1Reg 9

Teljes szövegű keresés

1Reg 9
1Reg 9.1
וַיְהִי כְּכַלּוֺת שְׁלֹמֹה לִבְנֺות
אֶת־בֵּית־יְהוָה וְאֶת־בֵּית הַמֶּלֶך
וְאֵת כָּל־חֵשֶׁק שְׁלֹמֹה אֲשֶׁר חָפֵץ
לַעֲשׂוֺת׃ ף
1Reg 9.2
וַיֵּרָא יְהוָה אֶל־שְׁלֹמֹה שֵׁנִית
כַּאֲשֶׁר נִרְאָה אֵלָיו בְּגִבְעוֺן׃
1Reg 9.3
וַיֺּאמֶר יְהוָה אֵלָיו שָׁמַעְתִּי
אֶת־תְּפִלָּתְךָ וְאֶת־תְּחִנָּתְךָ אֲשֶׁר
הִתְחַנַּנְתָּה לְפָנַי הִקְדַּשְׁתִּי אֶת־הַבַּיִת
הַזֶּה אֲשֶׁר בָּנִה לָשׂוּמ־שְׁמִי
שָׁם עַד־עוֺלָם וְהָיוּ עֵינַי
וְלִבִּי שָׁם כָּל־הַיָּמִים׃
1Reg 9.4
וְאַתָּה אִמ־תֵּלֵך לְפָנַי כַּאֲשֶׁר
הָלַך דָּוִד אָבִיךָ בְּתָמ־לֵבָב
וּבְיֺשֶׁר לַעֲשׂוֺת כְּכֹל אֲשֶׁר צִוִּיתִיךָ
חֻקַּי וּמִשְׁפָּטַי תִּשְׁמֹר׃
1Reg 9.5
וַהֲקִמֹתִי אֶת־כִּסֵּא מַמְלַכְתְּךָ
עַל־יִשְׂרָאֵל לְעֹלָם כַּאֲשֶׁר דִּבַּרְתִּי
עַל־דָּוִד אָבִיךָ לֵאמֹר לֹא־יִכָּרֵת
לְךָ אִישׁ מֵעַל סֵּא יִשְׂרָאֵל׃
1Reg 9.6
אִמ־שׁוֺב תְּשֻׁבוּן אַתֶּם וּבְנֵיכֶם
מֵאַחֲרַי וְלֹא תִשְׁמְרוּ מִצְוֺתַי
חֻקֹּתַי אֲשֶׁר נָתַתִּי לִפְנֵיכֶם
וַהֲלַכְתֶּם וַעֲבַדְתֶּם אֱלֹהִם אֲחֵרִים
וְהִשְׁתַּחֲוִיתֶם לָהֶם׃
1Reg 9.7
וְהִכְרַתִּי אֶת־יִשְׂרָאֵל מֵעַל פְּנֵי
הָאֲדָמָה אֲשֶׁר נָתַתִּי לָהֶם וְאֶת־הַבַּיִת
אֲשֶׁר הִקְדַּשְׁתִּי לִשְׁמִי אֲשַׁלַּח
מֵעַל פָּנָי וְהָיָה יִשְׂרָאֵל לְמָשָׁל
וְלִשְׁנִינָה בְּכָל־הָעַמִּים׃
1Reg 9.8
וְהַבַּיִת הַזֶּה יִהְיֶה עֶלְיֺון
כָּל־עֹבֵר עָלָיו יִשֹּׁם וְשָׁרָק
וְאָמְרוּ עַל־מֶה עָשָׂה יְהוָה
כָּכָה לָאָרֶץ הַזֺּאת וְלַבַּיִת
הַזֶּה׃
1Reg 9.9
וְאָמְרוּ עַל אֲשֶׁר עָזְבוּ אֶת־יְהוָה
אֱלֹהֵיהֶם אֲשֶׁר הוֺצִיא אֶת־אֲבֹתָם
מֵאֶרֶץ מִצְרַיִם וַיַּחֲזִקוּ בֵּאלֹהִים
אֲחֵרִים 1 וַיִּשְׁתַּח 2 וַיִּשְׁתַּחֲווּ לָהֶם
וַיַּעַבְדֻם עַל־כֵּן הֵבִיא יְהוָה
עֲלֵיהֶם אֵת כָּל־הָרָעָה הַזֺּאת׃
ף
1Reg 9.10
וַיְהִי מִקְצֵה עֶשְׂרִים שָׁנָה אֲשֶׁר־בָּנָה
שְׁלֹמֹה אֶת־שְׁנֵי הַבָּתִּים אֶת־בֵּית
יְהוָה וְאֶת־בֵּית הַמֶּלֶך׃
1Reg 9.11
חִירָם מֶלֶכְ־צֹר נִשָּׂא אֶת־שְׁלֹמֹה
בַּעֲצֵי אֲרָזִים וּבַעֲצֵי בְרוֺשִׁים
וּבַזָּהָב לְכָל־חֶפְצוֺ אָז יִתֵּן
הַמֶּלֶך שְׁלֹמֹה לְחִירָם עֶשְׂרִים
עִיר בְּאֶרֶץ הַגָּלִיל׃
1Reg 9.12
וַיֵּצֵא חִירָם מִצֹּר לִרְאוֺת
אֶת־הֶעָרִים אֲשֶׁר נָתַנ־לוֺ שְׁלֹמֹה
וְלֹא יָשְׁרוּ בְּעֵינָיו׃
1Reg 9.13
וַיֺּאמֶר מָה הֶעָרִים הָאֵלֶּה
אֲשֶׁר־נָתַתָּה לִּי אָחִי וַיִּקְרָא
לָהֶם אֶרֶץ כָּבוּל עַד הַיֺּום
הַזֶּה׃ ף
1Reg 9.14
וַיִּשְׁלַח חִירָם לַמֶּלֶך מֵאָה וְעֶשְׂרִים
כִּכַּר זָהָב׃
1Reg 9.15
וְזֶה דְבַר־הַמַּס אֲשֶׁר־הֶעֱלָה
הַמֶּלֶך שְׁלֹמֹה לִבְנֺות אֶת־בֵּית
יְהוָה וְאֶת־בֵּיתוֺ וְאֶת־הַמִּלּוֺא
וְאֵת חוֺמַת יְרוּשָׁלִָם וְאֶת־חָץֹ
וְאֶת־מְגִדּוֺ וְאֶת־גָּזֶר׃
1Reg 9.16
פַּרְעֹה מֶלֶכְ־מִצְרַיִם עָלָה וַיִּלְכֹּד
אֶת־גֶּזֶר וַיִּשְׂרְפָהּ בָּאֵשׁ וְאֶת־הַכְּנַעֲנִי
הַיֺּשֵׁב בָּעִיר הָרָג וַיִּתְּנָהּ
שִׁלֻּחִים בִתּוֺ אֵשֶׁת שְׁלֹמֹה׃
1Reg 9.17
וַיִּבֶן שְׁלֹמֹה אֶת־גָּזֶר וְאֶת־בֵּית
חֹרֹן תַּחְתּוֺן׃
1Reg 9.18
וְאֶת־בַּעֲלָת וְאֶת־תָּמָר 2 תַּדְמֹר
בַּמִּדְבָּר בָּאָרֶץ׃
1Reg 9.19
וְאֵת כָּל־עָרֵי הַמִּסְכְּנֺות אֲשֶׁר
הָיוּ לִשְׁלֹמֹה וְאֵת עָרֵי הָרֶכֶב
וְאֵת עָרֵי הַפָּרָשִׁים וְאֵת חֵשֶׁק
שְׁלֹמֹה אֲשֶׁר חָשַׁק לִבְנֺת בִּירוּשָׁלִַם
וּבַלְּבָנֺון וּבְכֹל אֶרֶץ מֶמְשַׁלְתּוֺ׃
1Reg 9.20
כָּל־הָעָם הַנֺּותָר מִנ־הָאֱמֹרִי
הַחִתִּי הַפְּרִזִּי הַחִוִּי וְהַיְבוּסִי
אֲשֶׁר לֹא־מִבְּנֵי יִשְׂרָאֵל הֵמָּה׃
1Reg 9.21
בְּנֵיהֶם אֲשֶׁר נֺתְרוּ אַחֲרֵיהֶם
בָּאָרֶץ אֲשֶׁר לֹא־יָכְלוּ בְּנֵי
יִשְׂרָאֵל לְהַחֲרִימָם וַיַּעֲלֵם
שְׁלֹמֹה לְמַס־עֹבֵד עַד הַיֺּום
הַזֶּה׃
1Reg 9.22
וּמִבְּנֵי יִשְׂרָאֵל לֹא־נָתַן שְׁלֹמֹה
עָבֶד כִּי־הֵם אַנְשֵׁי הַמִּלְחָמָה
וַעֲבָדָיו וְשָׂרָיו וְשָׁלִשָׁיו
וְשָׂרֵי רִכְבּוֺ וּפָרָשָׁיו׃ ס
1Reg 9.23
אֵלֶּה שָׂרֵי הַנִּצָּבִים אֲשֶׁר עַל־הַמְּלָאכָה
לִשְׁלֹמֹה חֲמִשִּׁים וַחֲמֵשׁ מֵאוֺת
הָרֹדִים בָּעָם הָעֹשִׂים בַּמְּלָאכָה׃
1Reg 9.24
אַך בַּת־פַּרְעֹה עָלְתָה מֵעִיר
דָּוִד אֶל־בֵּיתָהּ אֲשֶׁר בָּנָה־לָהּ
אָז בָּנָה אֶת־הַמִּלּוֺא׃
1Reg 9.25
וְהֶעֱלָה שְׁלֹמֹה שָׁלֹשׁ פְּעָמִים
בַּשָּׁנָה עֹלוֺת וּשְׁלָמִים עַל־הַמִּזְבֵּחַ
אֲשֶׁר בָּנָה לַיהוָה וְהַקְטֵיר
אִתּוֺ אֲשֶׁר לִפְנֵי יְהוָה שִׁלַּם
אֶת־הַבָּיִת׃
1Reg 9.26
וָאֳנִי עָשָׂה הַמֶּלֶך שְׁלֹמֹה בְּעֶצְיֺונ־גֶּבֶר
אֲשֶׁר אֶת־אֵלוֺת עַל־שְׂפַת יַמ־סוּף
בְּאֶרֶץ אֱדוֺם׃
1Reg 9.27
וַיִּשְׁלַח חִירָם בָּאֳנִי אֶת־עֲבָדָיו
אַנְשֵׁי אֳנִיֺּות יֺדְעֵי הַיָּם עִם
עַבְדֵי שְׁלֹמֹה׃
1Reg 9.28
וַיָּבֹאוּ אוֺפִירָה וַיִּקְחוּ מִשָּׁם
זָהָב אַרְבַּע־מֵאוֺת וְעֶשְׂרִים
כִּכָּר וַיָּבִאוּ אֶל־הַמֶּלֶך שְׁלֹמֹה׃
ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages