1Chron 1

Teljes szövegű keresés

1Chron 1
1Chron 1.1
אָדָם שֵׁת אֱנֺושׁ׃
1Chron 1.2
קֵינָן מַהֲלַלְאֵל יָרֶד׃
1Chron 1.3
חֲנֺוך מְתוּשֶׁלַח לָמֶך׃
1Chron 1.4
נֺחַ שֵׁם חָם וָיָפֶת׃ ס
1Chron 1.5
בְּנֵי יֶפֶת גֺּמֶר וּמָגֺוג וּמָדַי
וְיָוָן וְתֻבָל וּמֶשֶׁך וְתִירָס׃
ס
1Chron 1.6
וּבְנֵי גֺּמֶר אַשְׁכֲּנַז וְדִיפַת
וְתוֺגַרְמָה׃
1Chron 1.7
וּבְנֵי יָוָן אֱלִישָׁה וְתַרְשִׁישָׁה
כִּתִּים וְרוֺדָנִים׃ ס
1Chron 1.8
בְּנֵי חָם כּוּשׁ וּמִצְרַיִם פּוּט
וּכְנָעַן׃
1Chron 1.9
וּבְנֵי כוּשׁ סְבָא וַחֲוִילָה וְסַבְתָּא
וְרַעְמָא וְסַבְתְּכָא וּבְנֵי רַעְמָא
שְׁבָא וּדְדָן׃ ס
1Chron 1.10
וְכוּשׁ יָלַד אֶת־נִמְרוֺד הוּא
הֵחֵל לִהְיֺות גִּבּוֺר בָּאָרֶץ׃
ס
1Chron 1.11
וּמִצְרַיִם יָלַד אֶת־לוּדִיִּים 2 לוּדִים
וְאֶת־עֲנָמִים וְאֶת־לְהָבִים וְאֶת־נַפְתֻּחִים׃
1Chron 1.12
וְאֶת־פַּתְרֻסִים וְאֶת־כַּסְלֻחִים
אֲשֶׁר יָצְאוּ מִשָּׁם פְּלִשְׁתִּים וְאֶת־כַּפְתֹּרִים׃
ס
1Chron 1.13
וּכְנַעַן יָלַד אֶת־צִידוֺן בְּכֹרוֺ
וְאֶת־חֵת׃
1Chron 1.14
וְאֶת־הַיְבוּסִי וְאֶת־הָאֱמֹרִי
וְאֵת הַגִּרְגָּשִׁי׃
1Chron 1.15
וְאֶת־הַחִוִּי וְאֶת־הַעַרְקִי וְאֶת־הַסִּינִי׃
1Chron 1.16
וְאֶת־הָאַרְוָדִי וְאֶת־הַצְּמָרִי
וְאֶת־הַחֲמָתִי׃ ס
1Chron 1.17
בְּנֵי שֵׁם עֵילָם וְאַשּׁוּר וְאַרְפַּכְשַׁד
וְלוּד וַאֲרָם וְעוּץ וְחוּל וְגֶתֶר
וָמֶשֶׁך׃ ס
1Chron 1.18
וְאַרְפַּכְשַׁד יָלַד אֶת־שָׁלַח וְשֶׁלַח
יָלַד אֶת־עֵבֶר׃
1Chron 1.19
וּלְעֵבֶר יֻלַּד שְׁנֵי בָנִים שֵׁם
הָאֶחָד פֶּלֶג כִּי בְיָמָיו נִפְלְגָה
הָאָרֶץ וְשֵׁם אָחִיו יָקְטָן׃
1Chron 1.20
וְיָקְטָן יָלַד אֶת־אַלְמוֺדָד
וְאֶת־שָׁלֶף וְאֶת־חֲצַרְמָוֶת וְאֶת־יָרַח׃
1Chron 1.21
וְאֶת־הֲדוֺרָם וְאֶת־אוּזָל וְאֶת־דִּקְלָה׃
1Chron 1.22
וְאֶת־עֵיבָל וְאֶת־אֲבִימָאֵל וְאֶת־שְׁבָא׃
1Chron 1.23
וְאֶת־אוֺפִיר וְאֶת־חֲוִילָה וְאֶת־יֺובָב
כָּל־אֵלֶּה בְּנֵי יָקְטָן׃ ס
1Chron 1.24
שֵׁם אַרְפַּכְשַׁד שָׁלַח׃
1Chron 1.25
עֵבֶר פֶּלֶג רְעוּ׃
1Chron 1.26
שְׂרוּג נָחוֺר תָּרַח׃
1Chron 1.27
אַבְרָם הוּא אַבְרָהָם׃ ס
1Chron 1.28
בְּנֵי אַבְרָהָם יִצְחָק וְיִשְׁמָעֵאל׃
ס
1Chron 1.29
אֵלֶּה תֹּלְדוֺתָם בְּכוֺר יִשְׁמָעֵאל
נְבָיֺות וְקֵדָר וְאַדְבְּאֵל וּמִבְשָׂם׃
1Chron 1.30
מִשְׁמָע וְדוּמָה מַשָּׂא חֲדַד וְתֵימָא׃
1Chron 1.31
יְטוּר נָפִישׁ וָקֵדְמָה אֵלֶּה
הֵם בְּנֵי יִשְׁמָעֵאל׃ ס
1Chron 1.32
וּבְנֵי קְטוּרָה פִּילֶגֶשׁ אַבְרָהָם
יָלְדָה אֶת־זִמְרָן וְיָקְשָׁן וּמְדָן
וּמִדְיָן וְיִשְׁבָּק וְשׁוּחַ וּבְנֵי
יָקְשָׁן שְׁבָא וּדְדָן׃ ס
1Chron 1.33
וּבְנֵי מִדְיָן עֵיפָה וָעֵפֶר וַחֲנֺוך
וַאֲבִידָע וְאֶלְדָּעָה כָּל־אֵלֶּה
בְּנֵי קְטוּרָה׃ ס
1Chron 1.34
וַיֺּולֶד אַבְרָהָם אֶת־יִצְחָק ס
בְּנֵי יִצְחָק עֵשָׂו וְיִשְׂרָאֵל׃
ס
1Chron 1.35
בְּנֵי עֵשָׂו אֱלִיפַז רְעוּאֵל וִיעוּשׁ
וְיַעְלָם וְקֹרַח׃ ס
1Chron 1.36
בְּנֵי אֱלִיפָז תֵּימָן וְאוֺמָר
צְפִי וְגַעְתָּם קְנַז וְתִמְנָע
וַעֲמָלֵק׃ ס
1Chron 1.37
בְּנֵי רְעוּאֵל נַחַת זֶרַח שַׁמָּה
וּמִזָּה׃ ס
1Chron 1.38
וּבְנֵי שֵׂעִיר לוֺטָן וְשׁוֺבָל
וְצִבְעוֺן וַעֲנָה וְדִישֹׁן וְאֵצֶר
וְדִישָׁן׃
1Chron 1.39
וּבְנֵי לוֺטָן חֹרִי וְהוֺמָם
וַאֲחוֺת לוֺטָן תִּמְנָע׃ ס
1Chron 1.40
בְּנֵי שׁוֺבָל עַלְיָן וּמָנַחַת
וְעֵיבָל שְׁפִי וְאוֺנָם ס וּבְנֵי
צִבְעוֺן אַיָּה וַעֲנָה׃
1Chron 1.41
בְּנֵי עֲנָה דִּישׁוֺן ס וּבְנֵי
דִישׁוֺן חַמְרָן וְאֶשְׁבָּן וְיִתְרָן
וּכְרָן׃ ס
1Chron 1.42
בְּנֵי־אֵצֶר בִּלְהָן וְזַעֲוָן יַעֲקָן
בְּנֵי דִישׁוֺן עוּץ וַאֲרָן׃ ף
1Chron 1.43
וְאֵלֶּה הַמְּלָכִים אֲשֶׁר מָלְכוּ
בְּאֶרֶץ אֱדוֺם לִפְנֵי מְלָכְ־מֶלֶך
לִבְנֵי יִשְׂרָאֵל בֶּלַע בֶּנ־בְּעוֺר
וְשֵׁם עִירוֺ דִּנְהָבָה׃
1Chron 1.44
וַיָּמָת בָּלַע וַיִּמְלֹך תַּחְתָּיו
יֺובָב בֶּנ־זֶרַח מִבָּצְרָה׃
1Chron 1.45
וַיָּמָת יֺובָב וַיִּמְלֹך תַּחְתָּיו
חוּשָׁם מֵאֶרֶץ הַתֵּימָנִי׃
1Chron 1.46
וַיָּמָת חוּשָׁם וַיִּמְלֹך תַּחְתָּיו
הֲדַד בֶּנ־בְּדַד הַמַּכֶּה אֶת־מִדְיָן
בִּשְׂדֵה מוֺאָב וְשֵׁם עִירוֺ 1 עֲיֺות 2 עֲוִית׃
1Chron 1.47
וַיָּמָת הֲדָד וַיִּמְלֹך תַּחְתָּיו
שַׂמְלָה מִמַּשְׂרֵקָה׃
1Chron 1.48
וַיָּמָת שַׂמְלָה וַיִּמְלֹך תַּחְתָּיו
שָׁאוּל מֵרְחֹבוֺת הַנָּהָר׃
1Chron 1.49
וַיָּמָת שָׁאוּל וַיִּמְלֹך תַּחְתָּיו
בַּעַל חָנָן בֶּנ־עַכְבּוֺר׃
1Chron 1.50
וַיָּמָת בַּעַל חָנָן וַיִּמְלֹך תַּחְתָּיו
הֲדַד וְשֵׁם עִירוֺ פָּעִי וְשֵׁם
אִשְׁתּוֺ מְהֵיטַבְאֵל בַּת־מַטְרֵד
בַּת מֵי זָהָב׃
1Chron 1.51
וַיָּמָת הֲדָד ס וַיִּהְיוּ אַלּוּפֵי
אֱדוֺם אַלּוּף תִּמְנָע אַלּוּף 1 עַלְיָה 2 עַלְוָה
אַלּוּף יְתֵת׃
1Chron 1.52
אַלּוּף אָהֳלִיבָמָה אַלּוּף אֵלָה
אַלּוּף פִּינֺן׃
1Chron 1.53
אַלּוּף קְנַז אַלּוּף תֵּימָן אַלּוּף
מִבְצָר׃
1Chron 1.54
אַלּוּף מַגְדִּיאֵל אַלּוּף עִירָם
אֵלֶּה אַלּוּפֵי אֱדוֺם׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages