2Reg 6

Teljes szövegű keresés

2Reg 6
2Reg 6.1
וַיֺּאמְרוּ בְנֵי־הַנְּבִיאִים אֶל־אֱלִישָׁע
הִנֵּה־נָא הַמָּקוֺם אֲשֶׁר אֲנַחְנוּ
יֺשְׁבִים שָׁם לְפָנֶיךָ צַר מִמֶּנּוּ׃
2Reg 6.2
נֵלְכָה־נָּא עַד־הַיַּרְדֵּן וְנִקְחָה
מִשָּׁם אִישׁ קוֺרָה אֶחָת וְנַעֲשֶׂה־לָּנוּ
שָׁם מָקוֺם לָשֶׁבֶת שָׁם וַיֺּאמֶר
לֵכוּ׃
2Reg 6.3
וַיֺּאמֶר הָאֶחָד הוֺאֶל נָא וְלֵך
אֶת־עֲבָדֶיךָ וַיֺּאמֶר אֲנִי אֵלֵך׃
2Reg 6.4
וַיֵּלֶך אִתָּם וַיָּבֹאוּ הַיַּרְדֵּנָה
וַיִּגְזְרוּ הָעֵצִים׃
2Reg 6.5
וַיְהִי הָאֶחָד מַפִּיל הַקּוֺרָה
וְאֶת־הַבַּרְזֶל נָפַל אֶל־הַמָּיִם
וַיִּצְעַק וַיֺּאמֶר אֲהָהּ אֲדֹנִי
וְהוּא שָׁאוּל׃
2Reg 6.6
וַיֺּאמֶר אִישׁ־הָאֱלֹהִים אָנָה
נָפָל וַיַּרְאֵהוּ אֶת־הַמָּקוֺם
וַיִּקְצָב־עֵץ וַיַּשְׁלֶכְ־שָׁמָּה וַיָּצֶף
הַבַּרְזֶל׃
2Reg 6.7
וַיֺּאמֶר הָרֶם לָך וַיִּשְׁלַח יָדוֺ
וַיִּקָּחֵהוּ׃ ף
2Reg 6.8
וּמֶלֶך אֲרָם הָיָה נִלְחָם בְּיִשְׂרָאֵל
וַיִּוָּעַץ אֶל־עֲבָדָיו לֵאמֹר אֶל־מְקוֺם
פְּלֹנִי אַלְמֹנִי תַּחֲנֺתִי׃
2Reg 6.9
וַיִּשְׁלַח אִישׁ הָאֱלֹהִים אֶל־מֶלֶך
יִשְׂרָאֵל לֵאמֹר הִשָּׁמֶר מֵעֲבֹר
הַמָּקוֺם הַזֶּה כִּי־שָׁם אֲרָם נְחִתִּים׃
2Reg 6.10
וַיִּשְׁלַח מֶלֶך יִשְׂרָאֵל אֶל־הַמָּקוֺם
אֲשֶׁר אָמַר־לוֺ אִישׁ־הָאֱלֹהִים 1 וְהִזְהִירָהּ 2 וְהִזְהִירוֺ
וְנִשְׁמַר שָׁם לֹא אַחַת וְלֹא שְׁתָּיִם׃
2Reg 6.11
וַיִּסָּעֵר לֵב מֶלֶכְ־אֲרָם עַל־הַדָּבָר
הַזֶּה וַיִּקְרָא אֶל־עֲבָדָיו וַיֺּאמֶר
אֲלֵיהֶם הֲלוֺא תַּגִּידוּ לִי
מִי מִשֶּׁלָּנוּ אֶל־מֶלֶך יִשְׂרָאֵל׃
2Reg 6.12
וַיֺּאמֶר אַחַד מֵעֲבָדָיו לוֺא
אֲדֹנִי הַמֶּלֶך כִּי־אֱלִישָׁע הַנָּבִיא
אֲשֶׁר בְּיִשְׂרָאֵל יַגִּיד לְמֶלֶך
יִשְׂרָאֵל אֶת־הַדְּבָרִים אֲשֶׁר
תְּדַבֵּר בַּחֲדַר מִשְׁכָּבֶךָ׃
2Reg 6.13
וַיֺּאמֶר לְכוּ וּרְאוּ אֵיכֹה
הוּא וְאֶשְׁלַח וְאֶקָּחֵהוּ וַיֻּגַּד־לוֺ
לֵאמֹר הִנֵּה בְדֹתָן׃
2Reg 6.14
וַיִּשְׁלַח־שָׁמָּה סוּסִים וְרֶכֶב
וְחַיִל כָּבֵד וַיָּבֹאוּ לַיְלָה וַיַּקִּפוּ
עַל־הָעִיר׃
2Reg 6.15
וַיַּשְׁכֵּם מְשָׁרֵת אִישׁ הָאֱלֹהִים
לָקוּם וַיֵּצֵא וְהִנֵּה־חַיִל סוֺבֵב
אֶת־הָעִיר וְסוּס וָרָכֶב וַיֺּאמֶר
נַעֲרוֺ אֵלָיו אֲהָהּ אֲדֹנִיאֵיכָה
נַעֲשֶׂה׃
2Reg 6.16
וַיֺּאמֶר אַל־תִּירָא כִּי רַבִּים
אֲשֶׁר אִתָּנוּ מֵאֲשֶׁר אוֺתָם׃
2Reg 6.17
וַיִּתְפַּלֵּל אֱלִישָׁע וַיֺּאמַר יְהוָה
פְּקַח־נָא אֶת־עֵינָיו וְיִרְאֶה
וַיִּפְקַח יְהוָה אֶת־עֵינֵי הַנַּעַר
וַיַּרְא וְהִנֵּה הָהָר מָלֵא סוּסִים
וְרֶכֶב אֵשׁ סְבִיבֹת אֱלִישָׁע׃
2Reg 6.18
וַיֵּרְדוּ אֵלָיו וַיִּתְפַּלֵּל אֱלִישָׁע
אֶל־יְהוָה וַיֺּאמַר הַכְ־נָא אֶת־הַגֺּוי־הַזֶּה
בַּסַּנְוֵרִים וַיַּכֵּם בַּסַּנְוֵרִים
כִּדְבַר אֱלִישָׁע׃
2Reg 6.19
וַיֺּאמֶר אֲלֵהֶם אֱלִישָׁע לֹא
זֶה הַדֶּרֶך וְלֹא זֺה הָעִיר לְכוּ
אַחֲרַי וְאוֺלִיכָה אֶתְכֶם אֶל־הָאִישׁ
אֲשֶׁר תְּבַקֵּשׁוּן וַיֺּלֶך אוֺתָם
שֹׁמְרוֺנָה׃
2Reg 6.20
וַיְהִי כְּבֹאָם שֹׁמְרוֺן וַיֺּאמֶר
אֱלִישָׁע יְהוָה פְּקַח אֶת־עֵינֵי־אֵלֶּה
וְיִרְאוּ וַיִּפְקַח יְהוָה אֶת־עֵינֵיהֶם
וַיִּרְאוּ וְהִנֵּה בְּתוֺך שֹׁמְרוֺן׃
2Reg 6.21
וַיֺּאמֶר מֶלֶכְ־יִשְׂרָאֵל אֶל־אֱלִישָׁע
כִּרְאֹתוֺ אוֺתָם הַאַכֶּה אַכֶּה אָבִי׃
2Reg 6.22
וַיֺּאמֶר לֹא תַכֶּה הַאֲשֶׁר שָׁבִיתָ
בְּחַרְבְּךָ וּבְקַשְׁתְּךָ אַתָּה מַכֶּה
שִׂים לֶחֶם וָמַיִם לִפְנֵיהֶם וְיֺאכְלוּ
וְיִשְׁתּוּ וְיֵלְד אֶל־אֲדֹנֵיהֶם׃
2Reg 6.23
וַיִּכְרֶה לָהֶם כֵּרָה גְדוֺלָה וַיֺּאכְלוּ
וַיִּשְׁתּוּ וַיְשַׁלְּחֵם וַיֵּלְכוּ אֶל־אֲדֹנֵיהֶם
וְלֹא־יָסְפוּ עוֺד גְּדוּדֵי אֲרָם
לָבוֺאּ בְּאֶרֶץ יִשְׂרָאֵל׃ ף
2Reg 6.24
וַיְהִי אַחֲרֵי־כֵן וַיִּקְבֹּץ בֶּנ־הֲדַד
מֶלֶכְ־אֲרָם אֶת־כָּל־מַחֲנֵהוּ
וַיַּעַל וַיָּצַר עַל־שֹׁמְרוֺן׃
2Reg 6.25
וַיְהִי רָעָב גָּדוֺל בְּשֹׁמְרוֺן
וְהִנֵּה צָרִים עָלֶיהָ עַד הֱיֺות
רֹאשׁ־חֲמוֺר בִּשְׁמֹנִים כֶּסֶף וְרֹבַע
הַקַּב 1 חֲרֵייֺונִים 2 דִּבְיֺונִים
בַּחֲמִשָּׁה־כָסֶף׃
2Reg 6.26
וַיְהִי מֶלֶך יִשְׂרָאֵל עֹבֵר עַל־הַחֹמָה
וְאִשָּׁה צָעֲקָה אֵלָיו לֵאמֹר
הוֺשִׁיעָה אֲדֹנִי הַמֶּלֶך׃
2Reg 6.27
וַיֺּאמֶר אַל־יֺושִׁעֵך יְהוָה
מֵאַיִן אוֺשִׁיעֵך הֲמִנ־הַגֺּרֶן
אוֺ מִנ־הַיָּקֶב׃
2Reg 6.28
וַיֺּאמֶר־לָהּ הַמֶּלֶך מַה־לָּך
וַתֹּאמֶר הָאִשָּׁה הַזֺּאת אָמְרָה
אֵלַי תְּנִי אֶת־בְּנֵך וְנֺאכְלֶנּוּ
הַיֺּום וְאֶת־בְּנִי נֺאכַל מָחָר׃
2Reg 6.29
וַנְּבַשֵּׁל אֶת־בְּנִי וַנֺּאכְלֵהוּ
וָאֹמַר אֵלֶיהָ בַּיֺּום הָאַחֵר
תְּנִי אֶת־בְּנֵך וְנֺאכְלֶנּוּ וַתַּחְבִּא
אֶת־בְּנָהּ׃
2Reg 6.30
וַיְהִי כִשְׁמֹעַ הַמֶּלֶך אֶת־דִּבְרֵי
הָאִשָּׁה וַיִּקְרַע אֶת־בְּגָדָיו וְהוּא
עֹבֵר עַל־הַחֹמָה וַיַּרְא הָעָם
וְהִנֵּה הַשַּׂק עַל־בְּשָׂרוֺ מִבָּיִת׃
2Reg 6.31
וַיֺּאמֶר כֹּה־יַעֲשֶׂה־לִּי אֱלֹהִים
וְכֹה יֺוסִף אִמ־יַעֲמֹד רֹאשׁ
אֱלִישָׁע בֶּנ־שָׁפָט עָלָיו הַיֺּום׃
2Reg 6.32
וֶאֱלִישָׁע יֺשֵׁב בְּבֵיתוֺ וְהַזְּקֵנִים
יֺשְׁבִים אִתּוֺ וַיִּשְׁלַח אִישׁ מִלְּפָנָיו
בְּטֶרֶם יָבֹא הַמַּלְאָך אֵלָיו וְהוּא
אָמַר אֶל־הַזְּקֵנִים הַרְּאִיתֶם
כִּי־שָׁלַח בֶּנ־הַמְרַצֵּחַ הַזֶּה
לְהָסִיר אֶת־רֹאשִׁי רְאוּ כְּבֹא
הַמַּלְאָך סִגְרוּ הַדֶּלֶת וּלְחַצְתֶּם
אֹתוֺ בַּדֶּלֶתהֲלוֺא קוֺל רַגְלֵי
אֲדֹנָיו אַחֲרָיו׃
2Reg 6.33
עוֺדֶנּוּ מְדַבֵּר עִמָּם וְהִנֵּה
הַמַּלְאָך יֺרֵד אֵלָיו וַיֺּאמֶר
הִנֵּה־זֺאת הָרָעָה מֵאֵת יְהוָה
מָה־אוֺחִיל לַיהוָה עוֺד׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages