2Reg 8

Teljes szövegű keresés

2Reg 8
2Reg 8.1
וֶאֱלִישָׁע דִּבֶּר אֶל־הָאִשָּׁה אֲשֶׁר־הֶחֱיָה
אֶת־בְּנָהּ לֵאמֹר קוּמִי וּלְכִי 1 אַתִּי 2 אַתְּ
וּבֵיתֵך וְגוּרִי בַּאֲשֶׁר תָּגוּרִי
כִּי־קָרָאיְהוָה לָרָעָב וְגַמ־בָּא
אֶל־הָאָרֶץ שֶׁבַע שָׁנִים׃
2Reg 8.2
וַתָּקָם הָאִשָּׁה וַתַּעַשׂ כִּדְבַר אִישׁ
הָאֱלֹהִים וַתֵּלֶך הִיא וּבֵיתָהּ
וַתָּגָר בְּאֶרֶצ־פְּלִשְׁתִּים שֶׁבַע
שָׁנִים׃
2Reg 8.3
וַיְהִי מִקְצֵה שֶׁבַע שָׁנִים וַתָּשָׁב
הָאִשָּׁה מֵאֶרֶץ פְּלִשְׁתִּים וַתֵּצֵא
לִצְעֹק אֶל־הַמֶּלֶך אֶל־בֵּיתָהּ
וְאֶל־שָׂדָהּ׃
2Reg 8.4
וְהַמֶּלֶך מְדַבֵּר אֶל־גֵּחֲזִי נַעַר
אִישׁ־הָאֱלֹהִים לֵאמֹר סַפְּרָה־נָּא
לִי אֵת כָּל־הַגְּדֹלוֺת אֲשֶׁר־עָשָׂה
אֱלִישָׁע׃
2Reg 8.5
וַיְהִי הוּא מְסַפֵּר לַמֶּלֶך אֵת
אֲשֶׁר־הֶחֱיָה אֶת־הַמֵּת וְהִנֵּה
הָאִשָּׁה אֲשֶׁר־הֶחֱיָה אֶת־בְּנָהּ
צֹעֶקֶת אֶל־הַמֶּלֶך עַל־בֵּיתָהּ
וְעַל־שָׂדָהּ וַיֺּאמֶר גֵּחֲזִי אֲדֹנִי
הַמֶּלֶך זֺאת הָאִשָּׁה וְזֶה־בְּנָהּ
אֲשֶׁר־הֶחֱיָה אֱלִישָׁע׃
2Reg 8.6
וַיִּשְׁאַל הַמֶּלֶך לָאִשָּׁה וַתְּסַפֶּר־לוֺ
וַיִּתֶּנ־לָהּ הַמֶּלֶך סָרִיס אֶחָד
לֵאמֹר הָשֵׁיב אֶת־כָּל־אֲשֶׁר־לָהּ
וְאֵת כָּל־תְּבוּאֹת הַשָּׂדֶה מִיֺּום
עָזְבָה אֶת־הָאָרֶץ וְעַד־עָתָּה׃
ף
2Reg 8.7
וַיָּבֹא אֱלִישָׁע דַּמֶּשֶׂק וּבֶנ־הֲדַד
מֶלֶכְ־אֲרָם חֹלֶה וַיֻּגַּד־לוֺ
לֵאמֹר בָּא אִישׁ הָאֱלֹהִים עַד־הֵנָּה׃
2Reg 8.8
וַיֺּאמֶר הַמֶּלֶך אֶל־חֲזָהאֵל קַח
בְּיָדְךָ מִנְחָה וְלֵך לִקְרַאת אִישׁ
הָאֱלֹהִים וְדָרַשְׁתָּ אֶת־יְהוָה
מֵאוֺתוֺ לֵאמֹר הַאֶחְיֶה מֵחֳלִי
זֶה׃
2Reg 8.9
וַיֵּלֶך חֲזָאֵל לִקְרָאתוֺ וַיִּקַּח
מִנְחָה בְיָדוֺ וְכָל־טוּב דַּמֶּשֶׂק
מַשָּׂא אַרְבָּעִים גָּמָל וַיָּבֹא וַיַּעֲמֹד
לְפָנָיו וַיֺּאמֶר בִּךָ בֶנ־הֲדַד
מֶלֶכְ־אֲרָם שְׁלָחַנִי אֵלֶיךָ לֵאמֹר
הַאֶחְיֶה מֵחֳלִי זֶה׃
2Reg 8.10
וַיֺּאמֶר אֵלָיו אֱלִישָׁע לֵך אֱמָר־לֹא 2 לוֺ
חָיֺה תִחְיֶה וְהִרְאַנִי יְהוָה
כִּי־מוֺת יָמוּת׃
2Reg 8.11
וַיַּעֲמֵד אֶת־פָּנָיו וַיָּשֶׂם עַד־בֹּשׁ
וַיֵּבְךְּ אִישׁ הָאֱלֹהִים׃
2Reg 8.12
וַיֺּאמֶר חֲזָאֵל מַדּוּעַ אֲדֹנִי
בֹכֶה וַיֺּאמֶר כִּי־יָדַעְתִּי אֵת
אֲשֶׁר־תַּעֲשֶׂה לִבְנֵי יִשְׂרָאֵל
רָעָה מִבְצְרֵיהֶם תְּשַׁלַּח בָּאֵשׁ
וּבַחֻרֵיהֶם בַּחֶרֶב תַּהֲרֹג וְעֹלְלֵיהֶם
תְּרַטֵּשׁ וְהָרֹתֵיהֶם תְּבַקֵּעַ׃
2Reg 8.13
וַיֺּאמֶר חֲזָהאֵל כִּי מָה עַבְדְּךָ
הַכֶּלֶב כִּי יַעֲשֶׂה הַדָּבָר הַגָּדוֺל
הַזֶּה וַיֺּאמֶר אֱלִישָׁע הִרְאַנִי
יְהוָה אֹתְךָ מֶלֶך עַל־אֲרָם׃
2Reg 8.14
וַיֵּלֶך מֵאֵת אֱלִישָׁע וַיָּבֹא אֶל־אֲדֹנָיו
וַיֺּאמֶר לוֺ מָה־אָמַר לְךָ אֱלִישָׁע
וַיֺּאמֶר אָמַר לִי חָיֺה תִחְיֶה׃
2Reg 8.15
וַיְהִי מִמָּחֳרָת וַיִּקַּח הַמַּכְבֵּר
וַיִּטְבֹּל בַּמַּיִם וַיִּפְרֹשׂ עַל־פָּנָיו
וַיָּמֹת וַיִּמְלֹך חֲזָהאֵל תַּחְתָּיו׃
ף
2Reg 8.16
וּבִשְׁנַת חָמֵשׁ לְיֺורָם בֶּנ־אַחְאָב
מֶלֶך יִשְׂרָאֵל וִיהוֺשָׁפָט מֶלֶך
יְהוּדָה מָלַך יְהוֺרָם בֶּנ־יְהוֺשָׁפָט
מֶלֶך יְהוּדָה׃
2Reg 8.17
בֶּנ־שְׁלֹשִׁים וּשְׁתַּיִם שָׁנָה הָיָה
בְמָלְכוֺ וּשְׁמֹנֶה 1 שָׁנָה 2 שָׁנִים
מָלַך בִּירוּשָׁלִָם׃
2Reg 8.18
וַיֵּלֶך בְּדֶרֶך מַלְכֵי יִשְׂרָאֵל
כַּאֲשֶׁר עָשׂוּ בֵּית אַחְאָב כִּי
בַּת־אַחְאָב הָיְתָה־לּוֺ לְאִשָּׁה
וַיַּעַשׂ הָרַע בְּעֵינֵי יְהוָה׃
2Reg 8.19
וְלֹא־אָבָה יְהוָה לְהַשְׁחִית
אֶת־יְהוּדָה לְמַעַן דָּוִד עַבְדּוֺ
כַּאֲשֶׁר אָמַר־לוֺ לָתֵת לוֺ נִיר
לְבָנָיו כָּל־הַיָּמִים׃
2Reg 8.20
בְּיָמָיו פָּשַׁע אֱדוֺם מִתַּחַת יַד־יְהוּדָה
וַיַּמְלִכוּ עֲלֵיהֶם מֶלֶך׃
2Reg 8.21
וַיַּעֲבֹר יֺורָם צָעִירָה וְכָל־הָרֶכֶב
עִמּוֺ וַיְהִי־הוּא קָם לַיְלָה
וַיַּכֶּה אֶת־אֱדוֺם הַסֹּבֵיב אֵלָיו
וְאֵת שָׂרֵי הָרֶכֶב וַיָּנָס עָם
לְאֹהָלָיו׃
2Reg 8.22
וַיִּפְשַׁע אֱדוֺם מִתַּחַת יַד־יְהוּדָה
עַד הַיֺּום הַזֶּה אָז תִּפְשַׁע
לִבְנָה בָּעֵת הַהִיא׃
2Reg 8.23
וְיֶתֶר דִּבְרֵי יֺורָם וְכָל־אֲשֶׁר
עָשָׂה הֲלוֺא־הֵם כְּתוּבִים עַל־סֵפֶר
דִּבְרֵי הַיָּמִים לְמַלְכֵי יְהוּדָה׃
2Reg 8.24
וַיִּשְׁכַּב יֺורָם עִמ־אֲבֹתָיו וַיִּקָּבֵר
עִמ־אֲבֹתָיו בְּעִיר דָּוִד וַיִּמְלֹך
אֲחַזְיָהוּ בְנֺו תַּחְתָּיו׃ ף
2Reg 8.25
בִּשְׁנַת שְׁתֵּימ־עֶשְׂרֵה שָׁנָה לְיֺורָם
בֶּנ־אַחְאָב מֶלֶך יִשְׂרָאֵל מָלַך
אֲחַזְיָהוּ בֶנ־יְהוֺרָם מֶלֶך יְהוּדָה׃
2Reg 8.26
בֶּנ־עֶשְׂרִים וּשְׁתַּיִם שָׁנָה אֲחַזְיָהוּ
בְמָלְכוֺ וְשָׁנָה אַחַת מָלַך בִּירוּשָׁלִָם
וְשֵׁם אִמּוֺ עֲתַלְיָהוּ בַּת־עָמְרִי
מֶלֶך יִשְׂרָאֵל׃
2Reg 8.27
וַיֵּלֶך בְּדֶרֶך בֵּית אַחְאָב וַיַּעַשׂ
הָרַע בְּעֵינֵי יְהוָה כְּבֵית
אַחְאָב כִּי חֲתַן בֵּית־אַחְאָב
הוּא׃
2Reg 8.28
וַיֵּלֶך אֶת־יֺורָם בֶּנ־אַחְאָב
לַמִּלְחָמָה עִמ־חֲזָהאֵל מֶלֶכְ־אֲרָם
בְּרָמֹת גִּלְעָד וַיַּכּוּ אֲרַמִּים
אֶת־יֺורָם׃
2Reg 8.29
וַיָּשָׁב יֺורָם הַמֶּלֶך לְהִתְרַפֵּא
בְיִזְרְעֶאל מִנ־הַמַּכִּים אֲשֶׁר
יַכֻּהוּ אֲרַמִּים בָּרָמָה בְּהִלָּחֲמוֺ
אֶת־חֲזָהאֵל מֶלֶך אֲרָמוַאֲחַזְיָהוּ
בֶנ־יְהוֺרָם מֶלֶך יְהוּדָה יָרַד
לִרְאוֺת אֶת־יֺורָם בֶּנ־אַחְאָב
בְּיִזְרְעֶאל כִּי־חֹלֶה הוּא׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages