי
לָמָּה תֵלֵך גַּמ־אַתָּה אִתָּנוּ
שׁוּב וְשֵׁב עִמ־הַמֶּלֶך כִּי־נָכְרִי
אַתָּה וְגַמ־גֺּלֶה אַתָּה לִמְקוֺמֶךָ׃
2Sam 15.20
תְּמוֺל בּוֺאֶךָ וְהַיֺּום 1 אֲנֺועֲךָ 2 אֲנִיעֲךָ
עִמָּנוּ לָלֶכֶת וַאֲנִי הוֺלֵך
עַל אֲשֶׁר־אֲנִי הוֺלֵך שׁוּב וְהָשֵׁב
אֶת־אַחֶיךָ עִמָּך חֶסֶד וֶאֱמֶת׃
2Sam 15.21
וַיַּעַן אִתַּי אֶת־הַמֶּלֶך וַיֺּאמַר
חַי־יְהוָה וְחֵי אֲדֹנִי הַמֶּלֶך
כִּי אִמ־בִּמְקוֺם אֲשֶׁר יִהְיֶה־שָּׁם
אֲדֹנִי הַמֶּלֶך אִמ־לְמָוֶת אִמ־לְחַיִּים
כִּי־שָׁם יִהְיֶה עַבְדֶּךָ׃
2Sam 15.22
וַיֺּאמֶר דָּוִד אֶל־אִתַּי לֵך וַעֲבֹר
וַיַּעֲבֹר אִתַּי הַגִּתִּי וְכָל־אֲנָשָׁיו
וְכָל־הַטַּף אֲשֶׁר אִתּוֺ׃
2Sam 15.23
וְכָל־הָאָרֶץ בּוֺכִים קוֺל גָּדוֺל
וְכָל־הָעָם עֹבְרִים וְהַמֶּלֶך עֹבֵר
בְּנַחַל קִדְרוֺן וְכָל־הָעָם עֹבְרִים
עַל־פְּנֵי־דֶרֶך אֶת־הַמִּדְבָּר
2Sam 15.24
וְהִנֵּה גַמ־צָדוֺק וְכָל־הַלְוִיִּם
אִתּוֺ נֺשְׂאִים אֶת־אֲרוֺן בְּרִית
הָאֱלֹהִים וַיַּצִּקוּ אֶת־אֲרוֺן
הָאֱלֹהִים וַיַּעַל אֶבְיָתָר עַד־תֹּם
כָּל־הָעָם לַעֲבוֺר מִנ־הָעִיר׃
2Sam 15.25
וַיֺּאמֶר הַמֶּלֶך לְצָדוֺק הָשֵׁב
אֶת־אֲרוֺן הָאֱלֹהִים הָעִיר אִמ־אֶמְצָא
חֵן בְּעֵינֵי יְהוָה וֶהֱשִׁבַנִי
וְהִרְאַנִי אֹתוֺ וְאֶת־נָוֵהוּ׃
2Sam 15.26
וְאִם כֹּה יֺאמַר לֹא חָפַצְתִּי
בָּך הִנְנִי יַעֲשֶׂה־לִּי כַּאֲשֶׁר
טוֺב בְּעֵינָיו׃ ס
2Sam 15.27
וַיֺּאמֶר הַמֶּלֶך אֶל־צָדוֺק הַכֹּהֵן
הֲרוֺאֶה אַתָּה שֻׁבָה הָעִיר בְּשָׁלוֺם
וַאֲחִימַעַץ בִּנְךָ וִיהוֺנָתָן
בֶּנ־אֶבְיָתָר שְׁנֵי בְנֵיכֶם תְּכֶם׃
2Sam 15.28
רְאוּ אָנֺכִי מִתְמַהְמֵהַּ 1 בְּעַבְרוֺת 2 בְּעַרְבוֺת
הַמִּדְבָּר עַד בּוֺא דָבָר מֵעִמָּכֶם
לְהַגִּיד לִי׃
2Sam 15.29
וַיָּשֶׁב צָדוֺק וְאֶבְיָתָר אֶת־אֲרוֺן
הָאֱלֹהִים יְרוּשָׁלִָם וַיֵּשְׁבוּ שָׁם׃
2Sam 15.30
וְדָוִד עֹלֶה בְמַעֲלֵה הַזֵּיתִים
עֹלֶה וּבוֺכֶה וְרֹאשׁ לוֺ חָפוּי
וְהוּא הֹלֵך יָחֵף וְכָל־הָעָם
אֲשֶׁר־אִתּוֺ חָפוּ אִישׁ רֹאשׁוֺ
וְעָל עָלֹה וּבָכֹה׃
2Sam 15.31
וְדָוִד הִגִּיד לֵאמֹר אֲחִיתֹפֶל
בַּקֹּשְׁרִים עִמ־אַבְשָׁלוֺם וַיֺּאמֶר
דָּוִד סַכֶּל־נָא אֶת־עֲצַת אֲחִיתֹפֶל
יְהוָה׃
2Sam 15.32
וַיְהִי דָוִד בָּא עַד־הָרֹאשׁ אֲשֶׁר־יִשְׁתַּחֲוֶה
שָׁם לֵאלֹהִים וְהִנֵּה לִקְרָאתוֺ
חוּשַׁי הָאַרְכִּי קָרוּעַ כֻּתָּנְתּוֺ
וַאֲדָמָה עַל־רֹאו׃
2Sam 15.33
וַיֺּאמֶר לוֺ דָּוִד אִם עָבַרְתָּ
אִתִּי וְהָיִתָ עָלַי לְמַשָּׂא׃
2Sam 15.34
וְאִמ־הָעִיר תָּשׁוּב וְאָמַרְתָּ
לְאַבְשָׁלוֺם עַבְדְּךָ אֲנִי הַמֶּלֶך
אֶהְיֶה עֶבֶד אָבִיךָ וַאֲנִי מֵאָז
וְעַתָּה וַאֲנִי עַבְדֶּךָ וְפַרְתָּה
לִי אֵת עֲצַת אֲחִיתֹפֶל׃
2Sam 15.35
וַהֲלוֺא עִמְּךָ שָׁם צָדוֺק וְאֶבְיָתָר
הַכֹּהֲנִים וְהָיָה כָּל־הַדָּבָר אֲשֶׁר
תִּשְׁמַע מִבֵּית הַמֶּלֶך תַּגִּיד לְצָדוֺק
וּלְאֶבְיָתָר הַכֹּהֲנִים׃
2Sam 15.36
הִנֵּה־שָׁם עִמָּם שְׁנֵי בְנֵיהֶם
אֲחִימַעַץ לְצָדוֺק וִיהוֺנָתָן
לְאֶבְיָתָר וּשְׁלַחְתֶּם בְּיָדָם אֵלַי
כָּל־דָּבָר אֲשֶׁר תִּשְׁמָעוּ׃
2Sam 15.37
וַיָּבֹא חוּשַׁי רֵעֶה דָוִד הָעִיר
וְאַבְשָׁלֹם יָבֹא יְרוּשָׁלִָם׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages