2Sam 7

Teljes szövegű keresés

2Sam 7
2Sam 7.1
וַיְהִי כִּי־יָשַׁב הַמֶּלֶך בְּבֵיתוֺ
וַיהוָה הֵנִיחַ־לוֺ מִסָּבִיב מִכָּל־אֹיְבָיו׃
2Sam 7.2
וַיֺּאמֶר הַמֶּלֶך אֶל־נָתָן הַנָּבִיא
רְאֵה נָא אָנֺכִי יֺושֵׁב בְּבֵית
אֲרָזִים וַאֲרוֺן הָאֱלֹהִים יֺשֵׁב
בְּתוֺך הַיְרִיעָה׃
2Sam 7.3
וַיֺּאמֶר נָתָן אֶל־הַמֶּלֶך כֹּל
אֲשֶׁר בִּלְבָבְךָ לֵך עֲשֵׂה כִּי יְהוָה
עִמָּך׃ ס
2Sam 7.4
וַיְהִי בַּלַּיְלָה הַהוּא וַיְהִי
דְּבַר־יְהוָה אֶל־נָתָן לֵאמֹר׃
2Sam 7.5
לֵך וְאָמַרְתָּ אֶל־עַבְדִּי אֶל־דָּוִד
כֹּה אָמַר יְהוָה הַאַתָּה תִּבְנֶה־לִּי
בַיִת לְשִׁבְתִּי׃
2Sam 7.6
כִּי לֹא יָשַׁבְתִּי בְּבַיִת לְמִיֺּום
הַעֲלֹתִי אֶת־בְּנֵי יִשְׂרָאֵל מִמִּצְרַיִם
וְעַד הַיֺּום הַזֶּה וָאֶהְיֶה מִתְהַלֵּך
בְּאֹהֶל וּבְמִכָּן׃
2Sam 7.7
בְּכֹל אֲשֶׁר־הִתְהַלַּכְתִּי בְּכָל־בְּנֵי
יִשְׂרָאֵל הֲדָבָר דִּבַּרְתִּי אֶת־אַחַד
שִׁבְטֵי יִשְׂרָאֵל אֲשֶׁר צִוִּיתִי
לִרְעוֺת אֶת־עַמִּי אֶת־יִשְׂרָאֵל
לֵאמֹר לָמָּה לֹא־בְנִיתֶם לִי
בֵּית אֲרָזִים׃
2Sam 7.8
וְעַתָּה כֹּה־תֹאמַר לְעַבְדִּי לְדָוִד
כֹּה אָמַר יְהוָה צְבָאוֺת אֲנִי
לְקַחְתִּיךָ מִנ־הַנָּוֶה מֵאַחַר הַצֹּאן
לִהְיֺות נָגִיד עַל־עַיּ עַל־יִשְׂרָאֵל׃
2Sam 7.9
וָאֶהְיֶה עִמְּךָ בְּכֹל אֲשֶׁר הָלַכְתָּ
וָאַכְרִתָה אֶת־כָּל־אֹיְבֶיךָ מִפָּנֶיךָ
וְעָשִׂתִי לְךָ שֵׁם גָּדוֺל כְּשֵׁם
הַגְּדֹלִים אֲשֶׁר בָּאָרֶ׃
2Sam 7.10
וְשַׂמְתִּי מָקוֺם לְעַמִּי לְיִשְׂרָאֵל
וּנְטַעְתִּיו וְשָׁכַן תַּחְתָּיו וְלֹא
יִרְגַּז עוֺד וְלֹא־יֺסִיפוּ בְנֵי־עַוְלָה
לְעַנֺּותוֺ כַּאֲשֶׁר רִאשׁוֺנָה׃
2Sam 7.11
וּלְמִנ־הַיֺּום אֲשֶׁר צִוִּיתִי
שֹׁפְטִים עַל־עַמִּי יִשְׂרָאֵל וַהֲנִיחֹתִי
לְךָ מִכָּל־אֹיְבֶיךָ וְהִגִּיד לְךָ
יְהוָה כִּי־בַיִת יַעֲשֶׂה־לְּךָ יְהוָה׃
2Sam 7.12
כִּי יִמְלְאוּ יָמֶיךָ וְשָׁכַבְתָּ
אֶת־אֲבֹתֶיךָ וַהֲקִימֹתִי אֶת־זַרְעֲךָ
אַחֲרֶיךָ אֲשֶׁר יֵצֵא מִמֵּעֶיךָ וַהֲכִינֺתִי
אֶת־מַמְלַכְתּוֺ׃
2Sam 7.13
הוּא יִבְנֶה־בַּיִת לִשְׁמִי וְכֹנַנְתִּי
אֶת־כִּסֵּא מַמְלַכְתּוֺ עַד־עוֺלָם׃
2Sam 7.14
אֲנִי אֶהְיֶה־לּוֺ לְאָב וְהוּא
יִהְיֶה־לִּי לְבֵן אֲשֶׁר בְּהַעֲוֺתוֺ
וְהֹכַחְתִּיו בְּשֵׁבֶט אֲנָשִׁים וּבְנִגְעֵי
בְּנֵי אָדָם׃
2Sam 7.15
וְחַסְדִּי לֹא־יָסוּר מִמֶּנּוּ כַּאֲשֶׁר
הֲסִרֹתִי מֵעִם שָׁאוּל אֲשֶׁר הֲסִרֹתִי
מִלְּפָנֶיךָ׃
2Sam 7.16
וְנֶאְמַן בֵּיתְךָ וּמַמְלַכְתְּךָ עַד־עוֺלָם
לְפָנֶיךָ כִּסְאֲךָ יִהְיֶה נָכוֺן
עַד־עוֺלָם׃
2Sam 7.17
כְּכֹל הַדְּבָרִים הָאֵלֶּה וּכְכֹל
הַחִזָּיֺון הַזֶּה כֵּן דִּבֶּר נָתָן
אֶל־דָּוִד׃ ס
2Sam 7.18
וַיָּבֹא הַמֶּלֶך דָּוִד וַיֵּשֶׁב לִפְנֵי
יְהוָה וַיֺּאמֶר מִי אָנֺכִי אֲדֹנָי
יְהוִה וּמִי בֵיתִי כִּי הֲבִיאֹתַנִי
עַד־הֲלֹם׃
2Sam 7.19
וַתִּקְטַן עוֺד זֺאת בְּעֵינֶיךָ
אֲדֹנָי יְהוִה וַתְּדַבֵּר גַּם אֶל־בֵּית־עַבְדְּךָ
לְמֵרָחוֺק וְזֺאת תּוֺרַת הָאָדָם
אֲדֹנָי יְהוִה׃
2Sam 7.20
וּמַה־יֺּוסִיף דָּוִד עוֺד לְדַבֵּר
אֵלֶיךָ וְאַתָּה יָדַעְתָּ אֶת־עַבְדְּךָ
אֲדֹנָי יְהוִה׃
2Sam 7.21
בַּעֲבוּר דְּבָרְךָ וּכְלִבְּךָ עָשִׂיתָ
אֵת כָּל־הַגְּדוּלָּה הַזֺּאת לְהוֺדִיעַ
אֶת־עַבְדֶּךָ׃
2Sam 7.22
עַל־כֵּן גָּדַלְתָּ אֲדֹנָי יְהוִה
כִּי־אֵין כָּמוֺךָ וְאֵין אֱלֹהִים
זוּלָתֶךָ בְּכֹל אֲשֶׁר־שָׁמַעְנוּ בְּאָזְנֵינוּ׃
2Sam 7.23
וּמִי כְעַמְּךָ כְּיִשְׂרָאֵל גֺּוי
אֶחָד בָּאָרֶץ אֲשֶׁר הָלְכוּ־אֱלֹהִים
לִפְדּוֺת־לוֺ לְעָם וְלָשׂוּם לוֺ
שֵׁם וְלַעֲשׂוֺת לָכֶם הַגְּדוּלָּ וְנֺרָאוֺת
לְאַרְצֶךָ מִפְּנֵי עַמְּךָ אֲשֶׁר פָּדִיתָ
לְּךָ מִמִּצְרַיִם גֺּויִם וֵאלֹהָיו׃
2Sam 7.24
וַתְּכוֺנֵן לְךָ אֶת־עַמְּךָ יִשְׂרָאֵל
לְךָ לְעָם עַד־עוֺלָם וְאַתָּה יְהוָה
הָיִיתָ לָהֶם לֵאלֹהִים׃ ס
2Sam 7.25
וְעַתָּה יְהוָה אֱלֹהִים הַדָּבָר
אֲשֶׁר דִּבַּרְתָּ עַל־עַבְדְּךָ וְעַל־בֵּיתוֺ
הָקֵם עַד־עוֺלָם וַעֲשֵׂה כַּאֲשֶׁר
דִּבַּרְתָּ׃
2Sam 7.26
וְיִגְדַּל שִׁמְךָ עַד־עוֺלָם לֵאמֹר
יְהוָה צְבָאוֺת אֱלֹהִים עַל־יִשְׂרָאֵל
וּבֵית עַבְדְּךָ דָוִד יִהְיֶה נָכוֺן
לְפָנֶיךָ׃
2Sam 7.27
כִּי־אַתָּה יְהוָה צְבָאוֺת אֱלֹהֵי
יִשְׂרָאֵל גָּלִיתָה אֶת־אֹזֶן עַבְדְּךָ
לֵאמֹר בַּיִת אֶבְנֶה־לָּך עַל־כֵּן
מָצָא עַבְדְּךָ אֶת־לִבּוֺ לְהִתְפַּלֵּל
אֵלֶיךָ אֶת־הַתְּפִלָּה הַזֺּאת׃
2Sam 7.28
וְעַתָּה אֲדֹנָי יְהוִה אַתָּה־הוּא
הָאֱלֹהִים וּדְבָרֶיךָ יִהְיוּ אֱמֶת
וַתְּדַבֵּר אֶל־עַבְדְּךָ אֶת־הַטּוֺבָה
הַזֺּאת׃
2Sam 7.29
וְעַתָּה הוֺאֵל וּבָרֵך אֶת־בֵּית
עַבְדְּךָ לִהְיֺות לְעוֺלָם לְפָנֶיךָ
כִּי־אַתָּה אֲדֹנָי יְהוִה דִּבַּרְתָּ
וּמִבִּרְכָתְךָ יְבֹרַך בֵּית־עַבְדְּךָ
לְעוֺלָם׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages