1Chron 11

Teljes szövegű keresés

1Chron 11
1Chron 11.1
וַיִּקָּבְצוּ כָל־יִשְׂרָאֵל אֶל־דָּוִיד
חֶבְרוֺנָה לֵאמֹר הִנֵּה עַצְמְךָ
וּבְשָׂרְךָ אֲנָחְנוּ׃
1Chron 11.2
גַּמ־תְּמוֺל גַּמ־שִׁלְשׁוֺם גַּם בִּהְיֺות
שָׁאוּל מֶלֶך אַתָּה הַמּוֺצִיא
וְהַמֵּבִיא אֶת־יִשְׂרָאֵל וַיֺּאמֶר
יְהוָה אֱלֹהֶיךָ לְךָ אַתָּה תִרְה
אֶת־עַמִּי אֶת־יִשְׂרָאֵל וְאַתָּה
תִּהְיֶה נָגִיד עַל עַמִּי יִשְׂרָאֵל׃
1Chron 11.3
וַיָּבֹאוּ כָּל־זִקְנֵי יִשְׂרָאֵל
אֶל־הַמֶּלֶך חֶבְרוֺנָה וַיִּכְרֹת
לָהֶם דָּוִיד בְּרִית בְּחֶבְרוֺן
לִפְנֵי יְהוָה וַיִּמְשְׁחוּ אֶת־דָּוִיד
לְמֶלֶך עַל־יִשְׂרָאֵל כִּדְבַר יְהוָה
בְּיַד־שְׁמוּאֵל׃ ס
1Chron 11.4
וַיֵּלֶך דָּוִיד וְכָל־יִשְׂרָאֵל
יְרוּשָׁלִַם הִיא יְבוּס וְשָׁם הַיְבוּסִי
יֺשְׁבֵי הָאָרֶץ׃
1Chron 11.5
וַיֺּאמְרוּ יֺשְׁבֵי יְבוּס לְדָוִיד
לֹא תָבוֺא הֵנָּה וַיִּלְכֹּד דָּוִיד
אֶת־מְצֻדַת צִיֺּון הִיא עִיר
דָּוִיד׃
1Chron 11.6
וַיֺּאמֶר דָּוִיד כָּל־מַכֵּה יְבוּסִי
בָּרִאשׁוֺנָה יִהְיֶה לְרֹאשׁ וּלְשָׂר
וַיַּעַל בָּרִאשׁוֺנָה יֺואָב בֶּנ־צְרוּיָה
וַיְהִי לְרֹאשׁ׃
1Chron 11.7
וַיֵּשֶׁב דָּוִיד בַּמְצָד עַל־כֵּן
קָרְאוּ־לוֺ עִיר דָּוִיד׃
1Chron 11.8
וַיִּבֶן הָעִיר מִסָּבִיב מִנ־הַמִּלּוֺא
וְעַד־הַסָּבִיב וְיֺואָב יְחַיֶּה
אֶת־שְׁאָר הָעִיר׃
1Chron 11.9
וַיֵּלֶך דָּוִיד הָלוֺך וְגָדוֺל
וַיהוָה צְבָאוֺת עִמּוֺ׃ ף
1Chron 11.10
וְאֵלֶּה רָאשֵׁי הַגִּבּוֺרִים אֲשֶׁר
לְדָוִיד הַמִּתְחַזְּקִים עִמּוֺ בְמַלְכוּתוֺ
עִמ־כָּל־יִשְׂרָאֵל לְהַמְלִיכוֺ כִּדְבַר
יְהוָה עַל־יִשְׂרָאֵל׃ ס
1Chron 11.11
וְאֵלֶּה מִסְפַּר הַגִּבֹּרִים אֲשֶׁר
לְדָוִיד יָשָׁבְעָם בֶּנ־חַכְמוֺנִי
רֹאשׁ 1 הַשְּׁלוֺשִׁים 2 הַשָּׁלִישִׁים
הוּא־עוֺרֵר אֶת־חֲנִיתוֺ עַל־שְׁלֹשׁ־מֵאוֺת
חָלָל בְּפַעַם אֶחָת׃
1Chron 11.12
וְאַחֲרָיו אֶלְעָזָר בֶּנ־דּוֺדוֺ
הָאֲחוֺחִי הוּא בִּשְׁלוֺשָׁה הַגִּבֹּרִים׃
1Chron 11.13
הוּא־הָיָה עִמ־דָּוִיד בַּפַּס דַּמִּים
וְהַפְּלִשְׁתִּים נֶאֱסְפוּ־שָׁם לַמִּלְחָמָה
וַתְּהִי חֶלְקַת הַשָּׂדֶה מְלֵאָה שְׂעוֺרִים
וְהָעָם נָסוּ מִפְּנֵי פְלִשְׁתִּים׃
1Chron 11.14
וַיִּתְיַצְּבוּ בְתוֺכְ־הַחֶלְקָה וַיַּצִּילוּהָ
וַיַּכּוּ אֶת־פְּלִשְׁתִּים וַיֺּושַׁע
יְהוָה תְּשׁוּעָה גְדוֺלָה׃
1Chron 11.15
וַיֵּרְדוּ שְׁלוֺשָׁה מִנ־הַשְּׁלוֺשִׁים
רֹאשׁ עַל־הַצֻּר אֶל־דָּוִיד אֶל־מְעָרַת
עֲדֻלָּם וּמַחֲנֵה פְלִשְׁתִּים חֹנָה
בְּעֵמֶק רְפָאִים׃
1Chron 11.16
וְדָוִיד אָז בַּמְּצוּדָה וּנְצִיב
פְּלִשְׁתִּים אָז בְּבֵית לָחֶם׃
1Chron 11.17
וַיִּתְאָו 2 וַיִּתְאָיו דָּוִיד וַיֺּאמַר
מִי יַשְׁקֵנִי מַיִם מִבּוֺר בֵּית־לֶחֶם
אֲשֶׁר בַּשָּׁעַר׃
1Chron 11.18
וַיִּבְקְעוּ הַשְּׁלֹשָׁה בְּמַחֲנֵה פְלִשְׁתִּים
וַיִּשְׁאֲבוּ־מַיִם מִבּוֺר בֵּית־לֶחֶם
אֲשֶׁר בַּשַּׁעַר וַיִּשְׂאוּ וַיָּבִאוּ
אֶל־דָּוִיד וְלֹאאָבָה דָוִיד לִשְׁתּוֺתָם
וַיְנַסֵּך אֹתָם לַיהוָה׃
1Chron 11.19
וַיֺּאמֶר חָלִילָה לִּי מֵאֱלֹהַי
מֵעֲשׂוֺת זֺאת הֲדַם הָאֲנָשִׁים
הָאֵלֶּה אֶשְׁתֶּה בְנַפְשׁוֺתָם כִּי
בְנַפְשׁוֺתָם הֱבִיאוּם וְלֹא אָבָה
לִשְׁתּוֺתָם אֵלֶּה עָשׂוּ שְׁלֹשֶׁת הַגִּבּוֺרִים׃
1Chron 11.20
וְאַבְשַׁי אֲחִי־יֺואָב הוּא הָיָה
רֹאשׁ הַשְּׁלוֺשָׁה וְהוּא עוֺרֵר
אֶת־חֲנִיתוֺ עַל־שְׁלֹשׁ מֵאוֺת
חָלָל 1 וְלֹא 2 וְלוֺ־שֵׁם בַּשְּׁלוֺשָׁה׃
1Chron 11.21
מִנ־הַשְּׁלוֺשָׁה בַשְּׁנַיִם נִכְבָּד
וַיְהִי לָהֶם לְשָׂר וְעַד־הַשְּׁלוֺשָׁה
לֹא־בָא׃ ס
1Chron 11.22
בְּנָיָה בֶנ־יְהוֺיָדָע בֶּנ־אִישׁ־חַיִל
רַב־פְּעָלִים מִנ־קַבְצְאֵל הוּא
הִכָּה אֵת שְׁנֵי אֲרִיאֵל מוֺאָב
וְהוּא יָרַד וְהִכָּה אֶת־הָאֲרִיבְּתוֺך
הַבּוֺר בְּיֺום הַשָּׁלֶג׃
1Chron 11.23
וְהוּא־הִכָּה אֶת־הָאִישׁ הַמִּצְרִי
אִישׁ מִדָּה חָמֵשׁ בָּאַמָּה וּבְיַד
הַמִּצְרִי חֲנִית כִּמְנֺור אֹרְגִים
וַיֵּרֶד אֵלָיו בַּשָּׁבֶט וַיִּגְזֺל
אֶת־הַחֲנִית מִיַּד הַמִּצְרִי וַיַּהַרְגֵהוּ
בַּחֲנִיתוֺ׃
1Chron 11.24
אֵלֶּה עָשָׂה בְּנָיָהוּ בֶּנ־יְהוֺיָדָע
וְלוֺ־שֵׁם בִּשְׁלוֺשָׁה הַגִּבֹּרִים׃
1Chron 11.25
מִנ־הַשְּׁלוֺשִׁים הִנֺּו נִכְבָּד הוּא
וְאֶל־הַשְּׁלוֺשָׁה לֹא־בָא וַיְשִׂימֵהוּ
דָוִיד עַל־מִשְׁמַעְתּוֺ׃ ס
1Chron 11.26
וְגִבּוֺרֵי הַחֲיָלִים עֲשָׂה־אֵל
אֲחִי יֺואָב אֶלְחָנָן בֶּנ־דּוֺדוֺ
מִבֵּית לָחֶם׃ ס
1Chron 11.27
שַׁמּוֺת הַהֲרוֺרִי חֶלֶץ הַפְּלוֺנִי׃
ס
1Chron 11.28
עִירָא בֶנ־עִקֵּשׁ הַתְּקוֺעִי אֲבִיעֶזֶר
הָעֲנְּתוֺתִי׃ ס
1Chron 11.29
סִבְּכַי הַחֻשָׁתִי עִילַי הָאֲחוֺחִי׃
ס
1Chron 11.30
מַהְרַי הַנְּטֹפָתִי חֵלֶד בֶּנ־בַּעֲנָה
הַנְּטוֺפָתִי׃ ס
1Chron 11.31
אִיתַי בֶּנ־רִיבַי מִגִּבְעַת בְּנֵי
בִנְיָמִן ס בְּנָיָה הַפִּרְעָתֹנִי׃
1Chron 11.32
חוּרַי מִנַּחֲלֵי גָעַשׁ ס אֲבִיאֵל
הָעַרְבָתִי׃ ס
1Chron 11.33
עַזְמָוֶת הַבַּחֲרוּמִי אֶלְיַחְבָּא
הַשַּׁעַלְבֹנִי׃ ס
1Chron 11.34
בְּנֵי הָשֵׁם הַגִּזֺונִי יֺונָתָן
בֶּנ־שָׁגֵה הַהֲרָרִי׃ ס
1Chron 11.35
אֲחִיאָם בֶּנ־שָׂכָר הַהֲרָרִי אֱלִיפַל
בֶּנ־אוּר׃ ס
1Chron 11.36
חֵפֶר הַמְּכֵרָתִי אֲחִיָּה הַפְּלֹנִי׃
ס
1Chron 11.37
חֶצְרוֺ הַכַּרְמְלִי נַעֲרַי בֶּנ־אֶזְבָּי׃
ס
1Chron 11.38
יֺואֵל אֲחִי נָתָן מִבְחָר בֶּנ־הַגְרִי׃
ס
1Chron 11.39
צֶלֶק הָעַמּוֺנִי נַחְרַי הַבֵּרֹתִי
נֺשֵׂא כְּלֵי יֺואָב בֶּנ־צְרוּיָה׃
ס
1Chron 11.40
עִירָא הַיִּתְרִי גָּרֵב הַיִּתְרִי׃
ס
1Chron 11.41
אוּרִיָּה הַחִתִּי זָבָד בֶּנ־אַחְלָי׃
ס
1Chron 11.42
עֲדִינָא בֶנ־שִׁיזָא הָראוּבֵנִי
רֹאשׁ לָראוּבֵנִי וְעָלָיו שְׁלוֺשִׁים׃
ס
1Chron 11.43
חָנָן בֶּנ־מַעֲכָה וְיֺושָׁפָט הַמִּתְנִי׃
ס
1Chron 11.44
עֻזִיָּא הָעֲשְׁתְּרָתִי שָׁמָע 1 וִיעוּאֵל 2 וִיעִיאֵל
ס בְּנֵי חוֺתָם הָעֲרֹעֵרִי׃ ס
1Chron 11.45
יְדִיעֲאֵל בֶּנ־שִׁמְרִי וְיֺחָא אָחִיו
הַתִּיצִי׃ ס
1Chron 11.46
אֱלִיאֵל הַמַּחֲוִים וִירִיבַי וְיֺושַׁוְיָה
בְּנֵי אֶלְנָעַם וְיִתְמָה הַמּוֺאָבִי׃
1Chron 11.47
אֱלִיאֵל וְעוֺבֵד וְיַעֲשִׂיאֵל הַמְּצֹבָיָה׃
ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages