1Chron 16

Teljes szövegű keresés

1Chron 16
1Chron 16.1
וַיָּבִיאוּ אֶת־אֲרוֺן הָאֱלֹהִים
וַיַּצִּיגוּ אֹתוֺ בְּתוֺך הָאֹהֶל
אֲשֶׁר נָטָה־לוֺ דָּוִיד וַיַּקְרִיבוּ
עֹלוֺת וּשְׁלָמִים לִפְנֵי הָאֱלֹהִים׃
1Chron 16.2
וַיְכַל דָּוִיד מֵהַעֲלוֺת הָעֹלָה
וְהַשְּׁלָמִים וַיְבָרֶך אֶת־הָעָם
בְּשֵׁם יְהוָה׃
1Chron 16.3
וַיְחַלֵּק לְכָל־אִישׁ יִשְׂרָאֵל
מֵאִישׁ וְעַד־אִשָּׁה לְאִישׁ כִּכַּר־לֶחֶם
וְאֶשְׁפָּר וַאֲשִׁישָׁה׃
1Chron 16.4
וַיִּתֵּן לִפְנֵי אֲרוֺן יְהוָה מִנ־הַלְוִיִּם
מְשָׁרְתִים וּלְהַזְכִּיר וּלְהוֺדוֺת
וּלְהַלֵּל לַיהוָה אֱלֹהֵי יִשְׂרָאֵל׃
ף
1Chron 16.5
אָסָף הָרֹאשׁ וּמִשְׁנֵהוּ זְכַרְיָה
יְעִיאֵל וּשְׁמִירָמוֺת וִיחִיאֵל
וּמַתִּתְיָה וֶאֱלִיאָב וּבְנָיָהוּ
וְעֹבֵד אֱדֹם וִיעִיאֵל בִּכְלֵי
נְבָלִים וּבְכִנֺּרוֺת וְאָסָף בַּמְצִלְתַּיִם
מַשְׁמִיעַ׃
1Chron 16.6
וּבְנָיָהוּ וְיַחֲזִיאֵל הַכֹּהֲנִים
בַּחֲצֹצְרוֺת תָּמִיד לִפְנֵי אֲרוֺן
בְּרִית־הָאֱלֹהִים׃
1Chron 16.7
בַּיֺּום הַהוּא אָז נָתַן דָּוִיד
בָּרֹאשׁ לְהֹדוֺת לַיהוָה בְּיַד־אָסָף
וְאֶחָיו׃ ף
1Chron 16.8
הוֺדוּ לַיהוָה קִרְאוּ בִשְׁמוֺ
הוֺדִיעוּ בָעַמִּים עֲלִילֹתָיו׃
1Chron 16.9
שִׁירוּ לוֺ זַמְּרוּ־לוֺ שִׂיחוּ
בְּכָל־נִפְלְאֹתָיו׃
1Chron 16.10
הִתְהַלְלוּ בְּשֵׁם קָדְשׁוֺ יִשְׂמַח
לֵב מְבַקְשֵׁי יְהוָה׃
1Chron 16.11
דִּרְשׁוּ יְהוָה וְעֻזֺּו בַּקְּשׁוּ פָנָיו
תָּמִיד׃
1Chron 16.12
זִכְרוּ נִפְלְאֹתָיו אֲשֶׁר עָשָׂה
מֹפְתָיו וּמִשְׁפְּטֵי־פִיהוּ׃
1Chron 16.13
זֶרַע יִשְׂרָאֵל עַבְדּוֺ בְּנֵי יַעֲקֹב
בְּחִירָיו׃
1Chron 16.14
הוּא יְהוָה אֱלֹהֵינוּ בְּכָל־הָאָרֶץ
מִשְׁפָּטָיו׃
1Chron 16.15
זִכְרוּ לְעוֺלָם בְּרִיתוֺ דָּבָר
צִוָּה לְאֶלֶף דּוֺר׃
1Chron 16.16
אֲשֶׁר כָּרַת אֶת־אַבְרָהָם וּשְׁבוּעָתוֺ
לְיִצְחָק׃
1Chron 16.17
וַיַּעֲמִידֶהָ לְיַעֲקֹב לְחֹק לְיִשְׂרָאֵל
בְּרִית עוֺלָם׃
1Chron 16.18
לֵאמֹר לְךָ אֶתֵּן אֶרֶצ־כְּנָעַן
חֶבֶל נַחֲלַתְכֶם׃
1Chron 16.19
בִּהְיֺותְכֶם מְתֵי מִסְפָּר כִּמְעַט
וְגָרִים בָּהּ׃
1Chron 16.20
וַיִּתְהַלְּכוּ מִגֺּוי אֶל־גֺּוי וּמִמַּמְלָכָה
אֶל־עַם אַחֵר׃
1Chron 16.21
לֹא־הִנִּיחַ לְאִישׁ לְעָשְׁקָם וַיֺּוכַח
עֲלֵיהֶם מְלָכִים׃
1Chron 16.22
אַל־תִּגְּעוּ בִּמְשִׁיחָי וּבִנְבִיאַי
אַל־תָּרֵעוּ׃ ף
1Chron 16.23
שִׁירוּ לַיהוָה כָּל־הָאָרֶץ בַּשְּׂרוּ
מִיֺּומ־אֶל־יֺום יְשׁוּעָתוֺ׃
1Chron 16.24
סַפְּרוּ בַגֺּויִם אֶת־כְּבוֺדוֺ בְּכָל־הָעַמִּים
נִפְלְאֹתָיו׃
1Chron 16.25
כִּי גָדוֺל יְהוָה וּמְהֻלָּל מְאֹד
וְנֺורָא הוּא עַל־כָּל־אֱלֹהִים׃
1Chron 16.26
כִּי כָּל־אֱלֹהֵי הָעַמִּים אֱלִילִים
וַיהוָה שָׁמַיִם עָשָׂה׃
1Chron 16.27
הוֺד וְהָדָר לְפָנָיו עֹז וְחֶדְוָה
בִּמְקֹמוֺ׃
1Chron 16.28
הָבוּ לַיהוָה מִשְׁפְּחוֺת עַמִּים
הָבוּ לַיהוָה כָּבוֺד וָעֹז׃
1Chron 16.29
הָבוּ לַיהוָה כְּבוֺד שְׁמוֺ שְׂאוּ
מִנְחָה וּבֹאוּ לְפָנָיו הִשְׁתַּחֲווּ
לַיהוָה בְּהַדְרַת־קֹדֶשׁ׃
1Chron 16.30
חִילוּ מִלְּפָנָיו כָּל־הָאָרֶץ
אַפ־תִּכּוֺן תֵּבֵל בַּל־תִּמּוֺט׃
1Chron 16.31
יִשְׂמְחוּ הַשָּׁמַיִם וְתָגֵל הָאָרֶץ
וְיֺאמְרוּ בַגֺּויִם יְהוָה מָלָך׃
1Chron 16.32
יִרְעַם הַיָּם וּמְלוֺאוֺ יַעֲלֹץ
הַשָּׂדֶה וְכָל־אֲשֶׁר־בּוֺ׃
1Chron 16.33
אָז יְרַנְּנוּ עֲצֵי הַיָּעַר מִלִּפְנֵי
יְהוָה כִּי־בָא לִשְׁפּוֺט אֶת־הָאָרֶץ׃
1Chron 16.34
הוֺדוּ לַיהוָה כִּי טוֺב כִּי
לְעוֺלָם חַסְדּוֺ׃
1Chron 16.35
וְאִמְרוּ הוֺשִׁיעֵנוּ אֱלֹהֵי יִשְׁעֵנוּ
וְקַבְּצֵנוּ וְהַצִּילֵנוּ מִנ־הַגֺּויִם
לְהֹדוֺת לְשֵׁם קָדְשֶׁךָ לְהִשְׁתַּבֵּחַ
בִּתְהִלָּתֶךָ׃
1Chron 16.36
בָּרוּך יְהוָה אֱלֹהֵי יִשְׂרָאֵל
מִנ־הָעוֺלָם וְעַד הָעֹלָם וַיֺּאמְרוּ
כָל־הָעָם אָמֵן וְהַלֵּל לַיהוָה׃
ף
1Chron 16.37
וַיַּעֲזָב־שָׁם לִפְנֵי אֲרוֺן בְּרִית־יְהוָה
לְאָסָף וּלְאֶחָיו לְשָׁרֵת לִפְנֵי
הָאָרוֺן תָּמִיד לִדְבַר־יֺום בְּיֺומוֺ׃
1Chron 16.38
וְעֹבֵד אֱדֹם וַאֲחֵיהֶם שִׁשִּׁים
וּשְׁמוֺנָה וְעֹבֵד אֱדֹם בֶּנ־יְדִיתוּן
וְחֹסָה לְשֹׁעֲרִים׃
1Chron 16.39
וְאֵת צָדוֺק הַכֹּהֵן וְאֶחָיו
הַכֹּהֲנִים לִפְנֵי מִשְׁכַּן יְהוָה
בַּבָּמָה אֲשֶׁר בְּגִבְעוֺן׃
1Chron 16.40
לְהַעֲלוֺת עֹלוֺת לַיהוָה עַל־מִזְבַּח
הָעֹלָה תָּמִיד לַבֹּקֶר וְלָעָרֶב
וּלְכָל־הַכָּתוּב בְּתוֺרַת יְהוָה
אֲשֶׁר צִוָּה עַל־יִשְׂרָאֵל׃
1Chron 16.41
וְעִמָּהֶם הֵימָן וִידוּתוּן וּשְׁאָר
הַבְּרוּרִים אֲשֶׁר נִקְּבוּ בְּשֵׁמוֺת
לְהֹדוֺת לַיהוָה כִּי לְעוֺלָם
חַסְדּוֺ׃
1Chron 16.42
וְעִמָּהֶם הֵימָן וִידוּתוּן הֲצֹצְרוֺת
וּמְצִלְתַּיִם לְמַשְׁמִיעִים וּכְלֵי
שִׁיר הָאֱלֹהִים וּבְנֵי יְדוּתוּן
לַשָּׁעַר׃
1Chron 16.43
וַיֵּלְכוּ כָל־הָעָם אִישׁ לְבֵיתוֺ
וַיִּסֹּב דָּוִיד לְבָרֵך אֶת־בֵּיתוֺ׃
ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages