1Reg 5

Teljes szövegű keresés

1Reg 5
1Reg 5.1
וּשְׁלֹמֹה הָיָה מוֺשֵׁל בְּכָל־הַמַּמְלָכוֺת
מִנ־הַנָּהָר אֶרֶץ פְּלִשְׁתִּים וְעַד
גְּבוּל מִצְרָיִם מַגִּשִׁים מִנְחָה
וְעֹבְדִים אֶת־שְׁלֹמֹה כָּל־יְמֵי
חַיָּיו׃ ף
1Reg 5.2
וַיְהִי לֶחֶמ־שְׁלֹמֹה לְיֺום אֶחָד
שְׁלֹשִׁים כֹּר סֹלֶת וְשִׁשִּׁים כֹּר
קָמַח׃
1Reg 5.3
עֲשָׂרָה בָקָר בְּרִאִים וְעֶשְׂרִים
בָּקָר רְעִי וּמֵאָה צֹאן לְבַד
מֵאַיָּל וּצְבִי וְיַחְמוּר וּבַרְבֻּרִים
אֲבוּסִים׃
1Reg 5.4
כִּי־הוּא רֹדֶה בְּכָל־עֵבֶר הַנָּהָר
מִתִּפְסַח וְעַד־עַזָּה בְּכָל־מַלְכֵי
עֵבֶר הַנָּהָר וְשָׁלוֺם הָיָה לוֺ
מִכָּל־עֲבָרָיו מִסָּבִיב׃
1Reg 5.5
וַיֵּשֶׁב יְהוּדָה וְיִשְׂרָאֵל לָבֶטַח
אִישׁ תַּחַת גַּפְנֺו וְתַחַת תְּאֵנָתוֺ
מִדָּן וְעַד־בְּאֵר שָׁבַע כֹּל יְמֵי
שְׁלֹמֹה׃ ס
1Reg 5.6
וַיְהִי לִשְׁלֹמֹה אַרְבָּעִים אֶלֶף
אֻרְוֺת סוּסִים לְמֶרְכָּבוֺ וּשְׁנֵימ־עָשָׂר
אֶלֶף פָּרָשִׁים׃
1Reg 5.7
וְכִלְכְּלוּ הַנִּצָּבִים הָאֵלֶּה אֶת־הַמֶּלֶך
שְׁלֹמֹה וְאֵת כָּל־הַקָּרֵב אֶל־שֻׁלְחַן
הַמֶּלֶכְ־שְׁלֹמֹה אִישׁ חָדְשׁוֺ לֹא
יְעַדְּרוּ דָּבָר׃
1Reg 5.8
וְהַשְּׂעֹרִים וְהַתֶּבֶן לַסּוּסִים
וְלָרָכֶשׁ יָבִאוּ אֶל־הַמָּקוֺם
אֲשֶׁר יִהְיֶה־שָּׁם אִישׁ כְּמִשְׁפָּטוֺ׃
ס
1Reg 5.9
וַיִּתֵּן אֱלֹהִים חָכְמָה לִשְׁלֹמֹה
וּתְבוּנָה הַרְבֵּה מְאֹד וְרֹחַב
לֵב כַּחוֺל אֲשֶׁר עַל־שְׂפַת הַיָּם׃
1Reg 5.10
וַתֵּרֶב חָכְמַת שְׁלֹמֹה מֵחָכְמַת
כָּל־בְּנֵי־קֶדֶם וּמִכֹּל חָכְמַת
מִצְרָיִם׃
1Reg 5.11
וַיֶּחְכַּם מִכָּל־הָאָדָם מֵאֵיתָן
הָאֶזְרָחִי וְהֵימָן וְכַלְכֹּל וְדַרְדַּע
בְּנֵי מָחוֺל וַיְהִי־שְׁמוֺ בְכָל־הַגֺּויִם
סָבִיב׃
1Reg 5.12
וַיְדַבֵּר שְׁלֹשֶׁת אֲלָפִים מָשָׁל
וַיְהִי שִׁירוֺ חֲמִשָּׁה וָאָלֶף׃
1Reg 5.13
וַיְדַבֵּר עַל־הָעֵצִים מִנ־הָאֶרֶז
אֲשֶׁר בַּלְּבָנֺון וְעַד הָאֵזֺוב
אֲשֶׁר יֺצֵא בַּקִּיר וַיְדַבֵּר עַל־הַבְּהֵמָה
וְעַל־הָעוֺף וְעַל־הָרֶמֶשׂוְעַל־הַדָּגִים׃
1Reg 5.14
וַיָּבֹאוּ מִכָּל־הָעַמִּים לִשְׁמֹעַ
אֵת חָכְמַת שְׁלֹמֹה מֵאֵת כָּל־מַלְכֵי
הָאָרֶץ אֲשֶׁר שָׁמְעוּ אֶת־חָכְמָתוֺ׃
ס
1Reg 5.15
וַיִּשְׁלַח חִירָם מֶלֶכְ־צוֺר אֶת־עֲבָדָיו
אֶל־שְׁלֹמֹה כִּי שָׁמַע כִּי אֹתוֺ
מָשְׁחוּ לְמֶלֶך תַּחַת אָבִיהוּ כִּי
אֹהֵב הָיָה חִירָם לְדָד כָּל־הַיָּמִים׃
ס
1Reg 5.16
וַיִּשְׁלַח שְׁלֹמֹה אֶל־חִירָם לֵאמֹר׃
1Reg 5.17
אַתָּה יָדַעְתָּ אֶת־דָּוִד אָבִי
כִּי לֹא יָכֹל לִבְנֺות בַּיִת לְשֵׁם
יְהוָה אֱלֹהָיו מִפְּנֵי הַמִּלְחָמָה
אֲשֶׁר סְבָבֻהוּ עַד תֵּת־יְהוָ אֹתָם
תַּחַת כַּפּוֺת 1 רַגְלוֺ 2 רַגְלָי׃
1Reg 5.18
וְעַתָּה הֵנִיחַ יְהוָה אֱלֹהַי לִי
מִסָּבִיב אֵין שָׂטָן וְאֵין פֶּגַע
רָע׃
1Reg 5.19
וְהִנְנִי אֹמֵר לִבְנֺות בַּיִת
לְשֵׁם יְהוָה אֱלֹהָי כַּאֲשֶׁר דִּבֶּר
יְהוָה אֶל־דָּוִד אָבִי לֵאמֹר
בִּנְךָ אֲשֶׁר אֶתֵּן תַּחְתֶּיךָ עַ־כִּסְאֶךָ
הוּא־יִבְנֶה הַבַּיִת לִשְׁמִי׃
1Reg 5.20
וְעַתָּה צַוֵּה וְיִכְרְתוּ־לִי אֲרָזִים
מִנ־הַלְּבָנֺון וַעֲבָדַי יִהְיוּ
עִמ־עֲבָדֶיךָ וּשְׂכַר עֲבָדֶיךָ
אֶתֵּן לְךָ כְּכֹל אֲשֶׁר תֹּאמֵרכִּי
אַתָּה יָדַעְתָּ כִּי אֵין בָּנוּ
אִישׁ יֺדֵעַ לִכְרָת־עֵצִים כַּצִּדֹנִים׃
1Reg 5.21
וַיְהִי כִּשְׁמֹעַ חִירָם אֶת־דִּבְרֵי
שְׁלֹמֹה וַיִּשְׂמַח מְאֹד וַיֺּאמֶר
בָּרוּך יְהוָה הַיֺּום אֲשֶׁר נָתַן
לְדָוִד בֵּן חָכָם עַל־הָעָם הָרָב
הַזֶּה׃
1Reg 5.22
וַיִּשְׁלַח חִירָם אֶל־שְׁלֹמֹה לֵאמֹר
שָׁמַעְתִּי אֵת אֲשֶׁר־שָׁלַחְתָּ אֵלָי
אֲנִי אֶעֱשֶׂה אֶת־כָּל־חֶפְצְךָ בַּעֲצֵי
אֲרָזִים וּבַעֲצֵי בְרוֺשִׁים׃
1Reg 5.23
עֲבָדַי יֺרִדוּ מִנ־הַלְּבָנֺון
יָמָּה וַאֲנִי אֲשִׂימֵם דֹּבְרוֺת
בַּיָּם עַד־הַמָּקוֺם אֲשֶׁר־תִּשְׁלַח
אֵלַי וְנִפַּצְתִּים שָׁם וְאַתָּה
תִאּ וְאַתָּה תַּעֲשֶׂה אֶת־חֶפְצִי
לָתֵת לֶחֶם בֵּיתִי׃
1Reg 5.24
וַיְהִי חִירוֺם נֺתֵן לִשְׁלֹמֹה
עֲצֵי אֲרָזִים וַעֲצֵי בְרוֺשִׁים
כָּל־חֶפְצוֺ׃
1Reg 5.25
וּשְׁלֹמֹה נָתַן לְחִירָם עֶשְׂרִים
אֶלֶף כֹּר חִטִּים מַכֹּלֶת לְבֵיתוֺ
וְעֶשְׂרִים כֹּר שֶׁמֶן כָּתִית כֹּה־יִתֵּן
שְׁלֹמֹה לְחִירָם שָׁנָה בְשָׁנָה׃
ף
1Reg 5.26
וַיהוָה נָתַן חָכְמָה לִשְׁלֹמֹה
כַּאֲשֶׁר דִּבֶּר־לוֺ וַיְהִי שָׁלֹם
בֵּין חִירָם וּבֵין שְׁלֹמֹה וַיִּכְרְתוּ
בְרִית שְׁנֵיהֶם׃
1Reg 5.27
וַיַּעַל הַמֶּלֶך שְׁלֹמֹה מַס מִכָּל־יִשְׂרָאֵל
וַיְהִי הַמַּס שְׁלֹשִׁים אֶלֶף אִישׁ׃
1Reg 5.28
וַיִּשְׁלָחֵם לְבָנֺונָה עֲשֶׂרֶת אֲלָפִים
בַּחֹדֶשׁ חֲלִיפוֺת חֹדֶשׁ יִהְיוּ
בַלְּבָנֺון שְׁנַיִם חֳדָשִׁים בְּבֵיתוֺ
וַאֲדֹנִירָם עַל־הַמַּס׃ ס
1Reg 5.29
וַיְהִי לִשְׁלֹמֹה שִׁבְעִים אֶלֶף
נֺשֵׂא סַבָּל וּשְׁמֹנִים אֶלֶף חֹצֵב
בָּהָר׃
1Reg 5.30
לְבַד מִשָּׂרֵי הַנִּצָּבִים לִשְׁלֹמֹה
אֲשֶׁר עַל־הַמְּלָאכָה שְׁלֹשֶׁת אֲלָפִים
וּשְׁלֹשׁ מֵאוֺת הָרֹדִים בָּעָם הָעֹשִׂים
בַּמְּלָאכָה׃
1Reg 5.31
וַיְצַו הַמֶּלֶך וַיַּסִּעוּ אֲבָנִים
גְּדֹלוֺת אֲבָנִים יְקָרוֺת לְיַסֵּד
הַבָּיִת אַבְנֵי גָזִית׃
1Reg 5.32
וַיִּפְסְלוּ בֹּנֵי שְׁלֹמֹה וּבֹנֵי
חִירוֺם וְהַגִּבְלִים וַיָּכִינוּ
הָעֵצִים וְהָאֲבָנִים לִבְנֺות הַבָּיִת׃
ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages